ಮಮತಾಗೆ ಮತ್ತೆ ಶಾಕ್‌: ಐವರು ಟಿಎಂಸಿ ಶಾಸಕರು ಬಿಜೆಪಿ ಸೇರ್ಪಡೆ!

ಚುನಾವಣೆ ನಿರತ ಪಶ್ಚಿಮ ಬಂಗಾಳದಲ್ಲಿ ಶಾಸಕರ ವಲಸೆ| ಮಮತಾಗೆ ಮತ್ತೆ ಶಾಕ್‌: ಐವರು ಟಿಎಂಸಿ ಶಾಸಕರು ಬಿಜೆಪಿ ಸೇರ್ಪಡೆ!

ಕೋಲ್ಕತಾ(ಮಾ.09): ಚುನಾವಣೆ ನಿರತ ಪಶ್ಚಿಮ ಬಂಗಾಳದಲ್ಲಿ ಶಾಸಕರ ವಲಸೆ ಮುಂದುವರಿದಿದೆ. ವಿಧಾನಸಭೆ ಚುನಾವಣೆಯಲ್ಲಿ ಟಿಕೆಟ್‌ ನಿರಾಕರಿಸಿರುವ ಕಾರಣಕ್ಕೆ ತೃಣಮೂಲ ಕಾಂಗ್ರೆಸ್‌ನ ಐವರು ಶಾಸಕರು ಪಕ್ಷ ತೊರೆದು ಸೋಮವಾರ ಬಿಜೆಪಿಗೆ ಸೆರ್ಪಡೆ ಆಗಿದ್ದಾರೆ.

ಈ ಮೂಲಕ ಮಾಲ್ಡಾ ಜಿಲ್ಲಾ ಪರಿಷದ್‌ನಲ್ಲಿ ಬಿಜೆಪಿ ಮೇಲುಗೈ ಸಾಧಿಸಿದೆ. ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರಿಗೆ ಆಪ್ತರಾಗಿರುವ ಸೊನಾಲಿ ಗುಹಾ, ಸಿಂಗೂರು ಚಳವಳಿಯ ಪ್ರಮುಖ ಮುಖವಾಗಿದ್ದ ರಬೀಂದ್ರನಾಥ್‌ ಬಟ್ಟಾಚಾರ್ಯ, 4 ಬಾರಿ ಶಾಸಕರಾಗಿರುವ ಜತು ಲಾಹಿರಿ, ಮಾಜಿ ಫುಟ್ಬಾಲ್‌ ಆಟಗಾರ ದಿಪೇಂದು ಬಿಸ್ವಾಸ್‌ ಹಾಗೂ ಶಾಸಕ ಸಿತಾಲ್‌ ಸರ್ದಾರ್‌ ಅವರು ಬಿಜೆಪಿಗೆ ಸೇರ್ಪಡೆ ಆಗಿದ್ದಾರೆ.

ಪಶ್ಚಿಮ ಬಂಗಾ​ಳ​ದಲ್ಲಿ ಬಿಜೆಪಿ ಜಯ​ಭೇ​ರಿ​ಯಾ​ದರೂ ಅಧಿ​ಕಾರ ಇಲ್ಲ

ಪಂಚ​ರಾ​ಜ್ಯ​ಗಳ ವಿಧಾ​ನ​ಸಭೆ ಚುನಾ​ವ​ಣೆಯ ಮೊದಲ ಹಂತದ ಚುನಾ​ವಣೆ ದಿನಾಂಕ ಹತ್ತಿ​ರ​ವಾ​ಗು​ತ್ತಿ​ರುವ ಬೆನ್ನ​ಲ್ಲೇ, ಟೈಮ್ಸ್‌ ನೌ, ಸಿ​- ವೋಟರ್‌ ಚುನಾ​ವಣಾ ಪೂರ್ವ ಸಮೀಕ್ಷೆಯೊಂದನ್ನು ನಡೆಸಿವೆ. ಸಮೀಕ್ಷೆ ಅನ್ವಯ ಪಶ್ಚಿಮ ಬಂಗಾ​ಳ​ದಲ್ಲಿ ಅಧಿ​ಕಾ​ರದ ಗದ್ದುಗೆ ಹಿಡಿ​ಯಲು ಶತಾ​ಯ​ಗ​ತಾಯ ಯತ್ನಿ​ಸು​ತ್ತಿ​ರುವ ಬಿಜೆ​ಪಿಯು ಒಟ್ಟು 294 ವಿಧಾ​ನ​ಸಭೆ ಕ್ಷೇತ್ರ​ಗಳ ಪೈಕಿ ಭರ್ಜರಿ 107 ಕ್ಷೇತ್ರ​ಗ​ಳಲ್ಲಿ ಜಯ​ಭೇರಿ ಬಾರಿ​ಸ​ಲಿದೆ. ಇನ್ನು ಯಾವುದೇ ಕಾರ​ಣಕ್ಕೂ ಕೇಸ​ರಿಯ ಅಲೆ​ ಬಂಗಾ​ಳಕ್ಕೆ ಸುಳಿ​ಯಲು ಬಿಡಲ್ಲ ಎಂಬ ಪಣ​ತೊ​ಟ್ಟಿ​ರುವ ಪಶ್ಚಿಮ ಬಂಗಾಳ ಮುಖ್ಯ​ಮಂತ್ರಿ ಮಮತಾ ಬ್ಯಾನರ್ಜಿ ನೇತೃ​ತ್ವದ ಟಿಎಂಸಿ 154 ಸ್ಥಾನ​ಗ​ಳನ್ನು ಗೆದ್ದು, ಅಧಿ​ಕಾ​ರ​ದಲ್ಲಿ ಮುಂದು​ವ​ರಿ​ಯ​ಲಿದೆ. ತನ್ಮೂ​ಲಕ ಟಿಎಂಸಿ ಸರಳ ಬಹು​ಮತ ಗಳಿ​ಸ​ಲಿದೆ.