ಮಹಾಕುಂಭಕ್ಕೆ ನಾರ್ವೆಯ ಮಾಜಿ ಸಚಿವ ಎರಿಕ್ ಸೋಲ್ಹೈಮ್ ಭೇಟಿ

ಮಾನವ ಇತಿಹಾಸದಲ್ಲಿ ಇದಕ್ಕಿಂತ ದೊಡ್ಡ ಕಾರ್ಯಕ್ರಮ ಎಂದಿಗೂ ನಡೆದಿಲ್ಲ, ಅಮೆರಿಕದಲ್ಲಿ ಅಲ್ಲ, ಯುರೋಪ್‌ನಲ್ಲಿ ಅಲ್ಲ, ಚೀನಾದಲ್ಲಿ ಅಲ್ಲ ಮತ್ತು ವಿಶ್ವದ ಯಾವುದೇ ಮೂಲೆಯಲ್ಲಿ ಅಲ್ಲ ಎಂದರು.

ಮಹಾಕುಂಭ ನಗರ: ಮಹಾಕುಂಭ 2025ರ ದಿವ್ಯ-ಭವ್ಯ ಆಯೋಜನೆಗೆ ಬದ್ಧವಾಗಿರುವ ಯೋಗಿ ಸರ್ಕಾರ ಈ ಮಹಾಕಾರ್ಯಕ್ರಮವನ್ನು ವಿಶ್ವಮಟ್ಟದಲ್ಲಿ ಜನಪ್ರಿಯಗೊಳಿಸಿದೆ. ಪ್ರಪಂಚದಾದ್ಯಂತ ಜನರು ಪ್ರಯಾಗ್‌ರಾಜ್ ಮಹಾಕುಂಭದ ಅನುಭೂತಿ ಪಡೆಯಲು ಬರುತ್ತಿದ್ದಾರೆ. ಈ ಸಂದರ್ಭದಲ್ಲಿ ನಾರ್ವೆಯ ಮಾಜಿ ಹವಾಮಾನ ಮತ್ತು ಪರಿಸರ ಸಚಿವ ಎರಿಕ್ ಸೋಲ್ಹೈಮ್ ಮಹಾಕುಂಭಕ್ಕೆ ಭೇಟಿ ನೀಡಿದರು. ಅವರು ಈ ಮಹಾಕಾರ್ಯಕ್ರಮವನ್ನು 'ವಿಶಿಷ್ಟ ಮತ್ತು ಜೀವನದಲ್ಲಿ ಒಮ್ಮೆ ಸಿಗುವ ಅನುಭವ' ಎಂದು ಬಣ್ಣಿಸಿದರು. ಇದು ವಿಶ್ವದ ಅತಿದೊಡ್ಡ ಆಧ್ಯಾತ್ಮಿಕ ಕಾರ್ಯಕ್ರಮ ಮಾತ್ರವಲ್ಲ, ಇತಿಹಾಸದಲ್ಲೇ ಅತಿ ದೊಡ್ಡ ಮಾನವ ಸಮಾಗಮ ಎಂದೂ ಅವರು ಬಣ್ಣಿಸಿದರು. ಎರಿಕ್ ಸೋಲ್ಹೈಮ್ ಈ ಭವ್ಯ ಕಾರ್ಯಕ್ರಮವನ್ನು ಮುಕ್ತಕಂಠದಿಂದ ಶ್ಲಾಘಿಸುತ್ತಾ, ಮಾನವ ಇತಿಹಾಸದಲ್ಲಿ ಇದಕ್ಕಿಂತ ದೊಡ್ಡ ಕಾರ್ಯಕ್ರಮ ಎಂದಿಗೂ ನಡೆದಿಲ್ಲ, ಅಮೆರಿಕದಲ್ಲಿ ಅಲ್ಲ, ಯುರೋಪ್‌ನಲ್ಲಿ ಅಲ್ಲ, ಚೀನಾದಲ್ಲಿ ಅಲ್ಲ ಮತ್ತು ವಿಶ್ವದ ಯಾವುದೇ ಮೂಲೆಯಲ್ಲಿ ಅಲ್ಲ ಎಂದರು.

'ಇದು ನನಗೆ ಜೀವನದಲ್ಲಿ ಒಮ್ಮೆ ಸಿಗುವ ಅನುಭವ'
ನಾರ್ವೆಯ ಮಾಜಿ ಹವಾಮಾನ ಮತ್ತು ಪರಿಸರ ಸಚಿವ ಎರಿಕ್ ಸೋಲ್ಹೈಮ್, ಮಹಾಕುಂಭ 2025 ರಲ್ಲಿ ಈವರೆಗೆ 400 ಮಿಲಿಯನ್ (40 ಕೋಟಿ) ಕ್ಕೂ ಹೆಚ್ಚು ಭಕ್ತರು ಆಸ್ಥೆಯಿಂದ ಮಿಂದೆದ್ದಿದ್ದಾರೆ ಎಂದು ಹೇಳಿದರು. ಈ ಭಕ್ತರು ದೇವರ ಆಶೀರ್ವಾದ ಪಡೆಯಲು, ಆಧ್ಯಾತ್ಮಿಕ ಮತ್ತು ಭಾವನಾತ್ಮಕ ಪ್ರಯಾಣ ಕೈಗೊಳ್ಳಲು, ಸ್ನೇಹವನ್ನು ಬೆಳೆಸಲು ಮತ್ತು ಕುಟುಂಬದೊಂದಿಗೆ ಹಬ್ಬ ಆಚರಿಸಲು ಇಲ್ಲಿ ಸೇರಿದ್ದಾರೆ. ಇದು ನನಗೆ ಜೀವನದಲ್ಲಿ ಒಮ್ಮೆ ಸಿಗುವ ಅನುಭವ. ಇದು ನನಗೆ ಮರೆಯಲಾಗದ ಅನುಭವ ಮತ್ತು ನಾನು ಇಲ್ಲಿಗೆ ಬಂದಿದ್ದಕ್ಕೆ ತುಂಬಾ ಸಂತೋಷವಾಗಿದೆ, ಏಕೆಂದರೆ ಮುಂದಿನ ಮಹಾಕುಂಭ 144 ವರ್ಷಗಳ ನಂತರ ನಡೆಯಲಿದೆ ಎಂದು ಅವರು ಹೇಳಿದರು.

ಇದನ್ನೂ ಓದಿ: ಕುಂಭಮೇಳದಲ್ಲಿ ಹೈಟೆಕ್ ಕಸ ತೆಗೆಯುವ ಯಂತ್ರ

ಜಗತ್ತು ನೋಡುತ್ತಿದೆ ಶ್ರದ್ಧೆ, ಭಕ್ತಿ ಮತ್ತು ಶಿಸ್ತಿನ ಅದ್ಭುತ ಸಂಗಮ
ಸುರಕ್ಷತೆ, ನೈರ್ಮಲ್ಯ, ಸಂಚಾರ ನಿರ್ವಹಣೆ ಮತ್ತು ಡಿಜಿಟಲ್ ಸೌಲಭ್ಯಗಳಿಂದಾಗಿ ಕೋಟ್ಯಂತರ ಸನಾತನಿಗಳು ಮಾತ್ರವಲ್ಲದೆ ವಿವಿಧ ಧರ್ಮಗಳ ಜನರು ಸಹ ಮಹಾಕುಂಭದ ಅನುಭೂತಿ ಪಡೆಯಲು ಬರುತ್ತಿದ್ದಾರೆ. ಯೋಗಿ ಸರ್ಕಾರ ಮಹಾಕುಂಭದ ಮೂಲಕ ಇಡೀ ಪ್ರಪಂಚಕ್ಕೆ ಭಾರತೀಯ ಸಂಸ್ಕೃತಿ ಮತ್ತು ಆಧ್ಯಾತ್ಮಿಕತೆಯ ಭವ್ಯ ಪ್ರದರ್ಶನವನ್ನು ನೀಡುತ್ತಿದೆ. ಪ್ರಪಂಚದಾದ್ಯಂತ ಜನರು ಇಲ್ಲಿ ಶ್ರದ್ಧೆ, ಭಕ್ತಿ ಮತ್ತು ಶಿಸ್ತಿನ ಅದ್ಭುತ ಸಂಗಮವನ್ನು ಕಣ್ತುಂಬಿಕೊಳ್ಳಲು ನಿರಂತರವಾಗಿ ಬರುತ್ತಿದ್ದಾರೆ.

ಇದನ್ನೂ ಓದಿ: ಮೇರಿ ಕೋಮ್​ರಿಂದ ಮಹಾಕುಂಭದಲ್ಲಿ ಸ್ಪೂರ್ತಿದಾಯಕ ಸಂದೇಶ