ಇತ್ತೀಚೆಗೆ ಬಿಡುಗಡೆಯಾಗುವ ಎಲ್ಲಾ ಕಾರುಗಳಲ್ಲಿ ಸನ್‌ರೂಫ್ ಸಾಮಾನ್ಯ. ಭಾರತದಲ್ಲಿ ಚಲಿಸುತ್ತಿರುವ ಕಾರಿನ ಸನ್‌ರೂಫ್ ಒಪನ್ ಮಾಡಿ ಅರ್ಧ ದೇಹ ಹೊರಕ್ಕೆ ಹಾಕಿ ನಿಲ್ಲುವ ದೃಶ್ಯ ಹೈವೇ, ಹಿಲ್ ಸ್ಟೇಶನ್‌ಗಳಲ್ಲಿ ಸಾಮಾನ್ಯವಾಗಿದೆ. ಆದರೆ ಇದು ನಿಯಮ ಉಲ್ಲಂಘನೆಯಾಗಿದೆ. ಇಷ್ಟೇ ಅತ್ಯಂತ ಅಪಾಯಕಾರಿ ಕೂಡ ಹೌದು.
ಭಾರತದಲ್ಲಿ ಹೆಚ್ಚಿನವರಿಗೆ ಲೋ ಬೀಮ್ ಹಾಗೂ ಹೈ ಬೀಮ್ ಹೆಡ್‍ಲೈಟ್ ಬಳಕೆ ಬರುವುದಿಲ್ಲ. ರಾತ್ರಿ ಡ್ರೈವಿಂಗ್ ವೇಳೆ ಬಹುತೇಕರು ಹೈ ಬೀಮ್ ಲೈಟ್ ಹಾಕಿರುತ್ತಾರೆ. ಎದುರುಗಡೆಯಿಂದ ವಾಹನ ಬಂದರೂ ಡಿಮ್ ಮಾಡುವುದಿಲ್ಲ. ಇದರಿಂದ ಅಪಘಾತದ ಸಂಖ್ಯೆ ಕೂಡ ಹೆಚ್ಚಾಗುತ್ತಿದೆ.
ಪಾರ್ಕಿಂಗ್ ಲೈಟ್ ಬಳಕೆ ಕೂಡ ಇದೇ ರೀತಿ. ಅತೀ ವೇಗದಲ್ಲಿ ಚಲಿಸುತ್ತಿರುವ ಕಾರು ದಿಢೀರ್ ಬ್ರೇಕ್ ಹಾಕಿ, 0 ರಿಂದ 5 ಕಿ.ಮೀ ವೇಗಕ್ಕೆ ನಿಯಂತ್ರಿಸುವಾಗ ಪಾರ್ಕಿಂಗ್ ಲೈಟ್ ಹಾಕಬಹುದು. ಇನ್ನು ಕಾರು ಪಾರ್ಕ್ ಮಾಡಿದಾಗ, ರಸ್ತೆಯಲ್ಲಿ ಕೆಟ್ಟು ನಿಂತಾಗ ಪಾರ್ಕಿಂಗ್ ಲೈಟ್ ಹಾಕಬೇಕು. ಆದರೆ ಭಾರತದಲ್ಲಿ ಮುಂಜು ಕವಿದ ವಾತಾವರಣದಲ್ಲಿ ಡ್ರೈವಿಂಗ್ ವೇಳೆ, ಇನ್ನು ಹಲವು ಕಡೆಗಳಲ್ಲಿ ಸುಖಾಸುಮ್ಮನೆ ಪಾರ್ಕಿಂಗ್ ಲೈಟ್ ಹಾಕಲಾಗುತ್ತಿದೆ. ಇದರಿಂದ ಇತರ ಚಾಲಕರಿಗೆ ತಪ್ಪು ಸಂದೇಶ ರವಾನಿಸಿದಂತೆ.
ಕಾರಿನ ಎರಡೂ ಬದಿ ಮಿರರ್‌ಗಳನ್ನೂ ಹೆಚ್ಚಿನವರು ಬಳಸುವುದಿಲ್ಲ. ಅನೇಕ ಬಾರಿ ಕಾರಿನ ಮಿರರ್ ತೆರೆದುಕೊಂಡಿರುವುದೇ ಇಲ್ಲ. ನಿಯಮ ಹಾಗೂ ಸುರಕ್ಷತೆ ದೃಷ್ಟಿಯಿಂದ ರೇರ್ ಮಿರರ್ ಬಳಕೆ ಮಾಡಲೇಬೇಕು.
ಫುಟ್‌ಪಾತ್ ಪಾದಾಚಾರಿಗಳಿಗಾಗಿ ಮಾತ್ರ. ಆದರೆ ನಗರ ಪ್ರದೇಶಗಳಲ್ಲಿ, ಸಿಗ್ನಲ್‌ನಲ್ಲಿ ಟ್ರಾಫಿಕ್ ಜಾಮ್ ಆದಾಗ, ಅಥಾವ ಬೇರೆ ಕಾರಣಗಳಿಂದ ವಾಹನ ಸಾಲುಗಟ್ಟಿ ನಿಂತಾಗ ದ್ವಿಚಕ್ರ ವಾಹನ ಸವಾರರು ಪಾದಾಚಾರಿ ರಸ್ತೆ ಮೇಲೆಯೇ ರೈಡ್ ಮಾಡುತ್ತಾರೆ.
ಹೆದ್ದಾರಿಗಳಲ್ಲಿ ಅಥವಾ ಬೇರೆ ರಸ್ತೆಗಳಲ್ಲಿ ತಿರುವುಗಳಲ್ಲಿ ಕಾರು ಪಾರ್ಕ್ ಮಾಡುವುದು. ಅಥವಾ ಇತರ ಚಾಲಕರಿಗೆ ಸರಿಯಾಗಿ ಕಾಣಿಸದೇ ಇರುವ ಪ್ರದೇಶಗಳಲ್ಲಿ ಅಪಾಯಾಕಾರಿಯಾದ ರೀತಿಯಲ್ಲಿ ಕಾರು ಪಾರ್ಕಿ ಮಾಡಿರುವುದು ಭಾರತದ ರಸ್ತೆಗಳಲ್ಲಿ ಸಾಮಾನ್ಯವಾಗಿ ಕಾಣಸಿಗುತ್ತದೆ. ಇದು ಅಪಘಾತಕ್ಕೆ ದಾರಿ ಮಾಡಿಕೊಡುತ್ತದೆ
ಒನ್ ವೇ ಆಗಿರಲಿ, ಏನೇ ಆಗಿರಲಿ ರಾಂಗ್ ಸೈಡ್ ಮೂಲಕ ವಾಹನ ಚಲಾಯಿಸುವುದು ಭಾರತದಲ್ಲಿ ಸಾಮಾನ್ಯವಾಗಿದೆ. ಇದು ಕೂಡ ಅತ್ಯಂತ ಅಪಾಯಕಾರಿಯಾಗಿದೆ
ರಸ್ತೆಯಲ್ಲಿ ಗುಂಪಾಗಿ ವಾಹನ ಒಡಿಸುತ್ತಾ, ಮಾತನಾಡುತ್ತಾ ಸಾಗುವುದು ಸಾಮಾನ್ಯಾವಾಗಿ ಕಾಣಸಿಗುತ್ತದೆ. ಪಟ್ಟಣಗಳಲ್ಲಿ, ಹೈವೇ ಮೂಲಕ ಸಾಗುವಾಗ ಸಿಗುವ ಹಳ್ಳಿಗಳಲ್ಲಿ ಎರಡೆರಡು ಬೈಕ್ ಮೂಲಕ ಮಾತನಾಡುತ್ತಾ ಸಾಗುತ್ತಾರೆ.