IPL 2021: ರಾಯಲ್ಸ್ ಪ್ಲೇ-ಆಫ್ ಕನಸಿಗೆ ಸನ್ರೈಸರ್ಸ್ ಅಡ್ಡಿ?
ಸಾರಾಂಶ
* ರಾಯಲ್ಸ್ಗೆ ಮಾಡು ಇಲ್ಲವೇ ಮಡಿ ಪಂದ್ಯ * ರಾಯಲ್ಸ್ ಪ್ಲೇ-ಆಫ್ ಕನಸಿಗೆ ಸನ್ರೈಸರ್ಸ್ ಅಡ್ಡಿ?
ದುಬೈ(ಸೆ.27): ಈಗಾಗಲೇ 14ನೇ ಆವೃತ್ತಿಯ ಪ್ಲೇ-ಆಫ್ ರೇಸ್ನಿಂದ ಹೊರಬಿದ್ದಿರುವ ಸನ್ರೈಸರ್ಸ್ಸ್ ಹೈದರಾಬಾದ್(Sunrisers Hyderabad), ರಾಜಸ್ಥಾನ ರಾಯಲ್ಸ್ನ(Rajasthan Royals) ಪ್ಲೇ-ಆಫ್ ಕನಸಿಗೆ ಅಡ್ಡಿಯಾಗಲಿದೆಯೇ ಎನ್ನುವ ಕುತೂಹಲ ಅಭಿಮಾನಿಗಳಲ್ಲಿ ಶುರುವಾಗಿದೆ. 9 ಪಂದ್ಯಗಳಲ್ಲಿ 4ರಲ್ಲಿ ಗೆದ್ದಿರುವ ರಾಜಸ್ಥಾನ, ಬಾಕಿ ಇರುವ 5 ಪಂದ್ಯಗಳಲ್ಲಿ ಕನಿಷ್ಠ 4ರಲ್ಲಿ ಗೆಲುವುದರ ಜೊತೆಗೆ ನೆಟ್ ರನ್ರೇಟ್ ಸಹ ಕಾಪಾಡಿಕೊಳ್ಳಬೇಕಿದೆ.
ಸತತ 5 ಸೋಲು ಅನುಭವಿಸಿ ಕುಗ್ಗಿರುವ ಸನ್ರೈಸರ್ಸ್ ವಿರುದ್ಧ ಉತ್ತಮ ಪ್ರದರ್ಶನ ತೋರಿ, ಗೆಲುವಿನ ಲಯಕ್ಕೆ ಮರಳುವುದರ ಜೊತೆಗೆ ಪ್ಲೇ-ಆಫ್ ಆಸೆ ಜೀವಂತವಾಗಿರಿಸಿಕೊಳ್ಳುವುದು ಸಂಜು ಸ್ಯಾಮ್ಸನ್ ಪಡೆಯ ಗುರಿಯಾಗಿದೆ.
ರಾಯಲ್ಸ್ಗೆ ತನ್ನ ಬ್ಯಾಟಿಂಗ್ ಪಡೆಯದ್ದೇ ಚಿಂತೆಯಾಗಿದೆ. ಕಳೆದ ಪಂದ್ಯದಲ್ಲಿ ಸ್ಯಾಮ್ಸನ್ ಏಕಾಂಗಿ ಹೋರಾಟದ ಹೊರತಾಗಿಯೂ ತಂಡ ಸೋತಿತ್ತು. ರಾಯಲ್ಸ್ ಬೌಲರ್ಗಳು ಉತ್ತಮ ಲಯದಲ್ಲಿದ್ದು ಅದೇ ಲಯ ಮುಂದುವರಿಸುವ ವಿಶ್ವಾಸದಲ್ಲಿದ್ದಾರೆ. ಸನ್ರೈಸರ್ಸ್ ಎಲ್ಲಾ ವಿಭಾಗಗಳಲ್ಲೂ ಸುಧಾರಿಸಬೇಕಿದೆ.
ಒಟ್ಟು ಮುಖಾಮುಖಿ: 14
ರಾಜಸ್ಥಾನ: 07
ಸನ್ರೈಸರ್ಸ್: 07
ಸಂಭವನೀಯ ಆಟಗಾರರ ಪಟ್ಟಿ
ರಾಜಸ್ಥಾನ: ಯಶಸ್ವಿ, ಲೆವಿಸ್, ಸ್ಯಾಮ್ಸನ್(ನಾಯಕ), ಮಿಲ್ಲರ್, ಲಿವಿಂಗ್ಸ್ಟೋನ್, ತೆವಾಟಿಯಾ, ಮಹಿಪಾಲ್, ಶ್ರೇಯಸ್ ಗೋಪಾಲ್, ತ್ಯಾಗಿ, ಮುಸ್ತಾಫಿಜುರ್, ಸಕಾರಿಯಾ.
ಸನ್ರೈಸರ್ಸ್: ರಾಯ್, ಸಾಹ, ವಿಲಿಯಮ್ಸನ್(ನಾಯಕ), ಪಾಂಡೆ, ವಿರಾಟ್/ಅಭಿಷೇಕ್, ಸಮದ್, ಹೋಲ್ಡರ್, ರಶೀದ್, ಭುವನೇಶ್ವರ್, ಸುಚಿತ್, ಬಸಿಲ್ ಥಂಪಿ.
ಸ್ಥಳ: ದುಬೈ,
ಪಂದ್ಯ ಆರಂಭ: ಸಂಜೆ 7.30ಕ್ಕೆ, ನೇರ ಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.