ಬೆಂಗಳೂರಿನಲ್ಲಿ ಕಾರಿನಲ್ಲಿದ್ದ ಯುವತಿಯನ್ನು ಯುವಕರ ಗುಂಪೊಂದು ಹಿಂಬಾಲಿಸಿ ಕಿರುಕುಳ ನೀಡಿದ ಘಟನೆ ವರದಿಯಾಗಿದೆ. ಕೋರಮಂಗಲದಲ್ಲಿ ನಡೆದ ಈ ಘಟನೆಯ ವೀಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಮಹಿಳೆಯರ ಸುರಕ್ಷತೆಯ ಬಗ್ಗೆ ಚರ್ಚೆಗೆ ಕಾರಣವಾಗಿದೆ.
ಬೆಂಗಳೂರು ನಗರದ ಪ್ರಮುಖ ರಸ್ತೆಯಲ್ಲಿ ಕಾರಿನಲ್ಲಿ ಪ್ರಯಾಣಿಸುತ್ತಿದ್ದ ಯುವತಿಯನ್ನು ಯುವಕರ ಗುಂಪೊಂದು ಹಿಂಬಾಲಿಸಿ ಕಿರುಕುಳ ನೀಡಿದ ವೀಡಿಯೊ ಸಾಮಾಜಿಕ ಮಾಧ್ಯಮ ಬಳಕೆದಾರರಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿದೆ. ಬೆಂಗಳೂರಿನ ಕೋರಮಂಗಲದ ಬಳಿ ಹೆಲ್ಮೆಟ್ ಧರಿಸದೆ ಟ್ರಿಪಲ್ ಸವಾರಿಯಲ್ಲಿ ಬಂದ ಯುವಕರು ಯುವತಿಯ ಕಾರನ್ನು ಹಿಂಬಾಲಿಸಿದ್ದಾರೆ.
ರಾತ್ರಿ ವೇಳೆಯಲ್ಲಿ ನಗರಗಳಲ್ಲಿ ಮಹಿಳೆಯರು ಹೆಚ್ಚು ದೌರ್ಜನ್ಯಕ್ಕೊಳಗಾಗುತ್ತಾರೆ. ರಾತ್ರಿ ವೇಳೆ ಕೆಲವೆಡೆ ಬೀದಿ ದೀಪಗಳು ಇರದ ಸ್ಥಳಗಳು ಇಂತಹ ದಾಳಿಗಳಿಗೆ ಅನುಕೂಲಕರವಾಗಿದೆ. ಆದರೆ, ಬೆಂಗಳೂರು ನಗರದ ಪ್ರಮುಖ ರಸ್ತೆಯಲ್ಲಿ ಕಾರಿನಲ್ಲಿ ಪ್ರಯಾಣಿಸುತ್ತಿದ್ದ ಯುವತಿಯನ್ನು ಯುವಕರ ಗುಂಪೊಂದು ಹಿಂಬಾಲಿಸಿ ಕಿರುಕುಳ ನೀಡಿದ ವೀಡಿಯೊ ಸಾಮಾಜಿಕ ಮಾಧ್ಯಮ ಬಳಕೆದಾರರಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿದೆ. ಬೆಂಗಳೂರಿನ ಕೋರಮಂಗಲದ ಬಳಿ ಹೆಲ್ಮೆಟ್ ಧರಿಸದೆ ಟ್ರಿಪಲ್ ಸವಾರಿಯಲ್ಲಿ ಬಂದ ಯುವಕರು ಯುವತಿಯ ಕಾರನ್ನು ಹಿಂಬಾಲಿಸಿದ್ದಾರೆ. ಬೆಳಗಿನ ಜಾವ ಎರಡು ಗಂಟೆಗೆ ಈ ಘಟನೆ ನಡೆದಿದೆ ಎಂದು ಹಿಂದೂಸ್ತಾನ್ ಟೈಮ್ಸ್ ವರದಿ ಮಾಡಿದೆ.
ಬೆಂಗಳೂರು ಐಜಿ ಎಂಬ ಇನ್‌ಸ್ಟಾಗ್ರಾಮ್ ಪುಟದಲ್ಲಿ ಹಂಚಿಕೊಳ್ಳಲಾದ ವೀಡಿಯೊದಲ್ಲಿ, ಉಸಿರುಗಟ್ಟುವಂತೆ ಯಾರಾದರೂ ಸಹಾಯ ಮಾಡಿ ಎಂದು ಕಿರುಚುವ ಯುವತಿಯ ಧ್ವನಿ ಕೇಳಬಹುದು. ಒಂದು ಕಾರನ್ನು ಹಿಂಬಾಲಿಸುವ ಸ್ಕೂಟರ್ ಕೂಡ ಕಾಣಬಹುದು. ಕಾರಿನಲ್ಲಿ ಯುವತಿ ಪೊಲೀಸ್ ಠಾಣೆಗೆ ಕರೆ ಮಾಡಿ ದೂರು ನೀಡುವುದನ್ನು ವೀಡಿಯೊದಲ್ಲಿ ಕೇಳಬಹುದು. ತನ್ನ ಹೆಸರು ಪ್ರಿಯಂ ಸಿಂಗ್ ಎಂದು ಮತ್ತು ಮೂವರು ಸ್ಕೂಟರ್‌ನಲ್ಲಿ ತನ್ನನ್ನು ಹಿಂಬಾಲಿಸುತ್ತಿದ್ದಾರೆ ಎಂದು ಯುವತಿ ಹೇಳುತ್ತಾಳೆ. ಸ್ಕೂಟರ್‌ನ ನಂಬರ್ ಅನ್ನು ಸಹ ಯುವತಿ ಹೇಳುವುದನ್ನು ಕೇಳಬಹುದು. ವೀಡಿಯೊದಲ್ಲಿ ಹೆಲ್ಮೆಟ್ ಧರಿಸದೆ ಟ್ರಿಪಲ್ ಸವಾರಿಯಲ್ಲಿ ಬಂದ ಮೂವರು ಯುವಕರು ಕಾರಿನ ಮುಂದೆ ಮತ್ತು ಹಿಂದೆ ಯುವತಿಯನ್ನು ಹಿಂಬಾಲಿಸುತ್ತಾರೆ. ಈ ಮಧ್ಯೆ, ಅವರು ಕಾರಿನ ಬಾಗಿಲು ತೆರೆಯಲು ಪ್ರಯತ್ನಿಸುವುದನ್ನು ವೀಡಿಯೊದಲ್ಲಿ ಕಾಣಬಹುದು.
ಇದನ್ನೂ ಓದಿ: ಬೆಂಗಳೂರಿನ ಟಾಪ್-5 ಜನದಟ್ಟಣೆ ಮೆಟ್ರೋ ನಿಲ್ದಾಣಗಳು ಯಾವುವು?
ಭಯಭೀತಳಾದ ಯುವತಿ ಪೊಲೀಸರಿಗೆ ಘಟನೆಯನ್ನು ವಿವರಿಸುವ ರೀತಿಯೇ ಆಕೆಯ ಆತಂಕವನ್ನು ಸೂಚಿಸುತ್ತದೆ. ಯುವಕರನ್ನು ತಪ್ಪಿಸಿಕೊಂಡು ಯುವತಿ ತಿರುವು ಪಡೆದಾಗ, ಅವರು ಮತ್ತೆ ಹಿಂತಿರುಗಿ ಯುವತಿಯ ಕಾರನ್ನು ಹಿಂಬಾಲಿಸುವುದನ್ನು ವೀಡಿಯೊದಲ್ಲಿ ಕಾಣಬಹುದು. ಮೂರು ದಿನಗಳ ಹಿಂದೆ ವೀಡಿಯೊವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗಿದ್ದರೂ, ಘಟನೆ ಯಾವಾಗ ನಡೆದಿದೆ ಎಂಬುದು ಖಚಿತವಾಗಿಲ್ಲ. ವೀಡಿಯೊ ವೈರಲ್ ಆದ ನಂತರ ಸಾಮಾಜಿಕ ಮಾಧ್ಯಮ ಬಳಕೆದಾರರು ಎರಡು ಬಣಗಳಾಗಿ ವಿಭಜನೆಯಾದರು. ಒಂದು ಗುಂಪು ಮಹಿಳೆಯರ ಸುರಕ್ಷತೆಯ ಬಗ್ಗೆ ಕಳವಳ ವ್ಯಕ್ತಪಡಿಸಿದರೆ, ಇನ್ನೊಂದು ಗುಂಪು ಯುವಕರು ಅವರನ್ನು ಹಿಂಬಾಲಿಸಲು ಏನಾದರೂ ಕಾರಣ ಇರಬಹುದು ಎಂದು ಚರ್ಚೆ ಮಾಡಲಾಗುತ್ತಿದೆ.
ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆಯೇ ಬೆಂಗಳೂರು ನಗರದಲ್ಲಿ ಇದೇ ರೀತಿಯ ಅನುಭವಗಳನ್ನು ಇತರರು ಹಂಚಿಕೊಂಡಿದ್ದಾರೆ. 'ಯಾರಾರೋ ನಿಮ್ಮ ಕಾರನ್ನು ಹಾಗೆ ಹಿಂಬಾಲಿಸುವುದಿಲ್ಲ ಅಥವಾ ಹೊಡೆಯುವುದಿಲ್ಲ. ಅದರ ಹಿಂದಿನ ಕಥೆ ಏನು? ರಸ್ತೆಯಲ್ಲಿ ಉತ್ತಮ ದಟ್ಟಣೆ ಇದೆ ಎಂದು ತೋರುತ್ತದೆ. ಭಯಪಡಬೇಡಿ ಎಂದು ಓರ್ವ ವೀಕ್ಷಕ ಬರೆದಿದ್ದಾರೆ. 'ಬೆಂಗಳೂರು ಪೊಲೀಸರು ನಿಜವಾಗಿಯೂ ಏನನ್ನಾದರೂ ಮಾಡಿದ್ದಾರೆಯೇ? ಅವರ ಬಳಿ ಈಗ ವಾಹನದ ನಂಬರ್ ಇದೆ.' ಎಂದು ಮತ್ತೊಬ್ಬ ವೀಕ್ಷಕ ಬರೆದಿದ್ದಾರೆ. 'ಈಗ ಸ್ಥಳೀಯರು ಏನನ್ನಾದರೂ ಮಾಡುವವರೆಗೆ ಬೆಂಗಳೂರು ಪೊಲೀಸರು ಪ್ರತಿಕ್ರಿಯಿಸುವುದಿಲ್ಲ' ಎಂದು ಮತ್ತೊಂದು ಬರಹವಿತ್ತು. ಕೋರಮಂಗಲದಿಂದ ಇದಕ್ಕೂ ಮೊದಲು ಇದೇ ರೀತಿಯ ಘಟನೆಗಳು ವರದಿಯಾಗಿವೆ.
ಇದನ್ನೂ ಓದಿ: ಬೈಕ್‌ನಲ್ಲೇ ATM ಮತ್ತು ಕೂಲ್‌ಡ್ರಿಂಕ್ಸ್; ಗ್ರಾಮೀಣ ಯುವಕನ ವಿಶಿಷ್ಟ ಆವಿಷ್ಕಾರ ವೈರಲ್