ಶನಿ ದೋಷ ನಿವಾರಿಸಲು ಶನಿವಾರ ಈ ಕೆಲಸ ಮಾಡಿ

ಜೀವನದಲ್ಲಿ ತುಂಬಾನೆ ಸಮಸ್ಯೆ ಬಂದಾಗ ಅದನ್ನು ಶನಿಯ ದೋಷವೆಂದು ಹೇಳಲಾಗುತ್ತದೆ. ಹೌದು, ಕೆಲವೊಮ್ಮೆ ನೀವು ಕೆಟ್ಟದ್ದನ್ನು ಮಾಡಿದಾಗ ಶನಿ ದೋಷವು ಆವರಿಸಿಕೊಳ್ಳುತ್ತದೆ. ಇದರಿಂದ ಜೀವನದಲ್ಲಿ ಸಮಸ್ಯೆಗಳೇ ತುಂಬಿರುತ್ತೆ. ನಿಮ್ಮ ಜೀವನದಲ್ಲೂ ಹಾಗೆಯೇ ಆಗುತ್ತಿದ್ದರೆ ನೀವು ಶನಿ ದೇವನನ್ನು ಪೂಜಿಸಬೇಕು. 

ಹಿಂದೂ ಧರ್ಮದಲ್ಲಿ ವಾರದಲ್ಲಿ 7 ದಿನಗಳಿವೆ ಮತ್ತು ಎಲ್ಲಾ ಏಳು ದಿನಗಳನ್ನು ಒಂದಲ್ಲ ಒಂದು ದೇವರಿಗೆ ಅರ್ಪಿಸಲಾಗುತ್ತೆ. ಈ ಏಳು ದಿನಗಳಲ್ಲಿ ಶನಿವಾರವೂ ಸೇರಿದೆ, ಇದನ್ನು ಶನಿ(Shani) ದೇವರ ದಿನವೆಂದು ಪರಿಗಣಿಸಲಾಗುತ್ತೆ. ಶನಿ ದೇವರನ್ನು ಶನಿವಾರ ಪೂಜಿಸಲಾಗುತ್ತೆ. ಭಕ್ತರು ಶನಿವಾರ ಶನಿ ದೇವಾಲಯದಲ್ಲಿ ದೀಪ, ಧೂಪ, ಎಣ್ಣೆ ಇತ್ಯಾದಿಗಳನ್ನು ಅರ್ಪಿಸುತ್ತಾರೆ. ಶನಿ ದೇವರನ್ನು ನ್ಯಾಯದ ದೇವರು ಎಂದು ಕರೆಯಲಾಗುತ್ತೆ. ಶನಿ ದೇವನು ಒಳ್ಳೆಯದನ್ನು ಒಳ್ಳೆಯದು ಮತ್ತು ಕೆಟ್ಟದ್ದನ್ನು ಕೆಟ್ಟದ್ದರೊಂದಿಗೆ ಪರಿಗಣಿಸುತ್ತಾನೆ ಎಂದು ಹೇಳಲಾಗುತ್ತೆ . ನಿಮಗೆ ಶನಿ ದೋಷವಿದ್ದರೆ ಅಥವಾ ನೀವು ಸಮಸ್ಯೆಗಳನ್ನು ಎದುರಿಸುತ್ತಿದ್ದರೆ, ಶನಿವಾರ ಶನಿ ದೇವರನ್ನು ಪೂಜಿಸಿ. ಶನಿ ದೇವರನ್ನು ಮೆಚ್ಚಿಸಲು ನೀವು ಈ ಕೆಲಸಗಳನ್ನು ಮಾಡಬಹುದು.

ಶನಿ ದೇವರನ್ನು ಪೂಜಿಸುವ ಮೂಲಕ ಮತ್ತು ನಿಯಮಗಳ ಪ್ರಕಾರ ಉಪವಾಸ ಮಾಡುವ ಮೂಲಕ, ಶನಿ ದೇವರ ಆಶೀರ್ವಾದ ಸಿಗುತ್ತೆ ಮತ್ತು ಎಲ್ಲಾ ದುಃಖಗಳು ನಿವಾರಣೆಯಾಗುತ್ತವೆ. ಹಾಗೆಯೇ, ಶನಿ ದೇವರು ಕೋಪಗೊಂಡರೆ(Angry), ಮಾನವರ ಮೇಲೆ ಅನೇಕ ರೀತಿಯ ಬಿಕ್ಕಟ್ಟುಗಳು ಉಂಟಾಗುತ್ತೆ. ಕೆಲಸವು ಹಾಳಾಗಿರುವ ಅನೇಕ ಜನರಿದ್ದಾರೆ.

ವಿಶೇಷವಾಗಿ ಶನಿವಾರ (Saturday), ಸ್ವಲ್ಪ ಹಾನಿಯಾದರೆ, ನಿಮಗೆ ಇದೇ ರೀತಿಯ ಏನಾದರೂ ಸಂಭವಿಸಿದರೆ, ಶನಿಯನ್ನು ಶಾಂತಗೊಳಿಸಲು ಕೆಲವು ಕ್ರಮಗಳನ್ನು ತೆಗೆದುಕೊಳ್ಳುವುದರ ಜೊತೆಗೆ ವಿಶೇಷ ಪೂಜಾ ವಿಧಾನದೊಂದಿಗೆ ಶನಿ ದೇವರನ್ನು ಮೆಚ್ಚಿಸಲು ನೀವು ಪ್ರಯತ್ನಿಸಬೇಕು.ಇಲ್ಲಿ ಶನಿವಾರ ಮಾಡಬೇಕಾದ ಕೆಲವು ಕ್ರಮಗಳ ಬಗ್ಗೆ ಹೇಳಲಾಗಿದೆ. ಈ ಪರಿಹಾರಗಳು ಶನಿ ದೇವರನ್ನು ಮೆಚ್ಚಿಸುವ ಕೆಲಸ ಮಾಡುತ್ತವೆ ಮತ್ತು ಮುಂಬರುವ ಕಷ್ಟಗಳನ್ನು ಕೊನೆಗೊಳಿಸಲು ಸಹಾಯ ಮಾಡುತ್ತೆ.

ಶನಿವಾರ ಶಿವ ಪೂಜೆ(Lord shiva) ಮಾಡಿ
ಶುಭ ಫಲಿತಾಂಶಗಳನ್ನು ಪಡೆಯಲು, ಶನಿವಾರ ಶಿವನನ್ನು ಪೂಜಿಸಿ. ಈ ದಿನ, ಕಪ್ಪು ಎಳ್ಳನ್ನು ನೀರಿನಲ್ಲಿ ಬೆರೆಸಿ ಶಿವಲಿಂಗದ ಮೇಲೆ ಅರ್ಪಿಸಿ. ಇದರ ನಂತರ, ಶಿವ ಪಂಚಾಕ್ಷರ ಮಂತ್ರ ಪಠಿಸಿ ಓಂ ನಮಃ ಶಿವಾಯ ಎಂದು. ಶಿವನನ್ನು ಪೂಜಿಸಿದ ನಂತರ, ಶನಿ ದೇವರನ್ನು ಸಹ ಪೂಜಿಸಿ. ಈ ದಿನ ಶಿವ ಚಾಲೀಸಾ ಮತ್ತು ಶನಿ ಚಾಲೀಸಾ ಎರಡನ್ನೂ ಪಠಿಸಿ.

ಕಪ್ಪು ಬಣ್ಣದ ವಸ್ತುಗಳನ್ನು ದಾನ ಮಾಡಿ
ನೀವು ಶನಿಯ ಅಡ್ಡಪರಿಣಾಮಗಳಿಂದ ಸಮಸ್ಯೆ ಎದುರಿಸುತ್ತಿದ್ರೆ, ಉದ್ದಿನ ಬೇಳೆ, ಕಪ್ಪು ಬಣ್ಣದ ಚಪ್ಪಲಿ, ಕಪ್ಪು ಎಳ್ಳು, ಉದ್ದಿನ ಖಿಚಡಿ, ಛತ್ರಿ(Umbrella) ಮತ್ತು ಕಂಬಳಿ ಇತ್ಯಾದಿಗಳನ್ನು ಶನಿವಾರ ದಾನ ಮಾಡಿ. ಇದು ಶನಿಯ ದೋಷವನ್ನು ತೆಗೆದುಹಾಕುತ್ತೆ.

ಶನಿ ದೇವರಿಗೆ ಹಾರ(Garland)
ವ್ಯವಹಾರದಲ್ಲಿ ನಷ್ಟ ಅನುಭವಿಸುತ್ತಿದ್ದರೆ ಅಥವಾ ಕೋರ್ಟ್ ಕಚೇರಿ ಅಲೆದಾಟ ತೊಡೆದು ಹಾಕಲು ಬಯಸೋದಾದ್ರೆ, ಶನಿವಾರ 11 ಅರಳಿ ಎಲೆಗಳನ್ನು ತೆಗೆದುಕೊಂಡು ಅವುಗಳಿಂದ ಹಾರ ತಯಾರಿಸಿ. ಇದರ ನಂತರ, ಶನಿ ದೇವಾಲಯದಲ್ಲಿ ಈ ಹಾರವನ್ನು ಅರ್ಪಿಸಿ. ಹಾರವನ್ನು ಅರ್ಪಿಸುವಾಗ, ಓಂ ಶ್ರೀ ಹ್ರೇನ್ ಶನೀಶ್ಚರಾಯ ನಮಃ ಎಂಬ ಮಂತ್ರವನ್ನು ಪಠಿಸಿ. ಇದನ್ನು ಮಾಡೋದರಿಂದ, ನೀವು ಶೀಘ್ರದಲ್ಲೇ ಪ್ರಯೋಜನಗಳನ್ನು ಪಡೆಯುತ್ತೀರಿ. ಮಾನಸಿಕ ಶಾಂತಿಗಾಗಿ, ಶನಿವಾರ ಅರಳಿ ಬೇರಿಗೆ ನೀರು ಮತ್ತು ಹಾಲನ್ನು ಅರ್ಪಿಸಿ. 5 ಸಿಹಿತಿಂಡಿಗಳನ್ನು ಸಹ ನೀಡಿ. ಅರಳಿ ಮರವನ್ನು ಪೂಜಿಸಿದ ನಂತರ, ಅದರ ಕೆಳಗೆ ಕುಳಿತು ಸುಂದರಕಾಂಡವನ್ನು ಪಠಿಸಿ ಮತ್ತು ನಂತರ ಅದನ್ನು 7 ಬಾರಿ ಪ್ರದಕ್ಷಿಣೆ ಹಾಕಿ.

ಕಪ್ಪು ಎಳ್ಳಿನ(Black Sesame) ಬೀಜದ ಪರಿಹಾರ
ವೈವಾಹಿಕ ಜೀವನದಲ್ಲಿ ಪ್ರತಿದಿನ ಜಗಳದ ಪರಿಸ್ಥಿತಿ ಇದ್ದರೆ ಮತ್ತು ಸಂತೋಷ ಕಣ್ಮರೆಯಾಗುತ್ತಿದ್ದರೆ, ಶನಿವಾರ, ಅರಳಿ ಮರದ ಬಳಿ ಕಪ್ಪು ಎಳ್ಳನ್ನು ಅರ್ಪಿಸಬೇಕು. ಇದನ್ನು ಮಾಡೋದರಿಂದ, ನಿಮ್ಮ ವೈವಾಹಿಕ ಜೀವನದಲ್ಲಿ ಸಂತೋಷವಿರಲಿದೆ.

ಲೋಭನವನ್ನು ಸುಟ್ಟರೆ, ನಕಾರಾತ್ಮಕತೆ ದೂರವಾಗುವುದು 
ಶನಿ ದೇವನಿಗೆ ಲೋಭನ ಎಂದರೆ ತುಂಬಾ ಇಷ್ಟ . ಇದರೊಂದಿಗೆ, ಶನಿ ದೇವನು ಸಂತೋಷವಾಗುತ್ತಾನೆ ಮತ್ತು ಮನೆಯ ನಕಾರಾತ್ಮಕ ಶಕ್ತಿ ದೂರವಾಗುತ್ತೆ. ಶನಿವಾರ, ರಾತ್ರಿ ಲೋಭಾನ ಬೆಳಗಿಸಿ. ಇದನ್ನು ಸುಡೋದರಿಂದ ವಿಶೇಷ ವಾಸನೆ ಹೊರಸೂಸುತ್ತೆ, ಈ ವಾಸನೆಯು ಮನೆಯ ನಕಾರಾತ್ಮಕ ಶಕ್ತಿಯನ್ನು(Negative energy) ತೆಗೆದುಹಾಕುತ್ತೆ.

ಶನಿ ದೇವಾಲಯದಲ್ಲಿ ಸಾಸಿವೆ ಎಣ್ಣೆ(Mustard oil) ದೀಪ ಬೆಳಗಿಸಿ
ಶನಿ ದೇವರ ಮಹಾದಶವನ್ನು ತಪ್ಪಿಸಲು, ಶನಿವಾರ ಸಂಜೆ ಸೂರ್ಯಾಸ್ತದ ನಂತರ ಶನಿ ದೇವಾಲಯಕ್ಕೆ ಹೋಗಿ ಸಾಸಿವೆ ಎಣ್ಣೆ ದೀಪವನ್ನು ಬೆಳಗಿಸಿ. ದೀಪಕ್ಕೆ ಕೆಲವು ಕಪ್ಪು ಎಳ್ಳಿನ ಕಾಳುಗಳನ್ನು ಸೇರಿಸೋದನ್ನು ಖಚಿತಪಡಿಸಿಕೊಳ್ಳಿ. ಇದನ್ನು ಮಾಡೋದರಿಂದ, ಶನಿ ದೇವರು ಸಂತೋಷಪಡುತ್ತಾನೆ.

dog

ಶ್ವಾನ(Dog) ಸೇವೆ
ಶನಿ ದೇವರು ಶನಿವಾರ ನಾಯಿಗೆ ಸೇವೆ ಸಲ್ಲಿಸುವ ಮೂಲಕ ಸಂತೋಷಪಡುತ್ತಾನೆ ಎಂದು ನಂಬಲಾಗಿದೆ. ಆದ್ದರಿಂದ, ಶನಿವಾರ, ಕಪ್ಪು ಬಣ್ಣದ ನಾಯಿಗಳಿಗೆ ಸಾಸಿವೆ ಎಣ್ಣೆಯಿಂದ ಲೇಪಿತ ರೋಟಿ ತಿನ್ನಿಸಬೇಕು. ಇದು ಮಾನವರ ಜಾತಕದಲ್ಲಿರುವ ರಾಹು-ಕೇತು ದೋಷಗಳನ್ನು ಸಹ ತೆಗೆದುಹಾಕುತ್ತೆ.