ಉಡುಪಿ: ಮುಂಬೈಯಿಂದ ಬಂದ 9 ಮಂದಿಗೆ ಸೋಂಕು

ಉಡುಪಿ ಜಿಲ್ಲೆಗೆ ಮತ್ತೆ ಮುಂಬೈ ಸೋಂಕು ದಾಳಿ ಮಾಡಿದೆ. ಜಿಲ್ಲೆಯಲ್ಲಿ ಬುಧವಾರ 9 ಕೊರೋನಾ ಸೋಂಕು ಪ್ರಕರಣಗಳು ಪತ್ತೆಯಾಗಿದ್ದು, ಅವೆಲ್ಲವೂ ಮಹಾರಾಷ್ಟ್ರ ಮೂಲದಿಂದಲೇ ಬಂದಿವೆ.

ಉಡುಪಿ(ಮೇ 28): ಉಡುಪಿ ಜಿಲ್ಲೆಗೆ ಮತ್ತೆ ಮುಂಬೈ ಸೋಂಕು ದಾಳಿ ಮಾಡಿದೆ. ಜಿಲ್ಲೆಯಲ್ಲಿ ಬುಧವಾರ 9 ಕೊರೋನಾ ಸೋಂಕು ಪ್ರಕರಣಗಳು ಪತ್ತೆಯಾಗಿದ್ದು, ಅವೆಲ್ಲವೂ ಮಹಾರಾಷ್ಟ್ರ ಮೂಲದಿಂದಲೇ ಬಂದಿವೆ.

ಬುಧವಾರ ಪತ್ತೆಯಾದ ಎಲ್ಲ ಕೊರೋನಾ ಪ್ರಕರಣಗಳು ಮಹರಾಷ್ಟ್ರ ಮೂಲದಿಂದಲೇ ಬಂದಿವೆ. ಜಿಲ್ಲೆಯಲ್ಲಿ ಇದುವರೆಗೆ ಪತ್ತೆಯಾದ ಒಟ್ಟು ಕೊರೋವಾ ಪ್ರಕರಣಗಳ ಸಂಖ್ಯೆ 120ಕ್ಕೇರಿದೆ. ಅವರಲ್ಲಿ 6 ಮಂದಿ ಪುರುಷರು, 2 ಮಂದಿ ಮಹಿಳೆಯರು ಮತ್ತು 9 ವರ್ಷದ ಬಾಲಕ ಸೇರಿದ್ದಾನೆ.

ಈ ಸೋಂಕಿತರು ಎಲ್ಲರೂ ಕ್ವಾರಂಟೈನ್‌ ನಲ್ಲಿದ್ದು, ಅವರನ್ನು ತಕ್ಷಣ ಕೋವಿಡ್‌ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಜಿಲ್ಲೆಯ ಒಟ್ಟು 120 ಕೊರೋನಾ ಸೋಂಕಿತರಲ್ಲಿ ಮಹಾರಾಷ್ಟ್ರದಿಂದ ಬಂದವರ ಸಂಖ್ಯೆ 98 ಆಗಿದೆ.

ಅವರನ್ನು ಬಿಟ್ಟರೇ ಅತಿ ಹೆಚ್ಚು ದುಬೈಯಿಂದ 13, ಕೇರಳದಿಂದ 2 ಮತ್ತು ತೆಲಂಗಾಣದಿಂದ 1ರಿಗೆ ಕೊರೋನಾ ಸೋಂಕು ಪತ್ತೆಯಾಗಿದೆ. ಜಿಲ್ಲೆಯೊಳಗೆ 4 ಮಂದಿ ಪೊಲೀಸ್‌ ಸಿಬ್ಬಂದಿಗಳಿಗೆ, 1 ಜಿಪಂ ಸಿಬ್ಬಂದಿಗೆ ಮತ್ತು 1 ಗರ್ಭಿಣಿಗೂ ಸೋಂಕು ಪತ್ತೆಯಾಗಿದೆ.