ಗಂಡಸರಿಗೆ ಹೆಂಡ್ತಿ ಬೇಕಿಲ್ಲ ಎಂದ ಪ್ರಖ್ಯಾತ ನಟಿ

ಯಶ್‌, ಗಣೇಶ್‌ ಜೊತೆ ನಟಿಸಿದ್ದ ಪ್ರಖ್ಯಾತ ನಟಿ ದೇಶದಲ್ಲಿ ಗಂಡಸರಿಗೆ ಹೆಂಡತಿಯ ಅಗತ್ಯವೇ ಇಲ್ಲ ಎಂದಿದ್ದಾರೆ.

ಈ ಬಗ್ಗೆ ಇನ್ಸ್‌ಟಾಗ್ರಾಮ್‌ನಲ್ಲಿ ಅವರು ಈ ರೀಲ್‌ ಹಂಚಿಕೊಂಡಿದ್ದಾರೆ. ಹೆಚ್ಚಿನ ಗಂಡಸರು ಮದುವೆ ಯಾಕಾಗುತ್ತಾರೆ ಅನ್ನೋದಕ್ಕೆ ಕಾರಣವನ್ನೂ ನೀಡಿದ್ದಾರೆ.

ಹೆಚ್ಚಿನ ಯುವಕರಿಗೆ ಮನೆಕೆಲಸಕ್ಕೆ, ಅಡಿಗೆ ಮಾಡೋಕೆ, ಮನೆಯನ್ನು ಸ್ವಚ್ಛ ಮಾಡೋಕೆ ಒಬ್ಬರು ಬೇಕು. ಅದಕ್ಕಾಗಿ ಅವರು ಮದುವೆ ಆಗ್ತಾರೆ ಎಂದಿದ್ದಾರೆ.

ನಿಮ್ಮ ಸಂಗಾತಿ ಹೀಗಿರಬೇಕು ಅನ್ನೋದು ನಿಮ್ಮ ತಪ್ಪಲ್ಲ. ಆದರೆ, ಅವರು ನಿಮ್ಮಷ್ಟೇ ಆದಾಯ ತರಬೇಕು ಅನ್ನೋದು ನಿಮ್ಮ ತಪ್ಪು ಎಂದಿದ್ದಾರೆ.

ಭಾಮಾ ಹಂಚಿಕೊಂಡಿರುವ ಈ ರೀಲ್‌ ಸೋಶಿಯಲ್‌ ಮೀಡಿಯಾದಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ.

ಎಲ್ಲರಿಗೂ ತಿಳಿದ ಹಾಗೆ ಮಲಯಾಳಂ ಮೂಲದ ನಟಿ ಭಾಮಾ ವಿಚ್ಛೇದಿತೆ. ಗಂಡನಿಂದ ಬೇರ್ಪಟ್ಟು, ಅಂದಾಜು 6 ತಿಂಗಳ ಮೇಲಾಗಿದೆ.

ನಾಲ್ಕು ವರ್ಷದ ಮಗಳಿಗೆ ನಾನು ಸಿಂಗಲ್‌ ಮದರ್‌ ಎಂದು ಭಾಮಾ ಹೇಳುತ್ತಾರೆ. 2020ರಲ್ಲಿ ಅರುಣ್‌ ಎನ್ನುವವರನ್ನು ಭಾಮಾ ವಿವಾಹವಾಗಿದ್ದರು.

ಭಾಮಾಗೆ ಸಿನಿಮಾಗಳ ಅವಕಾಶ ಕಡಿಮೆಯಾಗಿದೆ. ರೆಸ್ಟೋರೆಂಟ್‌ಗಳ ಓಪನಿಂಗ್‌, ಜಾಹೀರಾತುಗಳ ಶೂಟಿಂಗ್‌ನಿಂದ ಅವರು ಜೀವನ ಸಾಗಿಸುತ್ತಿದ್ದಾರೆ.