ಹಾಲು, ಮೊಸರು ಸೇರಿ ಹಾಲಿನ ಉತ್ಪನ್ನ ಪ್ಯಾಕೆಟ್ ಮೇಲೆ ಈ ಲೋಗೋ ಕಡ್ಡಾಯ, ಚೆಕ್ ಮಾಡಿ ಖರೀದಿಸಿ

Published : Nov 16, 2026, 05:17 PM IST
Mandatory Logo on Dairy Product Packets

ಸಾರಾಂಶ

ಹಾಲು, ಮೊಸರು, ಬೆಣ್ಣೆ ಸೇರಿದಂತೆ ಹಾಲಿನ ಉತ್ಪನ್ನಗಳ ಪ್ಯಾಕೆಟ್ ಮೇಲೆ ಹೊಸ ಲೋಗೋ ಇರಲೇಬೇಕು. ಈ ಲೋಗೋ ಇದ್ದರೆ ಮಾತ್ರ ಉತ್ಪನ್ನ ಹಾಲು ಅಥವಾ ಹಾಲಿನ ಉತ್ಪನ್ನ ಅನ್ನೋ ಖಚಿತವಾಗಲಿದೆ. ಗ್ರಾಹಕರು ಇನ್ಮುಂದೆ ಖರೀದಿ ಮಾಡುವಾಗ ಲೋಗೋ ಪರಿಶೀಲಿಸಿ.

ನವದೆಹಲಿ (ನ.16) ಹಾಲು, ಮೊಸರು, ಚೀಸ್ ಸೇರಿದಂತೆ ಹಾಲಿನ ಉತ್ಪನ್ನಗಳು ಪ್ರತಿ ದಿನ ಬಹುತೇಕರ ಬಳಸುವ ಆಹಾರಗಳು. ಇತ್ತೀಚೆಗೆ ಕರ್ನಾಟಕದಲ್ಲಿ ಹಾಲಿನ ಬೆಲೆ ಏರಿಕೆ ಗ್ರಾಹಕರ ತಲೆನೋವು ಹೆಚ್ಚಿಸಿದೆ. ಮತ್ತೊಂದೆಡೆ ಹಾಲು ಹಾಗೂ ಹಾಲಿನ ಉತ್ಪನ್ನಗಳಲ್ಲಿ ಯಾವುದು ಅಸಲಿ , ಯಾವುದು ನಕಲಿ ಅನ್ನೋದು ಮೇಲ್ನೋಟಕ್ಕೆ ಪತ್ತೆ ಹಚ್ಚುವುದೇ ಕಷ್ಟವಾಗಿದೆ. ಇದೀಗ ಭಾರತೀಯ ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಪ್ರಾಧಿಕಾರ (FSSAI) ಹೊಸ ನಿಮಯ ತಂದಿದೆ. ಹಾಲು ಸೇರಿ ಹಾಲಿನ ಉತ್ಪನ್ನಗಳಲ್ಲಿ ಹಾಲಿನ ಡ್ರಾಪ್ ಲೋಗೋ ಇರಲೇಬೇಕು. ಇದು ಕಡ್ಡಾಯವಾಗಿದೆ.

ಬಿಳಿ ಹಾಲಿನ ಹನಿಯ ಚಿಹ್ನೆ

ಹಾಲು ಹಾಗೂ ಹಾಲಿನ ಉತ್ಪನ್ನಗಳಲ್ಲಿ ಬಿಳಿ ಹನಿ ಇರುವ ಹಾಲಿನ ಚಿಹ್ನೆ ಕಡ್ಡಾಯವಾಗಿದೆ. ನೀಲಿ ಚೌಕದ ಫ್ರೇಮ್ ಒಳಗೆ ಬಿಳಿ ಹಾಲಿನ ಹನಿ ಇರುವ ಲೋಗೋ ಪ್ರತಿ ಹಾಲು ಹಾಗೂ ಹಾಲಿನ ಉತ್ಪನ್ನದಲ್ಲಿ ಕಡ್ಡಾಯವಾಗಿದೆ. ಇದು ಉತ್ಪನ್ನಗಳ ಪ್ಯಾಕೆಟ್ ಮೇಲಿನ ಗಾತ್ರಕ್ಕೆ ಅನುಗುಣವಾಗಿ ಬದಲಾಗಲಿದೆ.

ಹೊಸ ಲೋಗೋ ನೀತಿಗೆ ಕಾರಣವೇನು?

ಹಾಲಿನ ಹನಿ ಇರುವ ಚಿಹ್ನೆ ಲೋಗೋ ಹಾಲು ಹಾಗೂ ಹಾಲಿನ ಉತ್ಪನ್ನಗಳ ಪ್ರಾಡಕ್ಟ್ ಮೇಲೆ ಕಡ್ಡಾಯವಾಗಿದೆ. ಪ್ರಮುಖವಾಗಿ ಗ್ರಾಹಕರಿಗೆ ಹಾಲು ಹಾಗೂ ಹಾಲಿನ ಉತ್ಪನ್ನಗಳನ್ನು ಸುಲಭವಾಗಿ ಗುರುತಿಸಲು ಸಾಧ್ಯವಾಗಲಿದೆ. ಹೀಗಾಗಿ ಭಾರತೀಯ ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಪ್ರಾಧಿಕಾರ ಮಹತ್ವದ ಕ್ರಮ ಕೈಗೊಂಡಿದೆ. ಇದು ಏಕರೂಪದ ಲೋಗೋ. ಭಾರತದ ಎಲ್ಲಾ ಹಾಲು ಹಾಲಿನ ಉತ್ಪನ್ನಗಳ ಪ್ಯಾಕೆಟ್ ಮೇಲೆ ಕಡ್ಡಾಯವಾಗಿ ಲೋಗೋ ಇರಬೇಕುಯ

ಯಾವಾಗಿನಿಂದ ಹೊಸ ನೀತಿ ಜಾರಿ

2026ರ ಆಹರಾ ಸುರಕ್ಷತಾ ಗುಣಮಟ್ಟ ಎರಡನೇ ತಿದ್ದುಪತಿ ನಿಯಮ ( ಲೇಬಲಿಂಗ್ ಹಾಗೂ ಪ್ರದರ್ಶನ) ಅಡಿಯಲ್ಲಿ ಹೊಸ ನೀತಿ ತರಲಾಗಿದೆ. ಹೊಸ ನಿಯಮ ಜುಲೈ 1, 2028ರಿಂದ ಜಾರಿಗೆ ಬರಲಿದೆ. ಡೈರಿ ಉತ್ಪಾದಕರು ತಮ್ಮ ಪ್ಯಾಕೆಟ್ ಮೇಲೆ ಹೊಸ ಲೋಗೋ ಬಳಸಿಕೊಳ್ಳಲು ಸಮಯ ನೀಡಲಾಗಿದೆ. ಸರಿಸುಮಾರು ಒಂದು ವರ್ಷಕ್ಕಿಂತಲೂ ಹೆಚ್ಚಿನ ಸಮಯ ಇರುವ ಕಾರಣ ಸ್ಟಾಕ್ ಪ್ಯಾಕೆಟ್ ಬಳಿಕ ಹೊಸ ಪ್ಯಾಕೆಟ್‌ನಲ್ಲಿ ಲೋಗೋ ಮುದ್ರಿಸಲು ಸಾಕಷ್ಟು ಸಮಯದ ಅವಕಾಶ ನೀಡಲಾಗಿದೆ.

ಗ್ರಾಹಕರು ಹಾಲು ಸೇರಿದಂತೆ ಹಾಲಿನ ಉತ್ಪನ್ನಗಳನ್ನು ಖರೀದಿಸುವಾಗ ಹಾಲಿನ ಡ್ರಾಪ್ ಇರುವ ಚಿಹ್ನೆ ಸುಲಭವಾಗಿ ಹಾಲಿನ ಉತ್ಪನ್ನಗಳನ್ನು ಗುರುತಿಸಲು ಸಾಧ್ಯವಾಗುತ್ತದೆ. ಪ್ರತಿ ಉತ್ಪನ್ನ ಹಾಲು ಅಥವಾ ಹಾಲಿನ ಉಪ ಉತ್ಪನ್ನವಾಗಿದ್ದರೆ ಮಾತ್ರ ಈ ಲೋಗೋ ಬಳಕೆ ಮಾಡಬೇಕು. ಹೀಗಾಗಿ ನಿಯಮ ಉಲ್ಲಂಘಿಸಿದರೂ ದುಬಾರಿ ದಂಡ ಬೀಳುವುದು ಮಾತ್ರವಲ್ಲ ಲೈಸೆನ್ಸ್ ಕೂಡ ರದ್ದಾಗಲಿದೆ.

PREV

ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್‌ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್‌ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್‌ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್‌ಲೋಡ್ ಮಾಡಿ ಹಾಗು ಎಲ್ಲಾ ಅಪ್‌ಡೇಟ್ ಗಳನ್ನು ಪಡೆಯಿರಿ

Read more Articles on
click me!

Recommended Stories

ಏರ್‌ಟೆಲ್‌ನಿಂದ ಭರ್ಜರಿ ಲಾಭ, ಗ್ರಾಹಕರಿಗೆ 30 ಸಾವಿರ ರೂ ಮೌಲ್ಯದ ಇನ್‌ಸೈಡರ್ ರಿವಾರ್ಡ್ ಆಫರ್
'ನನ್ನ ಸಾವಿನ ಬಳಿಕ ಮಗಳಿಗೆ ಕಷ್ಟವಾಗಬಾರದು' ಬದುಕಿರುವಾಗಲೇ ತನ್ನದೇ ತಿಥಿ ಮಾಡಿದ 80 ವರ್ಷದ ಅಪ್ಪ