
ಬೆಂಗಳೂರು: ಮುಸ್ಲಿಂ ಎಂಬ ಕಾರಣಕ್ಕೆ ನಾಲ್ಕು ಫ್ಲ್ಯಾಟ್ಗಳ ಮಾಲೀಕರು ಬಾಡಿಗೆ ನೀಡಲು ನಿರಾಕರಿಸಿದ್ದಾರೆ ಎಂದು ಎಂಜಿನಿಯರ್ವೊಬ್ಬರು ಜಾಲತಾಣ ಎಕ್ಸ್ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಪೋಸ್ಟ್ ವೈರಲ್ ಆಗಿ 24 ಲಕ್ಷಕ್ಕೂ ಹೆಚ್ಚು ಜನ ವೀಕ್ಷಿಸಿದ್ದು, ವ್ಯಾಪಕ ಚರ್ಚೆ ನಡೆದಿದೆ.
‘ಬೆಂಗಳೂರಿನಲ್ಲಿ ಫ್ಲ್ಯಾಟ್ ಬಾಡಿಗೆ ಪಡೆಯಲು ನಾನು ಮತ್ತು ನನ್ನ ಪತ್ನಿ ಹುಡುಕಾಟ ನಡೆಸುತ್ತಿದ್ದೇವೆ. ಈ ವೇಳೆ ನಾಲ್ಕು ಫ್ಲ್ಯಾಟ್ಗಳು ನಮಗೆ ಇಷ್ಟವಾದವು. ಎಲ್ಲಾ ನಾಲ್ಕು ಮನೆ ಮಾಲೀಕರು ನಾವು ಮುಸ್ಲಿಂ ಎಂಬ ಕಾರಣಕ್ಕೆ ನಿರಾಕರಿಸಿದರು. ಮೊದಲ ಮನೆ ಮಾಲೀಕರು ನಿರಾಕರಿಸಿದಾಗ ಏನೋ ಒಂದು ಅಪರೂಪದ ಘಟನೆ ಎಂದುಕೊಂಡೆ. ಆದರೆ, ನಂತರದಲ್ಲಿ ನನ್ನ ಅನಿಸಿಕೆ ಸುಳ್ಳು ಎನಿಸಿತು. ಇದು ನೋವಿನ ಸಂಗತಿ ಎಂದು ಫಾರೀಸ್ ಅನ್ಸಾರಿ ಎಂಬುವರು ಪೋಸ್ಟ್ ಮಾಡಿದ್ದಾರೆ.
ಪೋಸ್ಟ್ಗೆ ಪ್ರತಿಕ್ರಿಯಿಸಿರುವ ಆರತಿ ಅಯ್ಯಂಗಾರ್ ಎಂಬುವರು, ಒಂಟಿ ಪುರುಷ, ಒಂಟಿ ಮಹಿಳೆಯರಿಗೂ ಮನೆಗಳು ಸುಲಭವಾಗಿ ಸಿಗುವುದಿಲ್ಲ. ನೀವು ವಿಶೇಷವೇನಲ್ಲ. ತಾರತಮ್ಯ ಇದ್ದೇ ಇದೆ. ಆದರೂ, ನಿಮಗೆ ಮನೆ ನೀಡುವಂತಹ ಮಾಲೀಕರನ್ನು ಹುಡುಕಿಕೊಳ್ಳಿ. ಮುಸ್ಲಿಂ ಎಂಬ ಕಾರಣಕ್ಕಾಗಿಯೇ ನಿರಾಕರಿಸಿದ್ದೆ ಆದಲ್ಲಿ ಮುಸ್ಲಿಂ ಮಾಲೀಕತ್ವದ ಫ್ಲ್ಯಾಟ್ ಹುಡುಕಿಕೊಳ್ಳಿ. ಬೆಂಗಳೂರಿನಲ್ಲಿ ಸಾಕಷ್ಟು ಲಭ್ಯವಿದ್ದು, ಸಿಗುವುದು ಕಷ್ಟವೇನಲ್ಲ. ಬೇಸರವೇಕೆ? ಎಂದು ಸಲಹೆ ನೀಡಿದ್ದಾರೆ.
ಜಾಲತಾಣದಲ್ಲಿ ಲೈಕ್ಸ್, ಕಮೆಂಟ್ ಮತ್ತು ಹೆಚ್ಚಿನ ಜನರಿಗೆ ಅಕೌಂಟ್ ಮತ್ತು ಪೋಸ್ಟ್ ತಲುಪುವ ರೀಚ್ಗಾಗಿ ಮಾಡಿರುವ ಪೋಸ್ಟ್ ಆಗಿರಬೇಕೆಂದು ಅನೇಕರು ಕಮೆಂಟ್ ಮಾಡಿದ್ದಾರೆ.
ಇದನ್ನೂ ಓದಿ: ಅಮೆಜಾನ್ನಲ್ಲಿ ಹೆಚ್ಚು ದಿನಸಿ ಆರ್ಡರ್ ಮಾಡಿದ್ದೇ ತಪ್ಪಾಯ್ತಾ? ಗ್ರಾಹಕನ ಮೇಲೆ ಕೂಗಾಡಿದ ಡೆಲಿವರಿ ಬಾಯ್!
Didn't expect this to blow up. I posted it after our 4th rejection, when I was frustrated. Not looking for sympathy. Just shared something many people face.
To everyone who wrote with kindness: thank you. That's the India I believe in.
I'll keep looking, we'll find one for sure.
— Faris Ansari (@netchamp_faris) November 17, 2026