ಹಿಂದಿನ ಕಾಲದಲ್ಲಿ ವಿಷಕನ್ಯೆಯರು ಇದ್ದರು ಎಂಬುದನ್ನು ನಾವು ಕೇಳಿದ್ದೇವೆ. ಕಪಟಿ ರಾಜರು, ಮಂತ್ರಿಗಳು ತಮ್ಮ ರಾಜಕೀಯ ವೈರಿಗಳನ್ನು ಮುಗಿಸಲು ಇವರನ್ನು ಬಳಸುತ್ತಿದ್ದರು ಎಂದು ಹೇಳಲಾಗುತ್ತದೆ. ಚಾಣಕ್ಯ ಕೂಡ ಇಂಥವರ ಪ್ರಯೋಗ ಮಾಡಿದ್ದ ಎಂದು ಹೇಳಲಾಗುತ್ತದೆ. ಇಂದು ಕೆಲವು ರಾಜಕಾರಣಿಗಳ ಸಿಡಿ ಬಿಡುಗಡೆ ನೋಡಿದರೆ ಈಗಲೂ ವಿಷಕನ್ಯಾ ಪ್ರಯೋಗ ನಿಜ ಎಂದೇ ಹೇಳಬಹುದು!
ತಮಾಷೆ ಹಾಗಿರಲಿ. ವಿಷಕನ್ಯೆ ಎಂದರೆ ದೇಹವಿಡೀ ವಿಷ ಹೊಂದಿದ ಯುವತಿ ಎಂಬ ಅರ್ಥವಲ್ಲ. ಜ್ಯೋತಿಷ್ಯದಲ್ಲಿ ನಿಜಕ್ಕೂ ʼವಿಷಕನ್ಯಾ ಯೋಗʼ ಎಂಬುದೊಂದಿದೆ. ಜ್ಯೋತಿಷ್ಯ ಶಾಸ್ತ್ರದಲ್ಲಿ ಇದನ್ನು ಅತ್ಯಂತ ದುರದೃಷ್ಟದ ಯೋಗವೆಂದು ನೋಡಲಾಗುತ್ತದೆ. ಕೆಲವು ನಿರ್ದಿಷ್ಟ ಗ್ರಹಗಳು ಮತ್ತು ನಕ್ಷತ್ರಪುಂಜಗಳು ಜಾತಕದಲ್ಲಿ ನಿರ್ದಿಷ್ಟ ರೀತಿಯಲ್ಲಿ ಸೇರಿದರೆ ಇದು ಸೃಷ್ಟಿಯಾಗುತ್ತದೆ. ಈ ಯೋಗ ಇದ್ದ ಸ್ತ್ರೀಯರು ಜೀವನದಲ್ಲಿ ಬಹಳಷ್ಟು ಸವಾಲುಗಳು ಮತ್ತು ಕಷ್ಟಗಳನ್ನು ಎದುರಿಸಬೇಕಾಗುತ್ತದಂತೆ. ಈ ಯೋಗ ವಿಷಕಾರಿ ಮತ್ತು ಸಂತೋಷವನ್ನು ಹಾಳುಮಾಡುತ್ತದೆ.
ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಅಂಗಾರಕ ಯೋಗ, ಕಾಳಸರ್ಪ ಯೋಗ ಮತ್ತು ಕೇಮದ್ರುಮದಂತಹ ಅಶುಭ ಯೋಗಗಳಂತೆಯೇ ವಿಷಕನ್ಯಾ ಯೋಗವೂ ಒಂದು. ಜಾತಕದಲ್ಲಿ ಈ ಯೋಗವಿದ್ದರೆ ವೈವಾಹಿಕ ಜೀವನವು ಅನೇಕ ತೊಂದರೆಗಳನ್ನು ಎದುರಿಸುತ್ತದೆ. ಈ ಕಾರಣಕ್ಕಾಗಿ ಮದುವೆಯ ಸಮಯದಲ್ಲಿ ಈ ಯೋಗವನ್ನು ಪರೀಕ್ಷಿಸುವುದು ಅವಶ್ಯಕ.
ಇದು ಹೇಗೆ ರೂಪುಗೊಳ್ಳುತ್ತದೆ?
ಜಾತಕ ವ್ಯಕ್ತಿಯು ಹುಟ್ಟಿದ ದಿನದಂದು ಭಾನುವಾರ ಮತ್ತು ದ್ವಾದಶಿ ತಿಥಿಗಳು ಇದ್ದಾಗ, ಕೃತಿಕಾ, ವಿಶಾಖ ಅಥವಾ ಶತಭಿಷ್‌ ನಕ್ಷತ್ರಗಳಿದ್ದಾಗ ಈ ಯೋಗವು ಸೃಷ್ಟಿಯಾಗುತ್ತದೆ. ಭಾನುವಾರ ಮತ್ತು ಆಶ್ಲೇಷ ಅಥವಾ ಶತಭಿಷ ನಕ್ಷತ್ರದ ದ್ವಿತೀಯ ತಿಥಿಯಲ್ಲಿ ಜನಿಸಿದರೆ ವಿಷಕನ್ಯಾ ಯೋಗವು ಸೃಷ್ಟಿಯಾಗುತ್ತದೆ. ಆಶ್ಲೇಷಾ ನಕ್ಷತ್ರದಲ್ಲಿ ಶನಿವಾರ ಜನಿಸಿದರೆ, ಶನಿಯು ಲಗ್ನದಲ್ಲಿದ್ದಾಗ, ಸೂರ್ಯನು ಐದನೇ ಮನೆಯಲ್ಲಿ ಮತ್ತು ಮಂಗಳವು ಒಂಬತ್ತನೇ ಮನೆಯಲ್ಲಿದ್ದಾಗಲೂ ವಿಷಕನ್ಯಾ ಯೋಗ ಉಂಟಾಗುತ್ತದೆ.
ಇವೆಲ್ಲ ದೈವಿಕ ಶಕ್ತಿಗಳು ನಿಮಗೆ ಕೊಡೋ ಸಂಕೇತಗಳು, ಕಡೆಗಣಿಸ್ಬೇಡಿ!
ಯಾವುದೇ ಅಶುಭ ಗ್ರಹವು ಜಾತಕದ ಲಗ್ನದಲ್ಲಿದ್ದಾಗ, ಚಂದ್ರ, ಶುಕ್ರ, ಗುರು ಮತ್ತು ಬುಧ ಮುಂತಾದ ಲಾಭದಾಯಕ ಗ್ರಹಗಳು ಜಾತಕದ ಆರನೇ, ಎಂಟನೇ ಅಥವಾ ಹನ್ನೆರಡನೇ ಮನೆಯಲ್ಲಿದ್ದಾಗ, ವಿಷಕನ್ಯಾ ಯೋಗ ಸೃಷ್ಟಿಯಾಗುತ್ತದೆ. ಮಂಗಳವಾರ ಮತ್ತು ಸಪ್ತಮಿ ತಿಥಿಗಳು ಆಶ್ಲೇಷ, ವಿಶಾಖ ಅಥವಾ ಶತಭಿಷ ನಕ್ಷತ್ರಗಳೊಂದಿಗೆ ಇದ್ದರೆ, ವಿಷಕನ್ಯಾ ಯೋಗ ರೂಪುಗೊಳ್ಳುತ್ತದೆ. ಮಂಗಳವಾರ ಶತಭಿಷಾ ನಕ್ಷತ್ರದಲ್ಲಿ ದ್ವಾದಶಿ ತಿಥಿಯಂದು ಜನಿಸಿದ ಹುಡುಗಿಯ(Girl) ಜಾತಕದಲ್ಲಿ ಈ ಪ್ರತಿಕೂಲ ಯೋಗ ರೂಪುಗೊಳ್ಳುತ್ತದೆ. ಸಪ್ತಮಿ ಅಥವಾ ದ್ವಾದಶಿ ತಿಥಿ ಮತ್ತು ಕೃತಿಕಾ ನಕ್ಷತ್ರವು ಶನಿವಾರಗಳಾಗಿದ್ದರೆ, ಈ ಯೋಗವು ಉಂಟಾಗುತ್ತದೆ. ಹೆಣ್ಣು ಮಗುವಿನ(Girl child) ಜಾತಕದಲ್ಲಿ ಶನಿ, ರಾಹು, ಅಥವಾ ಕೇತುಗಳಂತಹ ದುಷ್ಟ ಗ್ರಹದೊಂದಿಗೆ ಆರನೇ ಸ್ಥಾನದಲ್ಲಿರುವ ಯಾವುದೇ ಎರಡು ಅನುಕೂಲಕರ ಗ್ರಹಗಳು ಸಂಯೋಜಿಸಿದರೆ ವಿಷಕನ್ಯಾ ಯೋಗ ಹುಟ್ಟುತ್ತದೆ. ಹೆಚ್ಚುವರಿಯಾಗಿ, ರಾಹು, ಕೇತು, ಶನಿ ಅಥವಾ ಮಂಗಳದಂತಹ ಯಾವುದೇ ದುಷ್ಟ ಗ್ರಹವು ಹುಡುಗಿಯ ಜನ್ಮಜಾತಕದ ಏಳನೇ ಮನೆಯಲ್ಲಿದ್ದರೆ ಮತ್ತು ಈ ಇತರ ಯಾವುದೇ ಗ್ರಹಗಳು ಮುಖಾಮುಖಿ ಸ್ಥಾನದಲ್ಲಿದ್ದರೆ ವಿಷಕನ್ಯಾ ಯೋಗವಿದೆ.
ಪರಿಹಾರವೇನು?
ಹಿಂದಿನ ಕಾಲದಲ್ಲಿ ವಿಷಕನ್ಯಾ ಯೋಗವಿದ್ದವರು ವಟಸಾವಿತ್ರಿ ವ್ರತ ಆಚರಿಸಿ, ಮದುವೆಯಾಗುವ ಮೊದಲು ಕುಂಭವನ್ನು ಅಥವಾ ಶಮಿ ವೃಕ್ಷವನ್ನು ಮದುವೆಯಾಗಿ ಯೋಗದ ನಕಾರಾತ್ಮಕ ಪರಿಣಾಮವನ್ನು(Effects) ನಿವಾರಿಸಿಕೊಳ್ಳುತ್ತಿದ್ದರು. ಇಂದು ಸರ್ವ-ಪ್ರಯೋಜಕವಾದ "ವಿಷ್ಣು ಸಹಸ್ತ್ರನಾಮ"ವನ್ನು ಜೀವನದುದ್ದಕ್ಕೂ ಪಠಿಸಬೇಕು. ಗುರು ಬೃಹಸ್ಪತಿಯನ್ನು ಪೂಜಿಸಿದರೆ ಯೋಗದ ಪ್ರತಿಕೂಲ ಪರಿಣಾಮಗಳು ಕಡಿಮೆಯಾಗುತ್ತವೆ.
ಅಂಗೈಯಲ್ಲಿ ಈ ಗುರುತು ಇದ್ರೆ ಜೀವನದಲ್ಲಿ ಅಶುಭ!
ಕೆಲವೊಮ್ಮ ವಿಷಕನ್ಯಾ ಯೋಗ ಸ್ವತಃ ಅಂತ್ಯಗೊಳ್ಳುತ್ತದೆ. ಉದಾಹರಣೆಗೆ, ಜಾತಕದ ಏಳನೇ ಮನೆಯ ಅಧಿಪತಿಯು ಅನುಕೂಲಕರ, ಮಂಗಳಕರ ಸ್ಥಾನದಲ್ಲಿದ್ದರೆ ಅಥವಾ ಮನೆಯು ಗುರುವಿನ ಅಂಶದೊಂದಿಗೆ ಸಂಬಂಧ ಹೊಂದಿದ್ದರೆ ಈ ದೋಷ ನಿವಾರಣೆಯಾಗುತ್ತದೆ. ಶುಭ ಗ್ರಹವು ಲಗ್ನದಲ್ಲಿ ಅಥವಾ ಏಳನೇ ಮನೆಯಲ್ಲಿ ಕುಳಿತಿದ್ದರೆ ಅಥವಾ ಮುಖಾಮುಖಿ ದೃಷ್ಟಿಸುತ್ತಿದ್ದರೆ ದೋಷವು ನಿವಾರಣೆಯಾಗುತ್ತದೆ.