ವರದಿ: ಆಲ್ದೂರು ಕಿರಣ್, ಏಷ್ಯಾನೆಟ್ ಸುವರ್ಣ ನ್ಯೂಸ್, ಚಿಕ್ಕಮಗಳೂರು
ಚಿಕ್ಕಮಗಳೂರು(ಅ.03): ಕೋಟ್ಯಂತರ ರೂಪಾಯಿ ಖರ್ಚು ಮಾಡಿ ಕಟ್ಟಿದ ಕಟ್ಟಡ ದಶಕ ಕಳೆಯೋದ್ರಲ್ಲಿ ಒಂದ್ ಕಥೆಯಾಗಿರುತ್ತೆ. ಯೋಜನೆ ಆರಂಭವಾಗಿ ಮುಗಿಯುವಷ್ಟರಲ್ಲಿ ಡಬಲ್‌ ದುಡ್ಡಾಗಿರುತ್ತೆ. ಯಾವಾಗ, ಎಲ್ಲಿ, ಹೇಗೆ ನೀರಿಳಿಯುತ್ತೆ ಅನ್ನೋದು ಯಾರಿಗೂ ಗೊತ್ತಿರಲ್ಲ. ಜಿಲ್ಲೆಯ ಮುತ್ತೋಡಿ ಅರಣ್ಯದೊಳಗೆ ಇರುವ ಕಟ್ಟಡ ನೂರು ವರ್ಷ ಕಳೆದರೂ ಇಂದಿಗೂ ಗಟ್ಟಿಮುಟ್ಟಾಗಿದೆ.
1910ರಲ್ಲಿ ಕಟ್ಟಿದ ಗೌಸ್ ಹೌಸ್ ಆಲ್ ಮೋಸ್ಟ್ 115 ವರ್ಷಗಳ ಹಿಂದೆ 3450 ರೂ.. ಖರ್ಚು ಮಾಡಿ ಬ್ರಿಟಿಷರು ಕಟ್ಟಿದ್ದರು. 115 ವರ್ಷಗಳಿಂದ ಮುತ್ತೋಡಿ ಕಾಡಿನ ಮಳೆಗೂ ಕರಗಿಲ್ಲ ಅಂದ್ರೆ ಅದರ ಸಾಮರ್ಥ್ಯ ಇಂದಿನ ಬಿಲ್ಡಿಂಗ್ ಗಳನ್ನು ಗುಣಮಟ್ಟವನ್ನು ಹೋಲಿಕೆ ಮಾಡುವಂತಿದೆ.
ಮುತ್ತೋಡಿ ಅರಣ್ಯ ಅಂದ್ರೆ ಅದು ಬರೀ ಕಾಡಲ್ಲ. ಹಸಿರ ವನರಾಶಿಯ ಸಮುದ್ರ. ಸರ್ಕಾರ ನಿರ್ವಹಣೆಗಾಗಿಯೇ 4 ಭಾಗ ಮಾಡಿ ನೋಡ್ಕೊಳ್ತಿದೆ. ಇಲ್ಲಿನ ಮಳೆ ಪ್ರಮಾಣ ಎಷ್ಟು ಅಂತ ಕೇಳೋದೇ ಬೇಡ. ಅಂತಹಾ ದಟ್ಟ ಕಾನನದೊಳಗೆ ನಾಲ್ಕು ಕೊಠಡಿಗಳನ್ನು ಒಳಗೊಂಡಿರುವ ಗೌಸ್ ಹೌಸ್ ಕಟ್ಟಿದ್ದಾರೆ. ಇದನ್ನು ಇಂದಿಗೂ ಬ್ರಿಟಿಷರ ಬಂಗಲೆ ಅಂತಾಲೇ ಕರೆಯುವುದು ಆದ್ರೆ ಅರಣ್ಯ ಇಲಾಖೆಯವರು ಇದನ್ನು ಕೆಸವೆ ಅರಣ್ಯ ವಿಶ್ರಾಂತಿ ಗೃಹವಾಗಿದೆ.
1910ರಲ್ಲಿ ಕಟ್ಟಿದ ಗೌಸ್ ಹೌಸ್ ಆಲ್ ಮೋಸ್ಟ್ 115 ವರ್ಷಗಳ ಹಿಂದೆ 3450 ರೂ.. ಖರ್ಚು ಮಾಡಿ ಬ್ರಿಟಿಷರು ಕಟ್ಟಿದ್ದರು. 115 ವರ್ಷಗಳಿಂದ ಮುತ್ತೋಡಿ ಕಾಡಿನ ಮಳೆಗೂ ಕರಗಿಲ್ಲ ಅಂದ್ರೆ ಅದರ ಸಾಮರ್ಥ್ಯ ಇಂದಿನ ಬಿಲ್ಡಿಂಗ್ ಗಳನ್ನು ಗುಣಮಟ್ಟವನ್ನು ಹೋಲಿಕೆ ಮಾಡುವಂತಿದೆ.
ಈ ಬ್ರಿಟಿಷರ ಬಂಗ್ಲೆಗೆ ಯಾವಾಗ ವನ್ಯ ಮೃಗಗಳು ಭೇಟಿ ಕೊಡ್ತಾವೋ ಹೇಳಲಾಗದು. ಅದು ಸಿಬ್ಬಂದಿಗಳಿಗೂ ಗೊತ್ತಿರಲ್ಲ. ಆದ್ರೆ, ಶತಮಾನ ಕಳೆದರೂ ಮುತ್ತೋಡಿ ಕಾಡಿನ ಮಳೆಗೂ ಜಗ್ಗದೆ ದಟ್ಟಕಾನನದ ಮಧ್ಯೆ ಗಟ್ಟಿಮುಟ್ಟಾಗಿ ನಿಂತಿದೆ.
ಇನ್ನು ಈ ಬಂಗಲೆ ನಿರ್ಮಿಸಿ ಬರೊಬ್ಬರಿ 115 ವರ್ಷಗಳೇ ಕಳೆದಿದೆ. ಅಂದು ಈ ಜಾಗ ಕಾಡಿನ ರೀತಿಯಲ್ಲಿತ್ತು. ಅಲ್ಲೊಂದು-ಇಲ್ಲೊಂದು ಊರುಗಳಿದ್ವು. ಆಗ ಬ್ರಿಟಿಷರು ನಿರ್ಮಿಸಿದ್ದು. ಅಂದು ಇದಕ್ಕೆ ಖರ್ಚಾಗಿದ್ದು 3450 ರೂಪಾಯಿ ಮಾತ್ರ. ಅಂದಿಗೆ ಇದೇ ಮೊತ್ತ ದೊಡ್ಡದ್ದಿರಬಹುದು. ಆದ್ರೆ, 115 ವರ್ಷ ಕಳೆದರೂ ದಟ್ಟಕಾನನದ ಮಳೆಗೆ ಅಲುಗಾಡದಿರೋದೇ ಅಶ್ಚರ್ಯ.
ಇಲ್ಲಿ ಬ್ರಿಟಿಷ್ ಅಧಿಕಾರಿಗಳು ಬಂದು ವಾಸ್ತವ್ಯ ಹೂಡ್ತಿದ್ರು ಅನ್ನೋ ಮಾತಿದೆ. ಬೇಟೆಗಾಗಿಯೋ ಅಥವ ವಿಶ್ರಾಂತಿಗೋ ಅನ್ನೋದು ಗೊತ್ತಿಲ್ಲ. ಆದರೆ, ಬ್ರಿಟಿಷರು ಹೋದ ನಂತರ ಕೆಲವರು ಓಡಾಡುವ ಮಾರ್ಗದಲ್ಲಿ ನೋಡ್ತಿದ್ರು. ಈಗ ಆ ಊರುಗಳು ಇಲ್ಲ. ಉಳಿದಿರೋದು ಬರೀ ಕಾಡಷ್ಟೆ. ಕಾಡಿನ ನಡುವೆ ಇರೋ ಬ್ರಿಟಷರ ಬಂಗಲೆ ತೋರಿಸಿ ಅಂತ ಸಫಾರಿಗೆ ಹೋದಾಗ ಕೇಳಿದ್ರೆ ಅಧಿಕಾರಿಗಳು ಕರ್ಕೊಂಡು ಹೋಗಿ ತೋರಿಸ್ತಾರೆ ಅಷ್ಟೆ.
ಒಟ್ಟಾರೆ, ಈಗ 3450 ರೂ. ಸರಿಯಾಗಿ ಇಟ್ಟಿಗೆಯೂ ಸಿಗಲ್ಲ. ಅಂದು ಈ ಹಣಕ್ಕೆ ಬೆಲೆಯೂ ಇತ್ತು. ಅಂದು ನಿರ್ಮಿಸಿದ ಕಟ್ಟಡ ಇಂದಿಗೂ ಬ್ರಿಟಿಷರ ಬಂಗ್ಲೆಯಾಗಿಯೇ ಚಿರಪರಿಚಿತ.
ಅಷ್ಟೆ ಗಟ್ಟಿಮುಟ್ಟಾಗಿದೆ. ದಟ್ಟ ಅರಣ್ಯದ ಮಧ್ಯೆ ಇಂದಿಗೂ ಉಪಯೋಗಕ್ಕಿರೋ ಈ ಬಂಗ್ಲೆ ನೋಡಬೇಕು ಅಂದ್ರೆ ನೀವು ಕಾಡು, ಕಾಡು ಪ್ರಾಣಿಗಳನ್ನ ದಾಟಿಯೇ ಹೋಗಬೇಕು.