ಆಟೋ ಡೈವರ್‌ ಆಗಿದ್ದ ತನ್ನ ತಂದೆಯನ್ನು ಕಳೆದುಕೊಂಡ ನಂತರ ಕಷ್ಟಗಳನ್ನು ಮೆಟ್ಟಿ ನಿಲ್ಲಲೇಬೇಕೆಂದು ಪ್ರೇರಣಾ ಅವರು NEET ಪರೀಕ್ಷೆಗೆ ತಯಾರಿ ಆರಂಭಿಸಿದರು. ಅದರಲ್ಲಿ ಯಶಸ್ಸು ಕಂಡರು.
ನ್ಯಾಶನಲ್ ಎಲಿಜಿಬಿಲಿಟಿ ಕಮ್ ಎಂಟ್ರೆನ್ಸ್ ಟೆಸ್ಟ್ (NEET) ಭಾರತದಲ್ಲಿರುವ ಕಠಿಣ ಪ್ರವೇಶ ಪರೀಕ್ಷೆಗಳಲ್ಲಿ ಒಂದಾಗಿದೆ. ರಾಜಸ್ತಾನದ ಕೋಟಾದ ನಿವಾಸಿ ಪ್ರೇರಣಾ ಎಂಬ ಹುಡುಗಿ ವೈದ್ಯಕೀಯ ಪರೀಕ್ಷೆಯಲ್ಲಿ ತೇರ್ಗಡೆ ಹೊಂದಿದ್ದಾಳೆ ಮತ್ತು ಆಕೆಯ ಯಶಸ್ಸಿನ ಕಥೆಯು ಹಲವು ಮಂದಿಗೆ ಸ್ಫೂರ್ತಿದಾಯಕವಾಗಿದೆ.
ಪ್ರೇರಣಾ ಅವರು NEET ಪರೀಕ್ಷೆಗೆ ತಯಾರಿ ಆರಂಭಿಸಿದಾಗ ರಾಜಸ್ಥಾನದ ಕೋಟಾದಲ್ಲಿ ತನ್ನ ಸಹೋದರ ಸಹೋದರಿಯರೊಂದಿಗೆ ವಾಸಿಸುತ್ತಿದ್ದರು. ಆದರೆ, ಆಕೆಯ ತಂದೆ ತೀರಿಕೊಂಡಾಗ ಜೀವನ ನಿರ್ವಹಣೆ ಬಹಳ ಕಷ್ಟವಾಯ್ತು. ಕುಟುಂಬವು ದೊಡ್ಡ ಆರ್ಥಿಕ ಹೊರೆ ಮತ್ತು ಭಾರಿ ಮೊತ್ತದ ಸಾಲಕ್ಕೆ ಸಿಲುಕಿ ಬಿಟ್ಟಿತು.
undefined
ಮುಖೇಶ್ ಅಂಬಾನಿಯನ್ನು ಮೀರಿ ಬೆಳೆದು ಜಗತ್ತಿನ 6ನೇ
NEET ಆಕಾಂಕ್ಷಿ ಪ್ರೇರಣಾ ತನ್ನ ನಾಲ್ವರು ಒಡಹುಟ್ಟಿದವರನ್ನು ನೋಡಿಕೊಳ್ಳುವ ಮತ್ತು 27 ಲಕ್ಷ ರೂಪಾಯಿ ಸಾಲವನ್ನು ಪಾವತಿಸುವ ಜವಾಬ್ದಾರಿಯನ್ನು ಹೊಂದಿದ್ದರು. ಸಾಲವನ್ನು ಪಾವತಿಸದ ಕಾರಣ ಕುಟುಂಬವು ತಮ್ಮ ಮನೆಯನ್ನು ಖಾಲಿ ಮಾಡುವಂತೆ ಒತ್ತಾಯಿಸಲಾಯಿತು ಮತ್ತು ಆ ವೇಳೆ ಕೋವಿಡ್ -19 ಸಾಂಕ್ರಾಮಿಕ ರೋಗವು ಪರಿಸ್ಥಿತಿಯನ್ನು ಇನ್ನಷ್ಟು ಹದಗೆಡಿಸಿತು. ತಂದೆ ಆಟೋ ಚಾಲಕನಾಗಿ ಕೆಲಸ ಮಾಡುತ್ತಿದ್ದರು. ಆಕೆಯ ತಾಯಿಗೆ ತಿಂಗಳಿಗೆ 500 ರೂ ಬರುತ್ತಿತ್ತು. ಅದರಿಂದಲೇ ಅವರ ಜೀವನ ಸಾಗುತ್ತಿತ್ತು. ಮಕ್ಕಳನ್ನು ಓದಿಸಲು ಪ್ರೇರಣಾ ಅವರ ತಾಯಿ ಅಧ್ಯಯನಕ್ಕಾಗಿ ಶೈಕ್ಷಣಿಕ ಸಾಲವನ್ನು ತೆಗೆದುಕೊಂಡರು.
ಈ ಕಷ್ಟವನ್ನು ಮಟ್ಟಿ ನಿಲ್ಲಲು ಪ್ರತಿಜ್ಞೆ ಮಾಡಿದ ಪ್ರೇರಣಾ, ಏನೇ ಇರಲಿ ನೀಟ್ ಪರೀಕ್ಷೆಯಲ್ಲಿ ತೇರ್ಗಡೆಯಾಗಲೇಬೇಕೆಂದು ನಿರ್ಧರಿಸಿದಳು. ಒಬ್ಬಳು ಕುಳಿತುಕೊಳ್ಳಲು ಮಾತ್ರ ಸಾಧ್ಯವಾಗುವಷ್ಟು ಚಿಕ್ಕದಾದ ಕೊಠಡಿಯಲ್ಲಿ ಪ್ರೇರಣಾ, ಓದುತ್ತಿದ್ದಳು. ಸರಿಯಾದ ನಿದ್ದೆಗಳನ್ನು ಮಾಡದೆ. ವೈದ್ಯಕೀಯ ಪ್ರವೇಶ ಪರೀಕ್ಷೆಗಾಗಿ ಪ್ರತಿದಿನ 10-12 ಗಂಟೆಗಳ ಕಾಲ ಓದುತ್ತಿದ್ದಳು.
ಭಾರತದ ದುಬಾರಿ 220 ಕೋಟಿ ವೆಚ್ಚದ ಬರ್ತಡೇ ಪಾರ್ಟಿ, ಪಿಗ್ಗಿ, ಸಚಿನ್‌,
ಪ್ರೇರಣಾ ತನ್ನ ಮೊದಲ ಪ್ರಯತ್ನದಲ್ಲಿ NEET ಪರೀಕ್ಷೆಯಲ್ಲಿ ಉತ್ತೀರ್ಣಳಾದಳು, NEET 2023 ರಲ್ಲಿ ಅಸಾಧಾರಣವಾದ ಉತ್ತಮ ಅಂಕಗಳನ್ನು ಗಳಿಸಿದಳು. ಯುವತಿಯು 720 ರಲ್ಲಿ ಒಟ್ಟು 686 ಅಂಕಗಳನ್ನು ಗಳಿಸಿದಳು ಮತ್ತು ಪರೀಕ್ಷೆಯಲ್ಲಿ ಕೊನೆಗೊಂಡ ಒಟ್ಟು 2.5 ಲಕ್ಷ ವಿದ್ಯಾರ್ಥಿಗಳಲ್ಲಿ AIR 1033 ಅನ್ನು ಹೊಂದಿದ್ದಳು.
NEET UG ಫಲಿತಾಂಶ 2023 ರ ನಂತರ, ಅವರು ಮಾಧ್ಯಮಗಳಿಗೆ ತಮ್ಮ ತಂದೆಯೇ ತನ್ನ ದೊಡ್ಡ ಸ್ಫೂರ್ತಿ ಎಂದು ಹೇಳಿದರು, ಏಕೆಂದರೆ ಆರ್ಥಿಕ ಒತ್ತಡ ಏನೇ ಇರಲಿ, ತನ್ನ ಕನಸನ್ನು ಮುಂದುವರಿಸುವುದನ್ನು ಯಾರೂ ತಡೆಯಲು ಸಾಧ್ಯವಿಲ್ಲ ಎಂಬುದನ್ನು ಇತರರಿಗೆ ತಿಳಿಸಿಕೊಟ್ಟರು.