ಪ್ರತಿಯೊಬ್ಬರ ಕಲಿಕಾ ವಿಧಾನವೂ ವಿಭಿನ್ನ. ಕೆಲವರಿಗೆ ಗುಂಪಿನಲ್ಲಿ ಅಧ್ಯಯನ ಮಾಡುವುದು ಇಷ್ಟವಾದರೆ, ಮತ್ತೆ ಕೆಲವರಿಗೆ ಏಕಾಂಗಿಯಾಗಿ ಮೌನ ಪ್ರದೇಶದಲ್ಲಿ ಕುಳಿತು ಓದುವುದಿಷ್ಟ. ನಿಮ್ಮ ರಾಶಿಗನುಗುಣವಾಗಿ ಏನು ಮಾಡಿದರೆ ನೀವು ಹೆಚ್ಚು ವೇಗವಾಗಿ ಕಲಿಯಬಲ್ಲಿರಿ ತಿಳಿಯಬೇಕಾ?
ನಾವು ಪ್ರತಿಯೊಬ್ಬರೂ ವಿಭಿನ್ನವಾಗಿ ಕಲಿಯುತ್ತೇವೆ. ಗುಂಪಿನಲ್ಲಿರುವ ಸಮಾನ ಮನಸ್ಸಿನ ಜನರೊಂದಿಗೆ ಕೆಲವರು ಸುಲಭವಾಗಿ ಕಲಿಯುತ್ತಾರೆ. ಇತರರಿಗೆ ಶಾಂತ ವಾತಾವರಣ ಬೇಕು. ನಿಮ್ಮ ರಾಶಿಚಕ್ರ ಚಿಹ್ನೆಯ ಪ್ರಕಾರ, ನೀವು ಕಲಿಕೆಯ ಯಶಸ್ಸನ್ನು ವೇಗವಾಗಿ ಮತ್ತು ಅತ್ಯಂತ ಪರಿಣಾಮಕಾರಿ ರೀತಿಯಲ್ಲಿ ಹೇಗೆ ಸಾಧಿಸಬಹುದು ಎಂಬುದನ್ನು ನಾವು ನಿಮಗೆ ತಿಳಿಸುತ್ತೇವೆ. ಏಕೆಂದರೆ ಜಾತಕದ ಪ್ರಕಾರ ಪ್ರತಿಯೊಬ್ಬರಿಗೂ ಅವರದೇ ಆದ ವಿಧಾನ ಇರುತ್ತದೆ.
ಮೇಷ ರಾಶಿ(Aries)
ಮೇಷ ರಾಶಿಯವರಾಗಿ, ನೀವು ಬೇಗನೆ ಕಲಿಯುತ್ತೀರಿ ಮತ್ತು ಹೊಸ ವಿಷಯಗಳನ್ನು ತಕ್ಷಣವೇ ಹೀರಿಕೊಳ್ಳುವಿರಿ ಮತ್ತು ಅರ್ಥ ಮಾಡಿಕೊಳ್ಳುವಿರಿ. ಆದರೆ ನೀವು ಸಾಮಾನ್ಯವಾಗಿ ಮೇಲ್ಮೈಯಲ್ಲಿಯೇ ಇರುತ್ತೀರಿ ಮತ್ತು ಚಿಕ್ಕ ವಿವರಗಳಿಗೆ ಗಮನ ಹರಿಸುವುದಿಲ್ಲ. ಆದ್ದರಿಂದ ಹೆಚ್ಚು ಬೇಗ ಕಲಿಯಲು ಮತ್ತು ಕಲಿತದ್ದು ಸದಾ ನಿಮ್ಮ ಪ್ರಯೋಜನಕ್ಕೆ ಬರಬೇಕೆಂದರೆ ನಾವು ಸಣ್ಣ ವಿವರಗಳ ಕಡೆ ಗಮನ ಹರಿಸಬೇಕು.
ವೃಷಭ ರಾಶಿ(Taurus)
ನೀವು ನಿಧಾನವಾಗಿ ಕಲಿಯುವವರಾಗಿದ್ದೀರಿ ಮತ್ತು ಹೊಸ ವಿಷಯಗಳನ್ನು ಕಲಿಯಲು ಸಾಕಷ್ಟು ಸಮಯ ಬೇಕಾಗುತ್ತದೆ. ನಿಮಗಾಗಿ ನೀವು ಉತ್ತಮವಾಗಿ ಕಲಿಯಬೇಕು. ಗ್ರೂಪ್ ಸ್ಟಡೀಸ್ ಮಾಡಲು ಹೋಗಬೇಡಿ. ಅದೊಂದು ಹರಟೆ ಕಟ್ಟೆಯಾಗಿ ಬದಲಾಗುತ್ತದೆ.
ಮಿಥುನ ರಾಶಿ(Gemini)
ನೀವು ನಿರಂತರವಾಗಿ ಚಲಿಸಲು ಮತ್ತು ಹೊಸ ಜನರನ್ನು ಭೇಟಿ ಮಾಡಲು ಬಯಸುತ್ತೀರಿ. ಸದ್ದಿಲ್ಲದೆ ಕುಳಿತುಕೊಳ್ಳುವುದು ಮತ್ತು ಮೌನವಾಗಿರುವುದು ನಿಮ್ಮ ಸ್ವಭಾವವಲ್ಲ. ಆದರೆ ಓದಬೇಕೆಂದರೆ ಹಾಗೆಯೇ ಇರಬೇಕು. ಹಾಗಾಗಿ, ನಿಮ್ಮ ಸುತ್ತಲೂ ಜನರನ್ನು ಹೊಂದಿರುವ ಸ್ಥಳಗಳಲ್ಲಿ ಕಲಿಯುವುದು ಉತ್ತಮ. ಅಂಥ ಸ್ಥಳ ಶಾಂತವಾಗಿರಬೇಕೆಂದರೆ ಅದಕ್ಕೆ ಉತ್ತಮ ಸ್ಥಳ ಗ್ರಂಥಾಲಯಗಳು.
ಕರ್ಕಾಟಕ ರಾಶಿ(Cancer)
ಕರ್ಕಾಟಕ ರಾಶಿಯ ವ್ಯಕ್ತಿಯಾಗಿ, ನೀವು ನಿಮ್ಮ ಪರಿಚಿತ ಪರಿಸರವನ್ನು ಪ್ರೀತಿಸುತ್ತೀರಿ ಮತ್ತು ನಿಮ್ಮ ಮನೆಯಲ್ಲಿ ಹೆಚ್ಚು ಆರಾಮದಾಯಕವಾಗಿರುತ್ತೀರಿ. ಹಾಗಾಗಿ, ಮನೆಯಲ್ಲೇ ಅಧ್ಯಯನಕ್ಕೆ ಸರಿಯಾದ ಪರಿಸರ ನಿರ್ಮಿಸಿಕೊಂಡರೆ ಹೆಚ್ಚು ಬೇಗ ಕಲಿಯುವಿರಿ.
Gems And Astrology: ಯಾವ ಬೆರಳಿಗೆ ಯಾವ ರತ್ನ ಧರಿಸಿದ್ರೆ ಲಕ್?
ಸಿಂಹ ರಾಶಿ(Leo)
ನೀವು ಯಾವಾಗಲೂ ಮುಂದಿನ ಸಾಲಿನಲ್ಲಿ ಕುಳಿತು ನಿಮ್ಮ ಶಿಕ್ಷಕರ ಪ್ರತಿಯೊಂದು ಪ್ರಶ್ನೆಗೆ ಉತ್ತರವನ್ನು ತಿಳಿದಿರುತ್ತೀರಿ. ನಿಮ್ಮ ಜ್ಞಾನದಿಂದ ಇತರರ ಮುಂದೆ ಗುರುತಿಸಿಕೊಳ್ಳಲು ಇಷ್ಟಪಡುತ್ತೀರಿ. ಏಕೆಂದರೆ ಹೊಗಳಿಕೆ ಮತ್ತು ಗಮನವು ನಿಮ್ಮನ್ನು ಇನ್ನಷ್ಟು ಉತ್ತಮಗೊಳಿಸಲು ಪ್ರೇರೇಪಿಸುತ್ತದೆ. ಹಾಗಾಗಿ, ಗುರುಗಳು ಅಥವಾ ಪೋಷಕರ ಎದುರಿಗೆ ಅಧ್ಯಯನ ಅಭ್ಯಾಸ ಮಾಡಿಕೊಳ್ಳಿ.
ಕನ್ಯಾ ರಾಶಿ(Virgo)
ದೊಡ್ಡ ಅಧ್ಯಯನ ಗುಂಪುಗಳು ನಿಮಗಾಗಿ ಅಲ್ಲ. ಏಕೆಂದರೆ ನಿಮ್ಮ ಜೀವನದಲ್ಲಿ ಎಲ್ಲದರಂತೆ, ಕಲಿಕೆಯು ರಚನಾತ್ಮಕವಾಗಿರಬೇಕೆಂದು ನೀವು ಬಯಸುತ್ತೀರಿ. ನಿಮಗೆ ತುಂಬಾ ಬೇಸರವಾಗಿದ್ದರೆ, ಇಡೀ ಗುಂಪಿನಂತೆ ದೊಡ್ಡ ಗೊಂದಲವನ್ನು ಉಂಟುಮಾಡದ, ನಿಮ್ಮ ಉತ್ತಮ ಸ್ನೇಹಿತನನ್ನು ಪಡೆದುಕೊಳ್ಳಿ. ಮತ್ತು ಅವನೊಂದಿಗೆ ಅಭ್ಯಾಸ ಮಾಡಿ.
ತುಲಾ ರಾಶಿ(Libra)
ನೀವು ಪ್ರಪಂಚದ ಬಗ್ಗೆ ಎಲ್ಲವನ್ನೂ ತಿಳಿದುಕೊಳ್ಳಲು ಬಯಸುವ ಕಾರಣ ನೀವು ಸಾಧ್ಯವಾದಷ್ಟು ಕೋರ್ಸ್‌ಗಳನ್ನು ತೆಗೆದುಕೊಳ್ಳಲು ಇಷ್ಟಪಡುತ್ತೀರಿ. ನೀವು ಕಲಿಯಲು ಪ್ರಾರಂಭಿಸಿದಾಗ, ಎಲ್ಲಿ ಪ್ರಾರಂಭಿಸಬೇಕು ಎಂದು ನಿಮಗೆ ಸಾಮಾನ್ಯವಾಗಿ ತಿಳಿಯುವುದಿಲ್ಲ. ನಿಮ್ಮ ಕೊಠಡಿ ಪುಸ್ತಕಗಳು ಮತ್ತು ನೋಟ್‌ಬುಕ್‌ಗಳಿಂದ ತುಂಬಿರುತ್ತದೆ. ನೀವು ಅಧ್ಯಯನ ಗುಂಪುಗಳಿಂದ ಪ್ರಯೋಜನ ಪಡೆಯುತ್ತೀರಿ. ಏಕೆಂದರೆ ಪ್ರತಿಯೊಬ್ಬರೂ ಆಲೋಚನೆಗೆ ವಿಭಿನ್ನ ಆಹಾರವನ್ನು ನೀಡುತ್ತಾರೆ ಮತ್ತು ನಿಮ್ಮನ್ನು ಪ್ರೇರೇಪಿಸುತ್ತಾರೆ.
ವೃಶ್ಚಿಕ ರಾಶಿ(Scorpio)
ಗುಂಪಿನಲ್ಲಿರಲಿ ಅಥವಾ ಒಂಟಿಯಾಗಿರಲಿ ನೀವು ಇಷ್ಟಪಡುವ ವಿಷಯಗಳನ್ನು ನೀವು ವೇಗವಾಗಿ ಕಲಿಯುತ್ತೀರಿ. ನಿಮಗೆ ಆಸಕ್ತಿಯಿಲ್ಲದ ವಿಷಯಗಳನ್ನು ಕಲಿಯುವುದು ನಿಮಗೆ ನಂಬಲಾಗದಷ್ಟು ಕಷ್ಟ. ಹಾಗಾಗಿ, ಅಂಥ ವಿಷಯಗಳನ್ನು ಕಲಿಯಲು ಗ್ರೂಪ್ ಸ್ಟಡೀಸ್ ನಿಮ್ಮ ಸಹಾಯಕ್ಕೆ ಬರುವುದು.
ಧನು ರಾಶಿ(Sagittarius)
ನಿಮಗೆ ಕಲಿಯಲು ಇಷ್ಟವಿಲ್ಲದಿದ್ದರೆ, ನೀವು ಕಲಿಯುವುದಿಲ್ಲ. ನೀವು ನಿರಂತರವಾಗಿ ನಿಮ್ಮನ್ನು ವಿಚಲಿತಗೊಳಿಸುತ್ತೀರಿ. ನೀವು ಕಲಿಕೆಯಲ್ಲಿ ಯಶಸ್ವಿಯಾಗಲು, ಸ್ನೇಹಿತರೊಂದಿಗೆ ಕುಳಿತು ಪ್ರಯತ್ನಿಸಿ. ಇಲ್ಲವೇ ಹಿರಿಯರ ಸಮ್ಮುಖದಲ್ಲಿ ಕುಳಿತು ಓದಿ.
ವಿದ್ಯಾರ್ಥಿಗಳ ಆಹಾರ ಎಂಥದಿರಬೇಕು? Bhagavadgita ಏನನ್ನುತ್ತೆ ಕೇಳಿ..
ಮಕರ ರಾಶಿ(Capricorn)
ನೀವು ಹುಟ್ಟಾ ಸಂಘಟಕರು ಮತ್ತು ಪರಿಪೂರ್ಣ ಗುಂಪಿನ ನಾಯಕ. ಆದ್ದರಿಂದ, ಗುಂಪಿನಲ್ಲಿ ಕಲಿಯುವುದು ಮತ್ತು ಇತರರಿಗೆ ಸಹಾಯಕವಾದ ಸಲಹೆಗಳನ್ನು ನೀಡುವುದು ನಿಮಗೆ ಸುಲಭವಾಗಿದೆ. ಹೀಗೆ ಮತ್ತೊಬ್ಬರಿಗೆ ಹೇಳಿಕೊಡುವುದರಿಂದ ನಿಮ್ಮ ಕಲಿಕೆ ಹೆಚ್ಚು ವೇಗವಾಗಿ, ಪರಿಣಾಮಕಾರಿಯಾಗಿ ಆಗುತ್ತದೆ.
ಕುಂಭ ರಾಶಿ(Aquarius)
ನೀವು ಅಸಾಮಾನ್ಯ ಕಲಿಕೆಯ ವಿಧಾನಗಳನ್ನು ಹೊಂದಿದ್ದೀರಿ. ಸುತ್ತಲೂ ಎಷ್ಟೇ ಗಲಾಟೆಯಿರಲಿ ಓದಬಲ್ಲಿರಿ. ಆದರೆ, ಸ್ತಬ್ಧ ಮತ್ತು ತುಂಬಾ ಸ್ವಚ್ಛವಾದ ಕೊಠಡಿಗಳು ನಿಮ್ಮನ್ನು ನರಳುವಂತೆ ಮಾಡುತ್ತವೆ. ನಿಮ್ಮ ಕಲಿಕೆಯ ಗುರಿಯನ್ನು ತಲುಪಲು ತ್ವರಿತ ಮಾರ್ಗವೆಂದರೆ ಹೆಚ್ಚು ಜನನಿಬಿಡ ಸ್ಥಳದಲ್ಲಿ ಕುಳಿತು ಓದುವುದು.
ಮೀನ ರಾಶಿ(Pisces)
ನೀರಸ ಪುಸ್ತಕಗಳು ಎದುರಿದ್ದರೆ ಹಗಲುಗನಸಿನಲ್ಲಿ ಸಮಯ ವ್ಯರ್ಥ ಮಾಡುವಿರಿ. ಎಲ್ಲ ರೀತಿಯ ಕಲಿಕೆಗೆ ಏಕಾಗ್ರತೆಯಲ್ಲಿರಲು ಸಹಾಯ ಮಾಡುವ ಏಕೈಕ ವಿಷಯವೆಂದರೆ ಕಟ್ಟುನಿಟ್ಟಾದ ವೇಳಾಪಟ್ಟಿ.