ಸಂಖ್ಯಾಶಾಸ್ತ್ರದಲ್ಲಿ, ಏಂಜೆಲ್ ನಂಬರ್ಸ್ ಮೂರು ಅಥವಾ ನಾಲ್ಕು ಸಂಖ್ಯೆಗಳ ಪುನರಾವರ್ತಿತ ಅನುಕ್ರಮವಾಗಿದ್ದು, ಅದು ಆಧ್ಯಾತ್ಮಿಕ ಅಥವಾ ದೈವಿಕ ಸಂದೇಶವನ್ನು ತಿಳಿಸಲು ನಿಮ್ಮ ಜೀವನದಲ್ಲಿ ಕಾಣಿಸಿಕೊಳ್ಳುತ್ತದೆ.
ಸಂಖ್ಯಾಶಾಸ್ತ್ರದ ಪ್ರಕಾರ, ಪ್ರತಿ ಅಂಕಿಯು ತನ್ನದೇ ಆದ ಶಕ್ತಿಯನ್ನು ಹೊಂದಿದೆ. ಅದರಲ್ಲೂ ಏಂಜೆಲ್ ಸಂಖ್ಯೆಗಳು ಅಲೌಖಿಕ ಅರ್ಥವನ್ನು ನಮಗೆ ತಲುಪಿಸುತ್ತವೆ. ಸಾಮಾನ್ಯವಾಗಿ ಗಡಿಯಾರದಲ್ಲಿ 11:11 ನಿಮಿಷವೋ, 12:12 ನಿಮಿಷವೋ ಆಗಿದ್ದರೆ, ಅಥವಾ ಯಾವುದಾದರೂ ಕಾರಿನ ಸಂಖ್ಯೆ 1111 ಇದ್ದರೆ, ಇದಲ್ಲದೆ ಎಲ್ಲಿಯೋ ಪುನರಾವರ್ತಿತ ಸಂಖ್ಯೆ ಕಣ್ಣಿಗೆ ಬಿದ್ದರೆ ಅದು ತಕ್ಷಣ ನಮ್ಮ ಗಮನ ಸೆಳೆಯುತ್ತದೆ.
ಇಂಥ ಪುನರಾವರ್ತಿತ ಸಂಖ್ಯೆಯನ್ನು ಏಂಜೆಲ್ ನಂಬರ್ ಎನ್ನುತ್ತದೆ ಸಂಖ್ಯಾಶಾಸ್ತ್ರ. ಪ್ರತಿ ರಾಶಿಗೂ ಅದರದೇ ಆದ ಏಂಜೆಲ್ ನಂಬರ್ ಇದ್ದು, ಅದು ನಿಮಗೆ ಬದುಕಿನಲ್ಲಿ ಮಾರ್ಗದರ್ಶನ ನೀಡುತ್ತದೆ. ಇಂದು ಪ್ರೀತಿಯ ವಿಷಯದಲ್ಲಿ ಯಾವ ರಾಶಿಗೆ ಯಾವ ಸಂಖ್ಯೆ ಸಂಕೇತಗಳನ್ನು ತಲುಪಿಸುತ್ತದೆ ತಿಳಿಯೋಣ.
ಮೇಷ: 111
ಈ ಸಂಖ್ಯೆಯು ಪ್ರೀತಿಯ ವಿಭಾಗದಲ್ಲಿ ಸಮೃದ್ಧಿಯನ್ನು ಸೂಚಿಸುತ್ತದೆ. ಏಕೆಂದರೆ ಮೇಷ ರಾಶಿಯು ಯಾವಾಗಲೂ ಮೊದಲಿಗರಾಗಿರಲು ಬಯಸುತ್ತದೆ. ಈ ಸಂಖ್ಯೆಯು ಸ್ವಾತಂತ್ರ್ಯ ಮತ್ತು ನಾಯಕತ್ವದ ಗುಣಗಳನ್ನು ಪ್ರತಿನಿಧಿಸುತ್ತದೆ. ಮೇಷ ರಾಶಿಯ ಏಂಜೆಲ್ ಸಂಖ್ಯೆ 111 ಆಗಿದ್ದು, ಇದು ನಿಮಗೆ ಎಲ್ಲಾದರೂ ಗೋಚರಿಸಿದಾಗ ಅದು ಬ್ರಹ್ಮಾಂಡವು ನಿಮಗೆ ಏನೋ ಸಂದೇಶ ತಲುಪಿಸಲು ಬಯಸುತ್ತಿದೆ ಎಂದು ತಿಳಿಯಬೇಕು.
ವೃಷಭ: 222
ಸಂಖ್ಯೆ ಎರಡು ಸಮತೋಲನ ಮತ್ತು ಪಾಲುದಾರಿಕೆಗೆ ಸಂಬಂಧಿಸಿದೆ. ವೃಷಭದ ಮನೆಯೂ ಎರಡನೆಯದಾಗಿದೆ. ಅಂದರೆ, 222 ನಿಮ್ಮ ಕಣ್ಣಿಗೆ ಗಡಿಯಾರ, ವಾಹನ ಸಂಖ್ಯೆ ಅಥವಾ ಮತ್ತೆಲ್ಲಾದರೂ ಕಂಡರೆ, ನಿಮ್ಮ ಜೀವನದಲ್ಲಿ ಅಥವಾ ನಿಮ್ಮ ದಾರಿಯಲ್ಲಿ ಸ್ಥಿರವಾದ ಪ್ರೀತಿ ಇರುತ್ತದೆ ಎಂದು ಸೂಚಿಸುತ್ತದೆ. ನಿಮ್ಮ ಸಂಬಂಧಕ್ಕೆ ಹೆಚ್ಚಿನ ಸಮತೋಲನದ ಅಗತ್ಯವಿದೆ ಎಂದು ಈ ಸಂಖ್ಯೆ ಸೂಚಿಸುತ್ತದೆ. ಇದು ಶುಕ್ರವನ್ನು ಪ್ರತಿನಿಧಿಸುವ ಸಂಖ್ಯೆ ಮತ್ತು ಇದು ವೃಷಭ ರಾಶಿಯ ಅಧಿಪತಿಯಾಗಿದೆ.
ಮಿಥುನ: 33
ನಿಮ್ಮ ರಾಶಿಚಕ್ರಕ್ಕೆ 33 ಸಂಖ್ಯೆ ವೈಬ್ ನೀಡುತ್ತದೆ. ನೀವು ವಿನೋದದಿಂದ ಮತ್ತು ಹಗುರವಾಗಿರಲು ಇಷ್ಟಪಡುತ್ತೀರಿ. ಈ ಸಂಖ್ಯೆಯು ನಿಮಗೆ ಏಂಜೆಲ್ ನಂಬರ್ ಆಗಿ ಸಂದೇಶ ರವಾನಿಸಲು ಪ್ರಯತ್ನಿಸುತ್ತದೆ. 33 ಎಲ್ಲಾದರೂ ಕಂಡಾಗ ಅದು ನಿಮಗೆ ಪ್ರೀತಿಯು ನಿಮ್ಮ ಹಾದಿಯಲ್ಲಿರುವುದನ್ನು ಸೂಚಿಸುತ್ತದೆ.
Budh Asta 2023: 3 ರಾಶಿಗಳಿಗೆ ಮೇಷದಲ್ಲಿ ಮುಳುಗಿದ ಬುಧನ ಕೃಪೆ, ಯಶಸ್ಸಿನ ಸಮಯ
ಕರ್ಕಾಟಕ: 44 ಮತ್ತು 69
ಸಂಖ್ಯೆ 4 ಒಂದು ಬೆಂಬಲ ಸಂಖ್ಯೆ ಮತ್ತು ಇದು ರಾಶಿಚಕ್ರದ ಪೋಷಣೆಯ ವ್ಯಕ್ತಿತ್ವವನ್ನು ಪ್ರತಿಬಿಂಬಿಸುತ್ತದೆ. ನೀವು 44 ಅನ್ನು ನೋಡಿದಾಗ, ನಿಮ್ಮ ಜೀವನದಲ್ಲಿಯೂ ನೀವು ಪ್ರೀತಿಯ ಮೇಲೆ ಅವಲಂಬಿತರಾಗಬಹುದು ಎಂದು ಸೂಚಿಸುವ ಉತ್ತಮ ಸಂಕೇತವಾಗಿದೆ. 69ನೇ ಸಂಖ್ಯೆಯು ಕರ್ಕ ರಾಶಿಯ ಲೈಂಗಿಕ ಶಕ್ತಿಯನ್ನು ಸೂಚಿಸುತ್ತದೆ.
ಸಿಂಹ: 555
ಈ ಸಂಖ್ಯೆ ಹೃದಯದ ವಿಷಯಗಳಿಗೆ ಸಂಬಂಧಿಸಿದೆ. ಇದು ಅತ್ಯಂತ ಉತ್ಸಾಹಭರಿತ ಸಂಖ್ಯೆ ಎಂದು ಪರಿಗಣಿಸಲಾಗಿದೆ ಮತ್ತು ಇದು ಸಿಂಹ ರಾಶಿಯ ಪ್ರೇಮ ಜೀವನಕ್ಕೆ ಬಹಳ ಮಂಗಳಕರವಾಗಿದೆ. ಇದು ಅತ್ಯಂತ ತಾಜಾ ಮತ್ತು ಸೃಜನಾತ್ಮಕ ಸಂಖ್ಯೆಯಾಗಿದೆ.
ಕನ್ಯಾ: 666
ಕನ್ಯಾ ರಾಶಿಯು ಚಕ್ರದಲ್ಲಿ ಆರನೇ ರಾಶಿಯಾಗಿದ್ದು, 6ನೇ ಸಂಖ್ಯೆಯು ಪ್ರೀತಿಯ ಗ್ರಹವಾದ ಶುಕ್ರನದು. 666 ಅನ್ನು ನೋಡುವುದು ನಿಮ್ಮ ಸಂಬಂಧದಲ್ಲಿ ನೀವು ಮಾಡುವ ಪ್ರಯತ್ನವು ಹೇರಳವಾಗಿ ಪ್ರತಿಫಲವನ್ನು ನೀಡುತ್ತದೆ ಎಂಬುದನ್ನು ಸೂಚಿಸುತ್ತದೆ.
ತುಲಾ: 777
ಏಂಜೆಲ್ ಸಂಖ್ಯೆ 777 ಅನ್ನು ಸೇರಿಸಿದಾಗ 21 ಆಗುತ್ತದೆ. ಇದು ಪ್ರೀತಿಯಲ್ಲಿ ವಿಲೀನಗೊಳ್ಳುವ ಶಕ್ತಿಯನ್ನು ಹೊರಸೂಸುತ್ತದೆ. ಸಂಖ್ಯೆ 777 ಪ್ರಬಲ ಸಂಬಂಧವನ್ನು ಸೂಚಿಸುತ್ತದೆ. ತುಲಾ ರಾಶಿಯವರು ಈ ಸಂಖ್ಯೆಯನ್ನು ಕಂಡಾಗ ನಿಮ್ಮ ಪ್ರೇಮ ಜೀವನದ ಉತ್ಕಟ ಸಮಯ ಸನ್ನಿಹಿತವಾಗಿದೆ ಎಂದರ್ಥ.
Akshaya Tritiya 2023ಯು ನಿಮ್ಮ ರಾಶಿಗೆ ಏನೆಲ್ಲ ಫಲ ತರಲಿದೆ ನೋಡಿದ್ರಾ?
ವೃಶ್ಚಿಕ: 888
ಪ್ರೀತಿಯ ವಿಷಯಕ್ಕೆ ಬಂದಾಗ, ವೃಶ್ಚಿಕ ರಾಶಿಯವರು ಆಳವಾಗಿರಲು ಬಯಸುತ್ತಾರೆ. 8 ಸಂಖ್ಯೆಯು ಅನಂತತೆಯ ಸಂಕೇತವಾಗಿದೆ. ವೃಶ್ಚಿಕದವರು 888 ಅನ್ನು ಗುರುತಿಸುವುದು ಆಧ್ಯಾತ್ಮಿಕ ಒಕ್ಕೂಟವನ್ನು ಸೂಚಿಸುತ್ತದೆ, ಆದ್ದರಿಂದ ಇದು ಪ್ರೀತಿಯ ವಿಷಯಕ್ಕೆ ಬಂದಾಗ ಪರಿಗಣಿಸಲು ಉತ್ತಮ ಸಂಖ್ಯೆಯಾಗಿದೆ. ಅಲ್ಲದೆ, ನೀವು 888 ಅನ್ನು ಸೇರಿಸಿದಾಗ, ಅದು 6 ಆಗುತ್ತದೆ ಮತ್ತು ಅದು ಶುಕ್ರನ ಸಂಖ್ಯೆಯಾಗಿದೆ. ಶುಕ್ರ ಕೂಡಾ ಪ್ರೇಮಕಾರಕ.
ಧನು ರಾಶಿ: 999
ಈ ಸಂಖ್ಯೆಯ ಆಧ್ಯಾತ್ಮಿಕ ಶಕ್ತಿಯು ಮುಕ್ತ ಮನೋಭಾವದ ಆತ್ಮಕ್ಕೆ ಸಂಬಂಧಿಸಿದೆ ಮತ್ತು ಧನು ರಾಶಿಯವರು ಅದಕ್ಕಾಗಿ ಹೆಸರುವಾಸಿಯಾಗಿದ್ದಾರೆ. ಈ ಸಂಖ್ಯೆಯ ಒಂದು ನೋಟ ನಿಮಗೆ ಸಿಕ್ಕಿದರೆ, ಪ್ರಸ್ತುತ ಸಂಬಂಧ ಬಲವಾಗುತ್ತದೆ ಎಂದರ್ಥ.
ಮಕರ: 1111
ಈ ಸಂಖ್ಯೆ ಮಹತ್ವಾಕಾಂಕ್ಷೆ ಮತ್ತು ಸ್ವಾತಂತ್ರ್ಯವನ್ನು ಪ್ರತಿನಿಧಿಸುತ್ತದೆ. ಅದಕ್ಕಾಗಿಯೇ 1111 ನಿಮ್ಮ ಜೀವನದಲ್ಲಿ ಒಂದು ಸಂವೇದನಾಶೀಲ ಸಂಬಂಧದ ಸಂಕೇತವಾಗಿದೆ. ನೀವು 4 ಅನ್ನು ಸೇರಿಸಿದಾಗ, ಇದು ಮಕರ ರಾಶಿಯವರು ಬಯಸುವ ಪ್ರಬುದ್ಧತೆ ಮತ್ತು ಸ್ಥಿರತೆಯನ್ನು ಸೂಚಿಸುತ್ತದೆ. ಈ ಸಂಖ್ಯೆಯು ನಿಮಗೆ ಗುರಿ ಸಾಧನೆಯ ಕೊನೆ ತಲುಪುವ ಸೂಚನೆ ನೀಡುತ್ತದೆ.
ಕುಂಭ: 1111
ಕುಂಭ ಸಹ 1111 ರ ಆದರ್ಶವಾದಿ ವೈಬ್ ಅನ್ನು ಅನುಭವಿಸುತ್ತದೆ. ಸಂಖ್ಯೆ 1 ಆಶಾವಾದಿ ಮತ್ತು ಸ್ವತಂತ್ರವಾಗಿರುವುದನ್ನು ಸೂಚಿಸುತ್ತದೆ. ಕುಂಭ ಮತ್ತು ಮಕರ ರಾಶಿಗಳು ಸಾಂಪ್ರದಾಯಿಕವಾಗಿ ಶನಿಯಿಂದ ಆಳಲ್ಪಡುತ್ತವೆ ಮತ್ತು ಸ್ಥಿರತೆಯನ್ನು ಬಯಸುತ್ತವೆ. ಅವಕ್ಕೆ ಈ ಸಂಖ್ಯೆ ಪ್ರೀತಿಯಲ್ಲಿ ಸ್ಥಿರತೆ ಸಾಧಿಸುವುದರ ಸೂಚನೆ ನೀಡುತ್ತದೆ.
Gautam Buddha Story: ಕರ್ಮ ಎಂದರೇನು? ರಾಜನ ಸಾವನ್ನು ಬಯಸಿದ ವ್ಯಾಪಾರಿಯ ಕತೆ!
ಮೀನ: 000, 1221
ಮೀನವು ಆಶಾವಾದಿ ರಾಶಿಚಕ್ರ ಚಿಹ್ನೆ ಮತ್ತು 000 ಭರವಸೆಯ ಶಕ್ತಿಯು ಸುಂದರವಾದ ಒಕ್ಕೂಟದ ಸಾಧ್ಯತೆಯನ್ನು ಸೂಚಿಸುತ್ತದೆ. ಏಂಜೆಲ್ ಸಂಖ್ಯೆ 1221 ಎಲ್ಲಾ ಮೀನ ರಾಶಿಗಳಂತೆ ಸ್ವತಃ ಮುಂದಕ್ಕೆ ಮತ್ತು ಹಿಂದಕ್ಕೆ ಪ್ರತಿಫಲಿಸುತ್ತದೆ! ಮೀನಕ್ಕೆ ಈ ಸಂಖ್ಯೆಗಳು ಕಾಣಿಸಿಕೊಂಡರೆ ಹೊಸತರ ಆರಂಭದ ಸೂಚನೆ ನೀಡುತ್ತವೆ.