ಎಲ್ಲಾ ಕಡೆ ಇರ್ತವೆ

ಇರುವೆ ಗೂಡು ಕಟ್ಟದ ಮನೆಗಳಿಲ್ಲ. ಎಲ್ಲಾ ಕಡೆಗಳಲ್ಲೂ ಇವು ಕಾಣಸಿಗುತ್ತವೆ. ಇರುವೆಗಳ ಕಾಟ ಹೆಚ್ಚಾದರೆ ತೊಂದರೆಯಾಗುತ್ತದೆ. 

ಮಳೆಗಾಲದಲ್ಲಿ ನೀರು ನುಗ್ಗಿ ಗೂಡುಗಳು ನಾಶವಾದಾಗ ಇವು ಒಣಗಿದ ಸ್ಥಳಗಳಿಗೆ ನುಗ್ಗುತ್ತವೆ.

ಇರುವೆಗಳು ಬರುವ ಸ್ಥಳಗಳಲ್ಲಿ ನಿಂಬೆ ರಸ ಅಥವಾ ಸಿಪ್ಪೆಯನ್ನು ಇಡಬಹುದು. ನಿಂಬೆಹಣ್ಣಿನ ವಾಸನೆ ತಾಳಲಾರದೆ ಇರುವೆಗಳು ಬರುವುದಿಲ್ಲ.

ವಿನೆಗರ್ ಮತ್ತು ನೀರನ್ನು ಬೆರೆಸಿ ಅದಕ್ಕೆ ಸುಗಂಧ ತೈಲವನ್ನು ಸೇರಿಸಬಹುದು. ಇದರ ವಾಸನೆಯಿಂದ ಇರುವೆಗಳು ಮತ್ತೆ ಬರುವುದಿಲ್ಲ. 

ಕಿತ್ತಳೆ ಸಿಪ್ಪೆಯನ್ನು ಸ್ವಲ್ಪ ಬಿಸಿ ನೀರಿನಲ್ಲಿ ನೆನೆಸಿ ಚೆನ್ನಾಗಿ ಅರೆದು ಪೇಸ್ಟ್ ಮಾಡಿ ಇರುವೆಗಳು ಬರುವ ಜಾಗದಲ್ಲಿ ಹಚ್ಚಬಹುದು. 

ಪುಡಿ ಉಪ್ಪನ್ನು ನೀರಿನಲ್ಲಿ ಹಾಕಿ ಕುದಿಸಿ ಆ ನೀರನ್ನು ಇರುವೆಗಳು ಬರುವ ಜಾಗದಲ್ಲಿ ಚಿಮುಕಿಸಬಹುದು. ಹೀಗೆ ಮಾಡಿದರೆ ಇರುವೆಗಳು ಬರುವುದನ್ನು ತಡೆಯಬಹುದು.   
 

ಖಾರ ಇಷ್ಟಪಡದ ಕಾರಣ ಮೆಣಸಿನ ಪುಡಿಯನ್ನು ಬಳಸಿ ಇರುವೆಗಳನ್ನು ಓಡಿಸಬಹುದು. ಇರುವೆಗಳು ಬರುವ ಜಾಗದಲ್ಲಿ ಮೆಣಸಿನ ಪುಡಿಯನ್ನು ಚೆಲ್ಲಬಹುದು. 

ಚಾಕ್‌ನಲ್ಲಿ ಕ್ಯಾಲ್ಸಿಯಂ ಕಾರ್ಬೋನೇಟ್ ಇರುತ್ತದೆ. ಇದನ್ನು ಇರುವೆಗಳು ಬರುವ ಜಾಗದಲ್ಲಿ ಪುಡಿ ಮಾಡಿ ಅಥವಾ ಬರೆದಿಡಬಹುದು.