ಭಾರತೀಯ ಕ್ರಿಕೆಟ್ನಲ್ಲಿ ಹೊಸ ಸಂಚಲನ ಸೃಷ್ಟಿಯಾಗಿದೆ. ಕೇವಲ 14ನೇ ವಯಸ್ಸಿಗೆ ತನ್ನ ಬ್ಯಾಟಿಂಗ್ನಿಂದ ಜಗತ್ತನ್ನು ಬೆರಗುಗೊಳಿಸುತ್ತಿರುವ ವೈಭವ್ ಸೂರ್ಯವಂಶಿ, ಮತ್ತೊಮ್ಮೆ ತಮ್ಮ ಸ್ಪೋಟಕ ಇನಿಂಗ್ಸ್ನಿಂದ ಸುದ್ದಿಯಾಗಿದ್ದಾರೆ.
ಭಾರತೀಯ ಕ್ರಿಕೆಟ್ನ ಭರವಸೆಯ ಕಿರಣ, 14 ವರ್ಷದ ಯುವ ಪ್ರತಿಭಾನ್ವಿತ ಕ್ರಿಕೆಟಿಗ ವೈಭವ್ ಸೂರ್ಯವಂಶಿ ಮತ್ತೊಮ್ಮೆ ಬ್ಯಾಟ್ನಿಂದ ಗರ್ಜಿಸಿದ್ದಾರೆ. ಡಿವೈ ಪಾಟೀಲ್ ಟಿ20 ಕಪ್ನಲ್ಲಿ ಇಂಡಿಯನ್ ನೇವಿ ವಿರುದ್ಧ ನಡೆದ ಪಂದ್ಯದಲ್ಲಿ ವೈಭವ್ ಅಬ್ಬರಿಸಿದರು. ಡಿವೈ ಪಾಟೀಲ್ ಬ್ಲೂ ತಂಡವನ್ನು ಪ್ರತಿನಿಧಿಸುತ್ತಿರುವ ವೈಭವ್, ಎದುರಾಳಿ ಬೌಲರ್ಗಳನ್ನು ದಂಡಿಸಿ ಕೇವಲ 19 ಎಸೆತಗಳಲ್ಲಿ 63 ರನ್ ಗಳಿಸಿದರು. ಈ ಇನಿಂಗ್ಸ್ನಲ್ಲಿ 7 ಬೌಂಡರಿ ಮತ್ತು 5 ಭರ್ಜರಿ ಸಿಕ್ಸರ್ಗಳು ಸೇರಿವೆ. ಅವರ ಸ್ಟ್ರೈಕ್ ರೇಟ್ 331.58 ಆಗಿತ್ತು.
26
ಆರಂಭಿಕನಾಗಿ ಕಣಕ್ಕಿಳಿದು ಮಿಂಚಿದ ವೈಭವ್
ಇಂಡಿಯನ್ ನೇವಿ ನೀಡಿದ 220 ರನ್ಗಳ ಬೃಹತ್ ಗುರಿ ಬೆನ್ನಟ್ಟಿದ ಡಿವೈ ಪಾಟೀಲ್ ಬ್ಲೂ ತಂಡದ ಪರ ವೈಭವ್ ಸೂರ್ಯವಂಶಿ ಓಪನರ್ ಆಗಿ ಕಣಕ್ಕಿಳಿದರು. ಮೊದಲ ಓವರ್ನಿಂದಲೇ ಅವರು ತಮ್ಮ ಆಟದ ವೈಖರಿ ಸ್ಪಷ್ಟಪಡಿಸಿದರು. ಮೊದಲ ಓವರ್ನಲ್ಲೇ ನಾಲ್ಕು ಎಸೆತಗಳಲ್ಲಿ 16 ರನ್ ಚಚ್ಚಿದರು. ಕೇವಲ 12 ಎಸೆತಗಳಲ್ಲಿ ಅವರ ವೈಯಕ್ತಿಕ ಸ್ಕೋರ್ 43 ರನ್ಗಳಿಗೆ ತಲುಪಿತ್ತು. ಐದನೇ ಓವರ್ ಮುಗಿಯುವ ಮುನ್ನವೇ, ಕೇವಲ 14 ಎಸೆತಗಳಲ್ಲಿ ತಮ್ಮ ಅರ್ಧಶತಕ ಪೂರೈಸಿದರು. ವೈಭವ್ ಅವರ ಬ್ಯಾಟಿಂಗ್ ಶೈಲಿ ನೋಡಿದರೆ, ಐಪಿಎಲ್ 2026 ಸೀಸನ್ಗೂ ಮುನ್ನವೇ ಅವರು ತಮ್ಮ ಫಾರ್ಮ್ ಅನ್ನು ಜಗತ್ತಿಗೆ ಸಾರಿದಂತೆ ಕಾಣುತ್ತಿದೆ.
36
ವೈಭವ್ ಸೂರ್ಯವಂಶಿಗೆ ದಾಖಲೆಗಳು ಹೊಸದೇನಲ್ಲ
2025ರ ಐಪಿಎಲ್ ಸೀಸನ್ನಲ್ಲಿ ಗುಜರಾತ್ ಟೈಟಾನ್ಸ್ ವಿರುದ್ಧ ಕೇವಲ 35 ಎಸೆತಗಳಲ್ಲಿ ಶತಕ ಬಾರಿಸಿ ಎಲ್ಲರ ಗಮನ ಸೆಳೆದಿದ್ದರು. ಐಪಿಎಲ್ ಇತಿಹಾಸದಲ್ಲಿ ಅತಿ ಕಿರಿಯ ವಯಸ್ಸಿನಲ್ಲಿ ಶತಕ ಸಿಡಿಸಿದ ಭಾರತೀಯ ಎಂಬ ದಾಖಲೆ ಬರೆದಿದ್ದಾರೆ. 19 ವರ್ಷದೊಳಗಿನವರ ಮಟ್ಟದಲ್ಲಿಯೂ ಅವರ ಅಂಕಿಅಂಶಗಳು ಅದ್ಭುತವಾಗಿವೆ. 25 ಯೂತ್ ಏಕದಿನ ಪಂದ್ಯಗಳಲ್ಲಿ 56.48 ಸರಾಸರಿ ಮತ್ತು 165.72 ಸ್ಟ್ರೈಕ್ ರೇಟ್ನೊಂದಿಗೆ 1,412 ರನ್ ಗಳಿಸಿದ್ದಾರೆ. ಇದರಲ್ಲಿ 4 ಶತಕ ಮತ್ತು 7 ಅರ್ಧಶತಕಗಳು ಸೇರಿವೆ. ಯೂತ್ ವಿಶ್ವಕಪ್ ಫೈನಲ್ನಲ್ಲಿ 80 ಎಸೆತಗಳಲ್ಲಿ 175 ರನ್ ಗಳಿಸಿ ಭಾರತಕ್ಕೆ ಗೆಲುವು ತಂದುಕೊಟ್ಟಿದ್ದು ಅವರ ವೃತ್ತಿಜೀವನದ ಮತ್ತೊಂದು ಮೈಲಿಗಲ್ಲು.
ವೈಭವ್ ಸೂರ್ಯವಂಶಿಗೆ ಕ್ರಿಕೆಟ್ ಮೇಲಿರುವ ಸಮರ್ಪಣಾ ಭಾವ ಎಷ್ಟಿದೆಯೆಂದರೆ, ಇತ್ತೀಚೆಗೆ ಅವರು ತಮ್ಮ 10ನೇ ತರಗತಿಯ ಬೋರ್ಡ್ ಪರೀಕ್ಷೆಗಳನ್ನೇ ಬಿಟ್ಟಿದ್ದರು. ಆಟದ ಮೇಲಿನ ಪ್ರೀತಿಯಿಂದಲೇ ಅವರು ಈ ನಿರ್ಧಾರ ತೆಗೆದುಕೊಂಡಿದ್ದಾರೆ ಎಂದು ತಿಳಿದುಬಂದಿದೆ. ಪ್ರಸ್ತುತ ವೈಭವ್ ಅವರ ಟಿ20 ಅಂಕಿಅಂಶಗಳನ್ನು ನೋಡಿದರೆ, 18 ಪಂದ್ಯಗಳಲ್ಲಿ 701 ರನ್ ಗಳಿಸಿದ್ದಾರೆ. ಟಿ20ಯಲ್ಲಿ ಅವರ ವೃತ್ತಿಜೀವನದ ಸ್ಟ್ರೈಕ್ ರೇಟ್ 204.37 ಆಗಿದೆ. ಸ್ಥಿರ ಪ್ರದರ್ಶನದ ಮೂಲಕ ಅವರು ರಾಷ್ಟ್ರೀಯ ತಂಡದ ಆಯ್ಕೆಗಾರರ ಗಮನವನ್ನೂ ಸೆಳೆಯುತ್ತಿದ್ದಾರೆ.
56
ಡಿವೈ ಪಾಟೀಲ್ ಬ್ಲೂ ತಂಡದಲ್ಲಿ ಗಮನ ಸೆಳೆದ ವೈಭವ್
ಈ ಪಂದ್ಯದಲ್ಲಿ ಇಂಡಿಯನ್ ನೇವಿ ಪರ ಕುವರ್ ಪಾಠಕ್ 53 ಎಸೆತಗಳಲ್ಲಿ 87 ರನ್ ಗಳಿಸಿ ಮಿಂಚಿದರು. ನಾಯಕ ಸೂರಜ್ ವಶಿಷ್ಠ್ 9 ಎಸೆತಗಳಲ್ಲಿ 13 ರನ್ ಗಳಿಸಿದರೆ, ನಿತಿನ್ ತನ್ವರ್ 31 ಎಸೆತಗಳಲ್ಲಿ 57 ರನ್ ಗಳಿಸಿ ಅಜೇಯರಾಗಿ ಉಳಿದರು. ವಿಕೆಟ್ ಕೀಪರ್ ನಕುಲ್ ಶರ್ಮಾ 5 ಎಸೆತಗಳಲ್ಲಿ 15 ರನ್ ಗಳಿಸಿದರು. ಡಿವೈ ಪಾಟೀಲ್ ಬ್ಲೂ ತಂಡದಲ್ಲಿ ವೈಭವ್ ಹೊರತುಪಡಿಸಿ ಉಳಿದವರು ಕಡಿಮೆ ಸ್ಕೋರ್ಗೆ ಸೀಮಿತವಾದರು. ಯಶ್ ಧುಲ್ 8 ಎಸೆತಗಳಲ್ಲಿ 12 ರನ್ ಗಳಿಸಿದರೆ, ಸರ್ಫರಾಜ್ ಖಾನ್ 19 ಎಸೆತಗಳಲ್ಲಿ 27 ರನ್ ಗಳಿಸಿದರು.
66
ಗಮನ ಸೆಳೆದ ವೈಭವ್ ಇನ್ನಿಂಗ್ಸ್
ಪಂದ್ಯದ ಕೊನೆಯ ಹಂತದಲ್ಲಿ ಆನಂದ್ ಬೈಸ್ ಮತ್ತು ಅರ್ಜುನ್ ತೆಂಡೂಲ್ಕರ್ ತಂಡವನ್ನು ಗೆಲುವಿನ ದಡ ಸೇರಿಸಲು ಪ್ರಯತ್ನಿಸಿದರು. ಆನಂದ್ ಬೈಸ್ 24 ಎಸೆತಗಳಲ್ಲಿ 35 ರನ್ ಗಳಿಸಿದರೆ, ಅರ್ಜುನ್ ತೆಂಡೂಲ್ಕರ್ ಮಿಂಚಿನ ಇನಿಂಗ್ಸ್ ಆಡಿದರು. ಅರ್ಜುನ್ 29 ಎಸೆತಗಳನ್ನು ಎದುರಿಸಿ 55 ರನ್ ಗಳಿಸಿ ಅಜೇಯರಾಗಿ ಉಳಿದರು. ಹಾಗೆಯೇ ನಾಯಕ ಶಶಾಂಕ್ ಸಿಂಗ್ 12 ಎಸೆತಗಳಲ್ಲಿ 20 ರನ್ ಸೇರಿಸಿದರು. ಆದರೂ, ಪಂದ್ಯದ ಹೈಲೈಟ್ ಆಗಿ ಉಳಿದಿದ್ದು ವೈಭವ್ ಸೂರ್ಯವಂಶಿ ಆಡಿದ 19 ಎಸೆತಗಳ ಸ್ಫೋಟಕ ಆಟ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.
