ಸ್ಪೇಸ್ ಏಜನ್ಸಿ ಗಗನಯಾತ್ರಿಗಳನ್ನು ಸ್ಪೇಷ್ ಮಷಿನ್ ಗಾಗಿ ಕಳುಹಿಸುತ್ತದೆ, ಆದರೆ ಮಿಷನ್ ಸಮಯದಲ್ಲಿ ಗಗನಯಾತ್ರಿ ಸಾವನ್ನಪ್ಪಿದರೆ ಏನಾಗುತ್ತೆ? ಅವರ ಅಂತ್ಯಕ್ರಿಯೆ ಹೇಗೆ ಮಾಡಲಾಗುತ್ತೆ?
ಬಾಹ್ಯಾಕಾಶ ಸಂಸ್ಥೆ ತನ್ನ ಗಗನಯಾತ್ರಿಗಳನ್ನು ಬಾಹ್ಯಾಕಾಶ ಕಾರ್ಯಾಚರಣೆಗಳಿಗೆ ಕಳುಹಿಸುವುದನ್ನು ಮುಂದುವರಿಸಿದೆ. ಇವತ್ತು ಕೂಡ ಸ್ಪೇಸ್ ನಲ್ಲಿ ಗಗನಯಾತ್ರಿಗಳಿದ್ದಾರೆ.
ಈ ಜರ್ನಿ ಅನೇಕ ತೊಂದರೆಗಳಿಂದ ತುಂಬಿರುತ್ತೆ, ಆದರೆ ಬಾಹ್ಯಾಕಾಶದಲ್ಲಿ ಅಡಗಿರುವ ರಹಸ್ಯಗಳನ್ನು ಬಹಿರಂಗಪಡಿಸುವುದು ಸಹ ಬಹಳ ಮುಖ್ಯ.
ಅಂತಹ ಸಂದರ್ಭದಲ್ಲಿ, ಮಿಷನ್ ಸಮಯದಲ್ಲಿ ಗಗನಯಾತ್ರಿ ಸಾವನ್ನಪ್ಪಿದರೆ ಏನಾಗುತ್ತದೆ? ಮತ್ತು ಅವರ ಅಂತಿಮ ವಿಧಿಗಳನ್ನು ಹೇಗೆ ನಡೆಸಲಾಗುತ್ತದೆ? ಅನ್ನೋ ಪ್ರಶ್ನೆ ಜನರಲ್ಲಿ ಮೂಡುತ್ತೆ.
ಈ ಎಲ್ಲಾ ವಿಷಯಗಳು ಗಗನಯಾತ್ರಿಯ ಸಾವು ಎಲ್ಲಿ ಸಂಭವಿಸಿದೆ ಎಂಬುದರ ಮೇಲೆ ಅವಲಂಬಿತವಾಗಿದೆ ಎಂದು ವಿಜ್ಞಾನಿಗಳು ಹೇಳುತ್ತಾರೆ.
ಒಂದು ವೇಳೆ ಗಗನಯಾತ್ರಿಯ ಸಾವು ಭೂಮಿಯ ಕೆಳ ಕಕ್ಷೆಯಲ್ಲಿ ಸಂಭವಿಸಿದರೆ, ಸಿಬ್ಬಂದಿ ದೇಹವನ್ನು ಕ್ಯಾಪ್ಸೂಲ್ ನಲ್ಲಿ ದಾಖಲಿಸಿ ಭೂಮಿಗೆ ಮರಳಿ ತರಬಹುದು.
ಈ ಘಟನೆ ಚಂದ್ರ ಅಥವಾ ಅನ್ಯ ಗ್ರಹದಲ್ಲಿ ಸಂಭವಿಸಿದರೆ, ಸಿಬ್ಬಂದಿ ಸಾವನ್ನಪ್ಪಿದ ಸಿಬ್ಬಂದಿಯ ದೇಹವನ್ನು ತಮ್ಮೊಂದಿಗೆ ಇಟ್ಟುಕೊಂಡು, ಮಿಷನ್ನಿಂದ ಹಿಂದಿರುಗಿದಾಗ ಅದನ್ನು ತಮ್ಮೊಂದಿಗೆ ತರಬಹುದು.
ಬಾಹ್ಯಾಕಾಶ ಸಂಸ್ಥೆ ಅಂತಹ ಸಂದರ್ಭಗಳಿಗೆ ವಿವಿಧ ಪ್ರೋಟೋಕಾಲ್ಗಳನ್ನು ಸ್ಥಾಪಿಸಿದೆ. ಇಡೀ ಪ್ರಕ್ರಿಯೆಯು ಇವುಗಳ ಆಧಾರದ ಮೇಲೆ ಕಾರ್ಯನಿರ್ವಹಿಸುತ್ತದೆ.
ಅಂತಹ ಸಂದರ್ಭಗಳಲ್ಲಿ, ಮೃತ ದೇಹವನ್ನು ಪ್ರತ್ಯೇಕ ಕೋಣೆಯಲ್ಲಿ ಅಥವಾ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಬಾಡಿ ಬ್ಯಾಗ್ನಲ್ಲಿ ಸಂರಕ್ಷಿಸಲಾಗುತ್ತದೆ.
ಮೃತ ದೇಹಕ್ಕೆ ನಿರ್ದಿಷ್ಟ ತಾಪಮಾನ ಮತ್ತು ತೇವಾಂಶವನ್ನು ಸಹ ನಿರ್ವಹಿಸಲಾಗುತ್ತದೆ, ಮತ್ತು ಮಿಷನ್ ಪೂರ್ಣಗೊಂಡ ನಂತರ ಅದನ್ನು ಮರಳಿ ತರಲಾಗುತ್ತದೆ.
ಆದರೆ ಯಾವುದೇ ಕಾರಣಕ್ಕೂ ಮೃತ ದೇಹವನ್ನು ಅಲ್ಲಿಯೇ ಬಿಡಲಾಗುವುದಿಲ್ಲ. ಅದಕ್ಕೆ ಕಾರಣ ಏನು ಅನ್ನೋದನ್ನು ಸಹ ವಿಜ್ಞಾನಿಗಳೇ ತಿಳಿಸಿದ್ದಾರೆ.
ಮೃತ ದೇಹವನ್ನು ಗ್ರಹದಲ್ಲಿ ಬಿಟ್ಟರೆ, ದೇಹದಿಂದ ಹೊರಹೊಮ್ಮುವ ಬ್ಯಾಕ್ಟೀರಿಯಾಗಳು ಗ್ರಹವನ್ನು ಕಲುಷಿತಗೊಳಿಸಬಹುದು, ಇದರಿಂದ ಗಂಭೀರ ಅಪಾಯ ಉಂಟಾಗುತ್ತೆ ಎಂದು ವಿಜ್ಞಾನಿಗಳು ಹೇಳುತ್ತಾರೆ.