ಭಾರತದ ಟಾಪ್-5 ಶೇಖರಣಾ ಸಾಮರ್ಥ್ಯದ ಎಲೆಕ್ಟ್ರಿಕ್ ಸ್ಕೂಟರ್‌ಗಳು! ಎಷ್ಟು ಲಗೇಜ್ ಬೇಕಾದ್ರೂ ಸಾಗಿಸಬಹುದು!

ಎಲೆಕ್ಟ್ರಿಕ್ ಸ್ಕೂಟರ್‌ಗಳು: ಹೆಚ್ಚಿನ ಶೇಖರಣಾ ಸಾಮರ್ಥ್ಯವಿರುವ ಎಲೆಕ್ಟ್ರಿಕ್ ಸ್ಕೂಟರ್‌ಗಾಗಿ ಹುಡುಕುತ್ತಿದ್ದೀರಾ? ಬಹಳಷ್ಟು ವಸ್ತುಗಳನ್ನು ಸಾಗಿಸಬಲ್ಲ ಟಾಪ್ 5 ಎಲೆಕ್ಟ್ರಿಕ್ ವಾಹನಗಳ ವಿವರಗಳು ಇಲ್ಲಿವೆ. ಹೆಚ್ಚಿನ ಶೇಖರಣಾ ಸಾಮರ್ಥ್ಯ ಹೊಂದಿರುವ ಎಲೆಕ್ಟ್ರಿಕ್ ಸ್ಕೂಟರ್‌ಗಳ ಮಾಹಿತಿ ಇಲ್ಲಿದೆ.

ಸಾಮಾನ್ಯವಾಗಿ, ಎಲೆಕ್ಟ್ರಿಕ್ ಸ್ಕೂಟರ್‌ನಲ್ಲಿ ಬ್ಯಾಟರಿಯು ಸಾಕಷ್ಟು ಜಾಗವನ್ನು ತೆಗೆದುಕೊಳ್ಳುತ್ತದೆ. ಬ್ಯಾಟರಿಯನ್ನು ಸೀಟಿನ ಕೆಳಗೆ ಜೋಡಿಸಲಾಗಿರುತ್ತದೆ. ಅಂದರೆ ಹೆಲ್ಮೆಟ್, ಹ್ಯಾಂಡ್‌ಬ್ಯಾಗ್‌ಗಳಂತಹ ವಸ್ತುಗಳನ್ನು ಇಡಲು ಸ್ಥಳವಿಲ್ಲದ ಕಾರಣ ಅನೇಕ ಜನರು ಎಲೆಕ್ಟ್ರಿಕ್ ಸ್ಕೂಟರ್‌ಗಳನ್ನು ಖರೀದಿಸಲು ಆಸಕ್ತಿ ತೋರಿಸುವುದಿಲ್ಲ. ಹೆಚ್ಚಿನ ಸಂಗ್ರಹ ಸಾಮರ್ಥ್ಯ ಹೊಂದಿರುವ EV ಗಳ ಬಗ್ಗೆ ಇಲ್ಲಿದೆ ಮಾಹಿತಿ.

ಅಥೆರ್ ರಿಜ್ತಾ (Ather Rizta) : ಈ ಸ್ಕೂಟರ್ ಅತಿ ದೊಡ್ಡ ಸಂಗ್ರಹ ಸಾಮರ್ಥ್ಯವನ್ನು ಹೊಂದಿದೆ. ಇದರ ಒಟ್ಟು ಸಾಮರ್ಥ್ಯ 34 ಲೀಟರ್. ನೀವು ಶಾಪಿಂಗ್ ಬ್ಯಾಗ್ ಮತ್ತು ಪೂರ್ಣ ಹೆಲ್ಮೆಟ್ ಅನ್ನು ಅದರಲ್ಲಿ ಸುಲಭವಾಗಿ ಇಡಬಹುದು. ಬ್ಯಾಗ್ ಮತ್ತು ಹೆಲ್ಮೆಟ್ ಇಟ್ಟ ನಂತರವೂ ಸಣ್ಣ ವಸ್ತುಗಳನ್ನು ಅದರೊಳಗೆ ಸೇರಿಸಬಹುದು. ಜೊತೆಗೆ, ನಿಮ್ಮ ಪ್ರಯಾಣವನ್ ಕೂಡನು ಆರಾಮದಾಯಕವಾಗಿಸುತ್ತದೆ.

ಬಜಾಜ್ ಚೇತಕ್ (Bajaj Chetak) : ಚೇತಕ್ ಸ್ಕೂಟರ್‌ಗೆ ಮಾರುಕಟ್ಟೆಯಲ್ಲಿ ಉತ್ತಮ ಬೇಡಿಕೆಯಿದೆ. ಏಕೆಂದರೆ ಇದರ ಸಂಗ್ರಹಣಾ ಸಾಮರ್ಥ್ಯ 35 ಲೀಟರ್. ಈ ಸ್ಕೂಟರ್‌ನ ಸೀಟು ಕೂಡ ದೊಡ್ಡದಾಗಿದೆ. ಆದ್ದರಿಂದ, ಹೆಚ್ಚಿನ ಶೇಖರಣಾ ಸ್ಥಳವನ್ನು ಒದಗಿಸಲಾಗಿದೆ. ಈ ಸ್ಕೂಟರ್ ಮಹಿಳೆಯರಲ್ಲಿ ಬಹಳ ಜನಪ್ರಿಯವಾಗಿದೆ. ಇದು ಹೆಲ್ಮೆಟ್ ಮತ್ತು ಬ್ಯಾಗ್ ಅನ್ನು ಇಟ್ಟುಕೊಳ್ಳಲು ಸ್ಥಳಾವಕಾಶವನ್ ಒದಗಿಸುತ್ತದೆ.

ಓಲಾ ಎಸ್1 ಪ್ರೊ ಪ್ಲಸ್ ಜನರೇಷನ್ 3 (OLA s1 pro plus generation 3): ಎಲೆಕ್ಟ್ರಿಕ್ ಸ್ಕೂಟರ್‌ಗಳಲ್ಲಿ ಮುಂಚೂಣಿಯಲ್ಲಿರುವ ಓಲಾ, ದೊಡ್ಡ ಶೇಖರಣಾ ಸಾಮರ್ಥ್ಯದೊಂದಿಗೆ S1 ಪ್ರೊ ಪ್ಲಸ್ ಜೆನ್ 3 ಮಾದರಿಯಲ್ಲಿ ಬಂದಿದೆ. ಈ ಸ್ಕೂಟರ್ 34 ಲೀಟರ್ ಸಂಗ್ರಹಣಾ ಸಾಮರ್ಥ್ಯವನ್ನು ಹೊಂದಿದೆ. ಹೆಚ್ಚುವರಿ ಸ್ಥಳಾವಕಾಶಕ್ಕಾಗಿ ಇದು ಕ್ಯೂಬಿಹೋಲ್‌ಗಳನ್ನು ಸಹ ಹೊಂದಿದೆ. ಇವುಗಳನ್ನು ಬಳಸುವುದರಿಂದ ನಿಮಗೆ ಹೆಚ್ಚಿನ ಸ್ಥಳಾವಕಾಶ ಸಿಗುತ್ತದೆ.

ಟಿವಿಎಸ್ ಐಕ್ಯೂಬ್ (TVS iQube): ಐಕ್ಯೂಬ್ ಮಾರುಕಟ್ಟೆಯಲ್ಲಿ ಹೆಚ್ಚು ಮಾರಾಟವಾಗುವ ಟಾಪ್-3 ಎಲೆಕ್ಟ್ರಿಕ್ ಸ್ಕೂಟರ್‌ಗಳಲ್ಲಿ ಒಂದಾಗಿದೆ. ಇದು 32 ಲೀಟರ್ ಸಂಗ್ರಹಣಾ ಸಾಮರ್ಥ್ಯವನ್ನು ಹೊಂದಿದೆ. ಇದರಲ್ಲಿ ಒಂದು ಹೆಲ್ಮೆಟ್ ಮತ್ತು ಒಂದು ಸಣ್ಣ ಚೀಲ ಇಡಬಹುದು. ಸ್ಥಳೀಯವಾಗಿ ಶಾಪಿಂಗ್ ಮಾಡಿ ವಸ್ತುಗಳನ್ನು ತುಂಬಿಕೊಂಡು ಬರಲು ಆರಾಮದಾಯಕವಾಗಿದೆ.

ರಿವರ್ ಇಂಡೀ (River Indie): ಪ್ರಸ್ತುತ ಮಾರುಕಟ್ಟೆಯಲ್ಲಿರುವ ಸ್ಕೂಟರ್‌ಗಳಲ್ಲಿ ರಿವರ್ ಇಂಡೀ ಸ್ಕೂಟರ್ ಅತಿ ದೊಡ್ಡ ಶೇಖರಣಾ ಸಾಮರ್ಥ್ಯವನ್ನು ಹೊಂದಿದ ಸ್ಕೂಟರ್ ಆಗಿದೆ. ಇದರ ಒಟ್ಟು ಸಂಗ್ರಹ ಸಾಮರ್ಥ್ಯ 43 ಲೀಟರ್. ಇದರರ್ಥ ಎರಡು ಹೆಲ್ಮೆಟ್‌ಗಳು ಅದರಲ್ಲಿ ಸುಲಭವಾಗಿ ಹೊಂದಿಕೊಳ್ಳುತ್ತವೆ. ಯುಎಸ್‌ಬಿ ಚಾರ್ಜರ್‌ನೊಂದಿಗೆ 12-ಲೀಟರ್ ಲಾಕ್ ಸಾಮರ್ಥ್ಯದ ಗ್ಲೋವ್ ಬಾಕ್ಸ್ ಸಹ ಇದೆ. ಈ ಸ್ಕೂಟರ್ ನಿಮಗೆ ಎಲ್ಲಾ ರೀತಿಯಲ್ಲೂ ತುಂಬಾ ಉಪಯುಕ್ತವಾಗಿದೆ.