ಮನೆಯಲ್ಲಿ ಇಲಿ ಕಾಟ ಹೆಚ್ಚಾಗಿದ್ಯಾ?

ಮನೆಯಲ್ಲಿ ಇಲಿಗಳ ಕಾಟ ವಿಪರೀತವಾಗಿದೆಯೇ? ಯಾವುದೇ ರಾಸಾಯನಿಕ ಬಳಸದೆ, ಮನೆಯಲ್ಲಿರುವ ವಸ್ತುಗಳಿಂದಲೇ ಇಲಿಗಳನ್ನು ಓಡಿಸಲು ಈ ಸುಲಭ ಮನೆಮದ್ದು ಟ್ರೈ ಮಾಡಿ.

ಇಲಿಗಳನ್ನು ಓಡಿಸಲು ಬೆಳ್ಳುಳ್ಳಿ ಬೆಸ್ಟ್. ಇಲಿಗಳು ಓಡಾಡುವ ಜಾಗದಲ್ಲಿ ಬೆಳ್ಳುಳ್ಳಿ ಎಸಳುಗಳನ್ನು ಅಥವಾ ಜಜ್ಜಿದ ಬೆಳ್ಳುಳ್ಳಿಯನ್ನು ಇಟ್ಟರೆ ಇಲಿಗಳು ಹತ್ತಿರ ಸುಳಿಯುವುದಿಲ್ಲ.

ಅಡುಗೆಗೆ ಸುವಾಸನೆ ನೀಡುವ ಪಲಾವ್ ಎಲೆ ಕೀಟಗಳನ್ನು ಓಡಿಸಲು ತುಂಬಾ ಉಪಯುಕ್ತ. ಇಲಿಗಳು ಹೆಚ್ಚಾಗಿ ಬರುವ ಜಾಗದಲ್ಲಿ ಪಲಾವ್ ಎಲೆಗಳನ್ನು ಇಡಲು ಪ್ರಯತ್ನಿಸಿ.

ಇಲಿಗಳು ಹೆಚ್ಚಾಗಿ ಕಾಣಿಸಿಕೊಳ್ಳುವ ಜಾಗದಲ್ಲಿ ಪೆಪ್ಪರ್‌ಮಿಂಟ್ ಎಣ್ಣೆಯನ್ನು ಸಿಂಪಡಿಸಿ. ಅಥವಾ ಹತ್ತಿಯಲ್ಲಿ ಅದ್ದಿ ಮೂಲೆಗಳಲ್ಲಿ ಇಡುವುದರಿಂದಲೂ ಇಲಿಗಳು ಓಡಿಹೋಗುತ್ತವೆ.

ಒಂದು ತೆಳುವಾದ ಬಟ್ಟೆಯನ್ನು ತೆಗೆದುಕೊಂಡು ಅದರಲ್ಲಿ ನಾಲ್ಕೈದು ಲವಂಗಗಳನ್ನು ಕಟ್ಟಿ. ಇಲಿಗಳು ಬರುವ ಸಾಧ್ಯತೆಯಿರುವ ಜಾಗಗಳಲ್ಲಿ ಈ ಗಂಟನ್ನು ಇಡಿ.

ಈರುಳ್ಳಿಯನ್ನು ಕತ್ತರಿಸಿ ಇಲಿಗಳು ಓಡಾಡುವ ರಂಧ್ರಗಳು ಅಥವಾ ಅವುಗಳ ದಾರಿಯ ಬಳಿ ಇಡಿ. ಇದರ ಘಾಟು ವಾಸನೆಗೆ ಇಲಿಗಳು ಮನೆಯಿಂದ ಜಾಗ ಖಾಲಿ ಮಾಡುತ್ತವೆ.

ಕಾಫಿ ಪುಡಿಯನ್ನು ಚೆನ್ನಾಗಿ ಒಣಗಿಸಿ. ನಂತರ ಅದನ್ನು ಒಂದು ಸಣ್ಣ ಬಟ್ಟೆಯ ಚೀಲದಲ್ಲಿ ಹಾಕಿ ಇಲಿಗಳು ಬರುವ ಮೂಲೆಗಳಲ್ಲಿ ಇಟ್ಟರೆ ಉತ್ತಮ ಫಲಿತಾಂಶ ಸಿಗುತ್ತದೆ.