50 ಸಾವಿರ ಡೌನ್‌ಪೇಮೆಂಟ್ ಸಾಕು ಮನೆಗೆ ಬರಲಿಗೆ ಹೊಸ ಎಂಜಿ ಕಾಮೆಟ್ ಕಾರು

ಭಾರತದ ಅತ್ಯಂತ ಕಡಿಮೆ ಬೆಲೆಯ ಎಲೆಕ್ಟ್ರಿಕ್ ಕಾರ್ ಎಂಜಿ ಕಾಮೆಟ್ ಇದೀಗ ಸುಲಭವಾಗಿ ಬುಕ್ ಮಾಡಿ ಮನೆಗೆ ತರಲು ಸಾಧ್ಯವಿದೆ. ಕೇವಲ 50,000 ರೂಪಾಯಿ ಡೌನ್‌ಪೇಮೆಂಟ್ ಸಾಕು. ಯಾವುದೇ ಅಡೇ ತಡೆ ಇಲ್ಲದೆ ಕಾರು ನಿಮ್ಮದಾಗಲಿದೆ.  ಕಾಮೆಟ್ ಬೆಲೆ, ಸಾಲ ಹಾಗೂ ಇಎಂಐ ಎಷ್ಟು?

ಕಡಿಮೆ ಬೆಲೆಯ ಎಲೆಕ್ಟ್ರಿಕ್ ಕಾರ್: 50,000ಕ್ಕೆ ನಿಮ್ಮದು!

ಚೀನಾ-ಬ್ರಿಟಿಷ್ ವಾಹನ ಬ್ರ್ಯಾಂಡ್ ಎಂಜಿಯ ಕಾಮೆಟ್ ಇವಿ ಭಾರತದ ಅತ್ಯಂತ ಕಡಿಮೆ ಬೆಲೆಯ ಎಲೆಕ್ಟ್ರಿಕ್ ಕಾರ್. ಇತ್ತೀಚೆಗೆ ಕಂಪನಿಯು ಈ ಕಾರಿನ ಬೆಲೆಯನ್ನು ಹೆಚ್ಚಿಸಿದೆ. ಆದರೂ, ಈ ಕಾರ್ ಕೈಗೆಟುಕುವ ಬೆಲೆಯಲ್ಲಿದೆ. ಕಡಿಮೆ ಬೆಲೆಯಲ್ಲಿ ಎಲೆಕ್ಟ್ರಿಕ್ ಕಾರ್ ಖರೀದಿಸಲು ನೀವು ಯೋಜಿಸುತ್ತಿದ್ದರೆ, ಇದು ನಿಮಗೆ ಉತ್ತಮ ಅವಕಾಶ. ಎಂಜಿ ಕಾರಿನ ಆನ್-ರೋಡ್ ಬೆಲೆ ಮತ್ತು ಇಎಂಐ ಬಗ್ಗೆ ತಿಳಿದುಕೊಳ್ಳೋಣ.

ಎಂಜಿಯ ಈ ಎಲೆಕ್ಟ್ರಿಕ್ ಕಾರಿನ ಎಕ್ಸ್-ಶೋ ರೂಂ ಬೆಲೆ 7 ಲಕ್ಷ ರೂ.ಗಳಿಂದ ಆರಂಭವಾಗುತ್ತದೆ, ಟಾಪ್ ಮಾಡೆಲ್‌ಗೆ 9.65 ಲಕ್ಷ ರೂ. ಲೋನ್ ಮೂಲಕ ಈ ಕಾರಿನ ಬೇಸ್ ಮಾಡೆಲ್ ಖರೀದಿಸುವ ಬಗ್ಗೆ ತಿಳಿದುಕೊಳ್ಳೋಣ.

ಎಂಜಿ ಕಾಮೆಟ್ ರಿಯಾಯಿತಿ ಬೆಲೆ

ಎಷ್ಟು ಡೌನ್ ಪೇಮೆಂಟ್‌ಗೆ ಕಾಮೆಟ್ ಇವಿ ಖರೀದಿಸಬಹುದು?

50,000 ರೂ. ಡೌನ್ ಪೇಮೆಂಟ್ ಮಾಡಿ ಎಂಜಿ ಕಾಮೆಟ್ ಇವಿ ಖರೀದಿಸಬಹುದು. ಇದಕ್ಕಾಗಿ ನೀವು ಬ್ಯಾಂಕಿನಿಂದ 7 ಲಕ್ಷ ರೂ. ಲೋನ್ ಪಡೆಯಬೇಕಾಗುತ್ತದೆ. 8% ಬಡ್ಡಿ ದರದಲ್ಲಿ 4 ವರ್ಷಗಳ ಲೋನ್ ಪಡೆದರೆ, ನೀವು ಪ್ರತಿ ತಿಂಗಳು 17,130 ರೂ. ಇಎಂಐ ಪಾವತಿಸಬೇಕಾಗುತ್ತದೆ. 4 ವರ್ಷಗಳಲ್ಲಿ ಒಟ್ಟು 8,22,240 ರೂ. ಬ್ಯಾಂಕಿಗೆ ಪಾವತಿಸಬೇಕಾಗುತ್ತದೆ.

ಬಡ್ಡಿ ದರ, ಡೌನ್ ಪೇಮೆಂಟ್ ಮತ್ತು ಲೋನ್ ಅವಧಿಯು ನಿಮ್ಮ ಕ್ರೆಡಿಟ್ ಸ್ಕೋರ್ ಮತ್ತು ವಿವಿಧ ಬ್ಯಾಂಕುಗಳ ನಿಯಮಗಳನ್ನು ಅವಲಂಬಿಸಿ ಬದಲಾಗಬಹುದು. ಆದ್ದರಿಂದ, ಲೋನ್ ಪಡೆಯುವ ಮೊದಲು ಬ್ಯಾಂಕಿನ ನಿಯಮಗಳನ್ನು ಸರಿಯಾಗಿ ಅರ್ಥಮಾಡಿಕೊಳ್ಳಿ.

ಎಂಜಿ ಕಾಮೆಟ್ ರೇಂಜ್

ಎಂಜಿ ಕಾಮೆಟ್ ಇವಿಯ ವೈಶಿಷ್ಟ್ಯಗಳು

ಎಕ್ಸಿಕ್ಯೂಟಿವ್, ಎಕ್ಸೈಟ್, ಎಕ್ಸ್‌ಕ್ಲೂಸಿವ್, 100ನೇ ವಾರ್ಷಿಕೋತ್ಸವದ ಆವೃತ್ತಿ ಸೇರಿದಂತೆ ನಾಲ್ಕು ವೆರಿಯಂಟ್‌ಗಳಲ್ಲಿ ಕಾಮೆಟ್ ಇವಿ ಲಭ್ಯವಿದೆ. ವೂಲಿಂಗ್ ಏರ್ ಇವಿಯಂತೆಯೇ ಇದರ ವಿನ್ಯಾಸ. ಎಂಜಿ ಕಾಮೆಟ್ ಇವಿ GSEV ಪ್ಲಾಟ್‌ಫಾರ್ಮ್ ಅನ್ನು ಆಧರಿಸಿದೆ. ನಗರ ಪ್ರಯಾಣಿಕರ ಅಗತ್ಯಗಳನ್ನು ಪೂರೈಸಲು ಇದನ್ನು ವಿಶೇಷವಾಗಿ ವಿನ್ಯಾಸಗೊಳಿಸಲಾಗಿದೆ. 145/70 ಟೈರ್ ಗಾತ್ರದ 12 ಇಂಚಿನ ಚಕ್ರಗಳಿವೆ. ಮುಂಭಾಗದಲ್ಲಿ ಡಿಸ್ಕ್ ಬ್ರೇಕ್‌ಗಳು ಮತ್ತು ಹಿಂಭಾಗದಲ್ಲಿ ಡ್ರಮ್ ಬ್ರೇಕ್‌ಗಳಿವೆ.

ಕಾಮೆಟ್ ಇವಿಯ ಉದ್ದ 2974 ಮಿಮೀ, ಅಗಲ 1505 ಮಿಮೀ ಮತ್ತು ಎತ್ತರ 1640 ಮಿಮೀ. ವೀಲ್‌ಬೇಸ್ 2010 ಮಿಮೀ. ಟರ್ನಿಂಗ್ ರೇಡಿಯಸ್ ಕೇವಲ 4.2 ಮೀಟರ್, ಇದು ಟ್ರಾಫಿಕ್ ಜಾಸ್ತಿ ಇರುವ ರಸ್ತೆಗಳಲ್ಲಿ ಚಾಲನೆ ಮಾಡುವುದನ್ನು ಅಥವಾ ಕಿರಿದಾದ ಸ್ಥಳಗಳಲ್ಲಿ ಪಾರ್ಕಿಂಗ್ ಮಾಡುವುದನ್ನು ಸುಲಭಗೊಳಿಸುತ್ತದೆ. ಎಂಜಿ ಕಾಮೆಟ್ ಇವಿ ಮುಚ್ಚಿದ ಮುಂಭಾಗದ ಗ್ರಿಲ್, ಪೂರ್ಣ ಅಗಲದ ಎಲ್ಇಡಿ ಸ್ಟ್ರಿಪ್, ಸ್ಲೀಕ್ ಹೆಡ್‌ಲ್ಯಾಂಪ್‌ಗಳಂತಹ ವೈಶಿಷ್ಟ್ಯಗಳನ್ನು ಹೊಂದಿದೆ. ದೊಡ್ಡ ಬಾಗಿಲುಗಳು, ಸ್ಪೋರ್ಟಿ ಅಲಾಯ್ ವೀಲ್‌ಗಳು ಮತ್ತು ಫ್ಲಾಟ್ ಹಿಂಭಾಗವೂ ಇದೆ.

ಎಂಜಿ ಕಾಮೆಟ್ ಇವಿ

10.25 ಇಂಚಿನ ಸ್ಕ್ರೀನ್ ಮತ್ತು ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಮತ್ತು ಡಿಜಿಟಲ್ ಕ್ಲಸ್ಟರ್ ಇದೆ. ವಿವಿಧ ವೈಶಿಷ್ಟ್ಯಗಳನ್ನು ಪ್ರವೇಶಿಸಲು ಬಳಕೆದಾರರು ತಮ್ಮ ಸಾಧನಗಳನ್ನು ಸಂಪರ್ಕಿಸಬಹುದು. ಇದು ಸಂಗೀತ ವಿವರಗಳು, ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್, ಹವಾಮಾನ ಮಾಹಿತಿ, ಲೈವ್ ಟ್ರಾಫಿಕ್ ಅಪ್‌ಡೇಟ್‌ಗಳನ್ನು ಒದಗಿಸುತ್ತದೆ. ಪೇ (ನೀಲಿ), ಸೆರೆನಿಟಿ (ಹಸಿರು), ಸನ್‌ಡೌನರ್ (ಕಿತ್ತಳೆ), ಫ್ಲೆಕ್ಸ್ (ಕೆಂಪು) - ಈ ನಾಲ್ಕು ಬಣ್ಣಗಳಲ್ಲಿ ಎಂಜಿ ಕಾಮೆಟ್ ಇವಿ ಲಭ್ಯವಿದೆ.

ಕಡಿಮೆ ಬೆಲೆಯ ಎಲೆಕ್ಟ್ರಿಕ್ ಕಾರ್

ಈ ಕಾರಿನಲ್ಲಿ 17.3 kWh ಬ್ಯಾಟರಿ ಪ್ಯಾಕ್ ಇದೆ. ಈ ಕಾರ್ 42 bhp ಪವರ್ ಮತ್ತು 110 Nm ಟಾರ್ಕ್ ಉತ್ಪಾದಿಸುತ್ತದೆ. ಇದರ ಜೊತೆಗೆ, ಈ ಕಾರಿನಲ್ಲಿ 3.3 kW ಚಾರ್ಜರ್ ಇದೆ. ಇದರ ಸಹಾಯದಿಂದ ಈ ಕಾರ್ ಐದು ಗಂಟೆಗಳಲ್ಲಿ 80% ವರೆಗೆ ಚಾರ್ಜ್ ಆಗುತ್ತದೆ. ಪೂರ್ಣ ಚಾರ್ಜ್ ಆಗಲು ಸುಮಾರು ಏಳು ಗಂಟೆಗಳು ಬೇಕಾಗುತ್ತದೆ. 7.4 kW AC ಫಾಸ್ಟ್ ಚಾರ್ಜರ್‌ನ ಸಹಾಯದಿಂದ, ಈ ಕಾರ್ ಕೇವಲ 2.5 ಗಂಟೆಗಳಲ್ಲಿ 0 ರಿಂದ 80% ವರೆಗೆ ಚಾರ್ಜ್ ಆಗುತ್ತದೆ. ಒಮ್ಮೆ ಪೂರ್ಣ ಚಾರ್ಜ್ ಮಾಡಿದರೆ ಈ ಕಾರ್ 230 ಕಿ.ಮೀ. ಮೈಲೇಜ್ ನೀಡುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.