ಬುಡಾ ಅಧ್ಯಕ್ಷ ಸ್ಥಾನದಿಂದ ಕೆಳಗಿಳಿದಿದ್ದು ನನಗೆ ಬಹಳ ನೋವಾಗಿದೆ| ನಾನು ಬುಡಾ ಅಧ್ಯಕ್ಷನಾದಾಗ ಬಿಜೆಪಿ ಕಾರ್ಯಕರ್ತರಲ್ಲ, ಕಾಂಗ್ರೆಸ್‌, ಜೆಡಿಎಸ್‌ ಕಾರ್ಯಕರ್ತರು ಖುಷಿ ಪಟ್ಟಿದ್ದರು| ಹಬ್ಬ ಮಾಡಿ ಹೋಳಿಗೆ ಊಟ ಮಾಡಿದ್ದರು| ನನ್ನ ಅಧ್ಯಕ್ಷ ಸ್ಥಾನದಿಂದ ತೆಗೆದಾಗ ಕಾಂಗ್ರೆಸ್‌, ಜನತಾದಳದ ಕಾರ್ಯಕರ್ತರು ನೋವು ಪಟ್ಟು ಸಾಮಾನ್ಯ ಕಾರ್ಯಕರ್ತರ ಪರಿಸ್ಥಿತಿ ಏನು ಎಂದು ಪ್ರಶ್ನಿಸಿದ್ದರು:ರಾಮಲಿಂಗಪ್ಪ|
ಹೊಸಪೇಟೆ(ಫೆ.04): ನಾನು ಬ್ಲಾಕ್‌ಮೇಲ್‌ ಮಾಡೋನಲ್ಲ, ನನಗೆ ಸಿಡಿನೂ ಗೊತ್ತಿಲ್ಲ, ಸೀರೆನೂ ಗೊತ್ತಿಲ್ಲ ಎಂದು ಬುಡಾ ಮಾಜಿ ಅಧ್ಯಕ್ಷ ಕೆ.ಎ. ರಾಮಲಿಂಗಪ್ಪ ಮಾರ್ಮಿಕವಾಗಿ ನುಡಿದರು.
ನಗರದಲ್ಲಿ ಬುಧವಾರ ಸುದ್ದಿಗೋಷ್ಠಿಯಲ್ಲಿ ಪ್ರಶ್ನೆಗೆ ಉತ್ತರಿಸಿದ ಅವರು, ನಾನು ಬುಡಾ ಅಧ್ಯಕ್ಷ ಸ್ಥಾನ ಕೇಳಿರಲಿಲ್ಲ. ಸಿಎಂ ಆಫೀಸ್‌ನಿಂದಲೇ ಕರೆ ಬಂದಿತ್ತು. ಅಧಿಕಾರ ಸ್ವೀಕಾರ ಮಾಡಿದ ಬಳಿಕ ಮತ್ತೆ ಮೊದಲಿದ್ದವರಿಗೆ ಅಧಿಕಾರ ನೀಡಲಾಗಿದೆ. ಇದು ರೆಡ್ಡಿ ಬ್ರದರ್ಸ್‌ಗೆ ಹಿನ್ನಡೆ, ಮೂಲ ಬಿಜೆಪಿಗರ ಮುನ್ನಡೆ ಅಲ್ಲ. ಬಿಜೆಪಿ ಮುನ್ನಡೆ ಅಷ್ಟೇ. ನಾನು ವ್ಯಕ್ತಿ ಪೂಜೆ ಮಾಡುವುನಲ್ಲ, ಪಕ್ಷದ ಪೂಜೆ ಮಾಡುತ್ತೇನೆ ಎಂದರು.
ಬುಡಾ ಅಧ್ಯಕ್ಷ ಸ್ಥಾನದಿಂದ ಕೆಳಗಿಳಿದಿದ್ದು ನನಗೆ ಬಹಳ ನೋವಾಗಿದೆ. ನಾನು ಬುಡಾ ಅಧ್ಯಕ್ಷನಾದಾಗ ಬಿಜೆಪಿ ಕಾರ್ಯಕರ್ತರಲ್ಲ, ಕಾಂಗ್ರೆಸ್‌, ಜೆಡಿಎಸ್‌ ಕಾರ್ಯಕರ್ತರು ಖುಷಿ ಪಟ್ಟಿದ್ದರು. ಹಬ್ಬ ಮಾಡಿ ಹೋಳಿಗೆ ಊಟ ಮಾಡಿದ್ದರು. ನನ್ನ ಅಧ್ಯಕ್ಷ ಸ್ಥಾನದಿಂದ ತೆಗೆದಾಗ ಕಾಂಗ್ರೆಸ್‌, ಜನತಾದಳದ ಕಾರ್ಯಕರ್ತರು ನೋವು ಪಟ್ಟು ಸಾಮಾನ್ಯ ಕಾರ್ಯಕರ್ತರ ಪರಿಸ್ಥಿತಿ ಏನು ಎಂದು ಪ್ರಶ್ನಿಸಿದ್ದರು ಎಂದರು.
ವಾಡಾ ಅಧ್ಯಕ್ಷ ಸ್ಥಾನ ನಾನೊಲ್ಲೆ: ಸಿಎಂ ಬಿಎಸ್‌ವೈಗೆ ಪತ್ರ ಬರೆದ ಬಿಜೆಪಿ ಮುಖಂಡ
ಪಕ್ಷದ ಜಿಲ್ಲಾಧ್ಯಕ್ಷರ ಗಮನಕ್ಕೆ ಬಾರದೆ ಇದೆಲ್ಲ ಆಗಿವೆ. ಯಾರು ಒತ್ತಡ ತಂದು ನನ್ನನ್ನು ಅಧ್ಯಕ್ಷ ಸ್ಥಾನದಿಂದ ಕೇಳಿಸಿದ್ದಾರೋ ಅವರಿಗೆ ಕೋಟಿ ಕೋಟಿ ನಮನಗಳು. ರಾಮಲಿಂಗಪ್ಪ ಬಳ್ಳಾರಿಗಷ್ಟೇ ಗೊತ್ತಿದ್ದ, ಈ ಘಟನೆಯಿಂದ ರಾಜ್ಯಕ್ಕೆ ಗೊತ್ತಾಯಿತು. ಅವರಿಗೆ ಹೂವಿನ ಹಾರ ಹಾಕುತ್ತೇನೆ. ಪಕ್ಷ ಕಟ್ಟುವ ವ್ಯಕ್ತಿ ನಾನಾಗಿದ್ದರೂ ನನ್ನನ್ನು ತುಳಿದಿದ್ದಾರೆ. ತುಳಿದಷ್ಟು ನಾನು ಬೆಳೆಯುವೆ. ನನಗೆ ಅಧಿಕಾರ ಮುಖ್ಯವಲ್ಲ, ಪಕ್ಷ ಮುಖ್ಯ ಎಂದು ಮಾರ್ಮಿಕವಾಗಿ ಹೇಳಿದರು.
ಅಧ್ಯಕ್ಷ ಸ್ಥಾನದಿಂದ ಕೆಳಗಿಸಿರುವುದು ಅವಮಾನವಾಗಿದೆ, ನೋವಾಗಿದೆ. ಆದರೆ, ಪಕ್ಷಕ್ಕೆ ಯಾರೇ ಬಂದರೂ, ಪಕ್ಷ ಬಿಟ್ಟು ಹೋದರೂ ನಾನು ಪಕ್ಷದಲ್ಲಿಯೇ ಇದ್ದೇನೆ. ಹೀಗಾಗಿ ನಾನು ಯಾರಿಗೂ ಬ್ಲಾಕ್‌ಮೇಲ್‌ ಮಾಡುವವನಲ್ಲ ಎಂದರು.
ನನ್ನ ಗುರಿ ಪಕ್ಷ ಬೆಳೆಸುವುದು. ಹತ್ತು ವಿಧಾನಸಭೆ ಕ್ಷೇತ್ರ ಮತ್ತು ಬಳ್ಳಾರಿ ಮಹಾನಗರ ಪಾಲಿಕೆ ಬಿಜೆಪಿ ತೆಕ್ಕೆಗೆ ಇರಬೇಕು. ವ್ಯಕ್ತಿ ಪೂಜೆ ಮಾಡೋರು, ಬುಡಾ ಅಧ್ಯಕ್ಷ ಸ್ಥಾನ ತೆಗೆದುಕೊಂಡು ಬಂದಿದ್ದಾರೆ ವಿನಃ ಸುಲಭವಾಗಿ ಅಲ್ಲ ಎಂದು ಹೇಳಿದರು.
ಇಂದು ಯಡಿಯೂರಪ್ಪನವರು ಸರ್ಕಾರ ಉಳಿಸಿಕೊಂಡಿದ್ದಾರೆ. ನಮಗೆ ಅಷ್ಟೇ ಸಾಕು, ನನಗೆ ಪದವಿ ಮುಖ್ಯವಲ್ಲ. ಸರ್ಕಾರ ಇದ್ದರೆ ತಾನೇ ನಮ್ಮ ಭಾಗದ ಶಾಸಕರು ಸಚಿವರಾಗೋದು, ಅವರು ಸಚಿವರಾದರೆ ನಾನು ಮೊದಲು ಖುಷಿ ಪಡುತ್ತೇನೆ ಎಂದರು.