ವೈಟ್‌ಹೆಡ್ಸ್‌ಗಳನ್ನು ಹೇಗೆ ತೆಗೆದುಹಾಕುವುದು?

ಮುಖದಲ್ಲಿ ಸಣ್ಣ ರಂಧ್ರಗಳಿರುತ್ತವೆ. ಸತ್ತ ಚರ್ಮದ ಕೋಶಗಳು, ಧೂಳು ಆ ರಂಧ್ರಗಳಲ್ಲಿ ಸೇರಿದರೆ ಇವು ಉಂಟಾಗುತ್ತವೆ. ಮೂಗಿನ ಸುತ್ತ ಸೆಬಾಷಿಯಸ್ ಗ್ರಂಥಿಗಳು ಹೆಚ್ಚಾಗಿರುವುದರಿಂದಲೂ ಇವು ಬರಬಹುದು.

ಕೆಲವು ಮನೆಮದ್ದುಗಳನ್ನು ಬಳಸಿ ನೀವು ವೈಟ್ ಹೆಡ್ಸ್‌ಗಳನ್ನು ಸಂಪೂರ್ಣವಾಗಿ ತೆಗೆದುಹಾಕಬಹುದು.

ಬೇಕಾಗುವ ಸಾಮಗ್ರಿಗಳು
1 ಟೇಬಲ್ ಚಮಚ ಅಡಿಗೆ ಸೋಡಾ, 1 ಟೇಬಲ್ ಚಮಚ ಜೇನುತುಪ್ಪ, 1 ಟೇಬಲ್ ಚಮಚ ನಿಂಬೆ ರಸ

ಅಡಿಗೆ ಸೋಡಾ, ಜೇನುತುಪ್ಪ, ನಿಂಬೆ ರಸವನ್ನು ಮಿಶ್ರಣ ಮಾಡಿ ನಿಮ್ಮ ಮೂಗಿನ ಸುತ್ತಲೂ ಉಜ್ಜಿ. ನಂತರ ನಿಧಾನವಾಗಿ ಮಸಾಜ್ ಮಾಡಿ 10 ರಿಂದ 15 ನಿಮಿಷಗಳ ಕಾಲ ಹಾಗೆಯೇ ಬಿಡಿ. ನಂತರ ಬಿಸಿ ನೀರಿನಿಂದ ತೊಳೆದರೆ ಸಾಕು.

ಅಡಿಗೆ ಸೋಡಾ ಒಂದು ಎಕ್ಸ್‌ಫೋಲಿಯೆಂಟ್ ಆಗಿ ಕೆಲಸ ಮಾಡುತ್ತದೆ. ಸತ್ತ ಚರ್ಮದ ಕೋಶಗಳನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ.

ಜೇನುತುಪ್ಪವು ನೈಸರ್ಗಿಕ ಆಂಟಿ ಬ್ಯಾಕ್ಟೀರಿಯಲ್, ಉರಿಯೂತ ನಿವಾರಕ ಗುಣಗಳನ್ನು ಹೊಂದಿದೆ. ಇದು ಚರ್ಮವನ್ನು ತಾಜಾವಾಗಿಡಲು ಸಹಾಯ ಮಾಡುತ್ತದೆ. ಮೊಡವೆಗಳನ್ನು ಕಡಿಮೆ ಮಾಡುತ್ತದೆ.

ನಿಂಬೆ ರಸದಲ್ಲಿ ಸಿಟ್ರಿಕ್ ಆಮ್ಲವಿದೆ, ಇದು ಚರ್ಮದ ಮೇಲಿನ ಹೆಚ್ಚುವರಿ ಎಣ್ಣೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ವೈಟ್ ಹೆಡ್ಸ್‌ಗಳನ್ನು ಕಡಿಮೆ ಮಾಡುತ್ತದೆ.