ವೈರಸ್ ಹರಡುವ ಭೀತಿ, ಆಸ್ಪತ್ರೆಗಳಲ್ಲಿ ಮೊಬೈಲ್ ಬ್ಯಾನ್?

ಮೊಬೈಲ್‌ನಿಂದ ವೈರಸ್‌ ಭೀತಿ| ಆಸ್ಪತ್ರೆಗಳಲ್ಲಿ ನಿಷೇಧಕ್ಕೆ ವೈದ್ಯರ ಆಗ್ರಹ|  ಬಿಜಿಎಂ ಗ್ಲೋಬರ್‌ ಹೆಲ್ತ್‌ ಕೇರ್‌ ನಿಯತಕಾಲಿಕೆಯಲ್ಲಿ ಈ ಕುರಿತ ಟಿಪ್ಪಣಿ

ನವದೆಹಲಿ(ಮೇ.16): ಮೊಬೈಲ್‌ ಫೋನ್‌ನಿಂದಲೂ ಕೊರೋನಾ ವೈರಸ್‌ ಹಬ್ಬುವ ಸಾಧ್ಯತೆ ಹೆಚ್ಚಿರುವುದರಿಂದ ಆಸ್ಪತ್ರೆಗಳಲ್ಲಿ ಮೊಬೈಲ್‌ ಬಳಕೆ ನಿಷೇಧಿಸುವಂತೆ ರಾಯ್‌ಪುರ ಏಮ್ಸ್‌ ವೈದ್ಯರ ತಂಡ ಸಲಹೆ ನೀಡಿದೆ.

ಬಿಜಿಎಂ ಗ್ಲೋಬರ್‌ ಹೆಲ್ತ್‌ ಕೇರ್‌ ನಿಯತಕಾಲಿಕೆಯಲ್ಲಿ ಈ ಕುರಿತ ಟಿಪ್ಪಣಿ ಪ್ರಕಟವಾಗಿದ್ದು ಅದರಲ್ಲಿ, ಮೊಬೈಲ್‌ ಫೋನ್‌ಗಳ ಮೇಲ್ಭಾಗ ಅಥವಾ ಸ್ಕ್ರೀನ್‌ ಕೊರೋನಾ ಹರಡುವಲ್ಲಿ ಅತಿ ಹೆಚ್ಚು ಅಪಾಯಕಾರಿ. ಕೈಗಳನ್ನು ಸ್ವಚ್ಛಗೊಳಿಸಿಕೊಂಡರೂ ಮೊಬೈಲ್‌ ಫೋನ್‌ ಮುಖ ಮತ್ತು ಬಾಯಿಯ ನೇರ ಸಂಪರ್ಕಕ್ಕೆ ಬರುತ್ತದೆ.

ಸಮೀಕ್ಷೆಯೊಂದರ ಪ್ರಕಾರ, ವೈದ್ಯ ಸಿಬ್ಬಂದಿಗಳು ಪ್ರತಿ 2 ಗಂಟೆಗಳಲ್ಲಿ ಕನಿಷ್ಠ 15 ನಿಮಿಷ ಮೊಬೈಲ್‌ ಬಳಸುತ್ತಾರೆ. ಹಾಗಾಗಿ ಮೊಬೈಲ್‌ನಿಂದಾಗಿ ವೈದ್ಯ ಸಿಬ್ಬಂದಿಗಳಿಗೆ ಕೊರೋನಾ ತಗುಲುವ ಅಪಾಯ ಇದೆ ಎಂದು ಎಚ್ಚರಿಸಿದ್ದಾರೆ. ಹಾಗೂ ಆಸ್ಪತ್ರೆಗಳಲ್ಲಿ ಮೊಬೈಲ್‌ ನಿಷೇಧಿಸುವಂತೆ ಸಲಹೆ ನೀಡಿದ್ದಾರೆ.