ಸಾವಿನ ಕನಸುಗಳು

ಕನಸುಗಳು ಭೂತಕ್ಕೆ ಕನ್ನಡಿ ಹಿಡಿಯುತ್ತವೆ. ಭವಿಷ್ಯವನ್ನು ಸೂಚಿಸುತ್ತವೆ. ಕೆಲ ಕನಸುಗಳು ವ್ಯಕ್ತಿಗೆ ಸಾವಿನ ಮುನ್ಸೂಚನೆ ಸಹ ನೀಡುತ್ತವೆ.
 

ಅಂಥ ಕನಸುಗಳು ಬಿದ್ದಾಗ ವ್ಯಕ್ತಿಯು ಎಚ್ಚೆತ್ತುಕೊಂಡು ಜಾಗರೂಕ ಕ್ರಮಗಳನ್ನು ತೆಗೆದುಕೊಳ್ಳಬೇಕು. ಯಾವ ಕನಸುಗಳು ಸಾವಿನ ಮುನ್ಸೂಚನೆ ನೀಡುತ್ತವೆ ನೋಡೋಣ.

ವ್ಯಕ್ತಿಯು ತನ್ನ ಕನಸಿನಲ್ಲಿ ತನ್ನದೇ ತಲೆಯನ್ನು ಯಾರೋ ಶೇವ್ ಮಾಡುತ್ತಿರುವಂತೆ ನೋಡಿದರೆ ಕುಟುಂಬದ ಹಿರಿಯರ ಪ್ರಾಣಕ್ಕೆ ಸಂಚಕಾರವಿದೆ ಎಂದರ್ಥ.

ಕೆಂಪು ಸೀರೆಯ ಮಹಿಳೆಯು ಕಾಣಿಸಿಕೊಂಡು ಆಕೆ ಯಾರನ್ನಾದರೂ ಅಪ್ಪಿಕೊಂಡು ಅವರ ಮೇಲೆ ಒಣಹೂಗಳನ್ನು ಚೆಲ್ಲಿದರೆ, ಅದು ಬಹಳ ಅಶುಭ ಸೂಚನೆ.

ವ್ಯಕ್ತಿಯು ತಾನು ಕತ್ತೆಯ ಮೇಲೆ ಕುಳಿತು ಎಣ್ಣೆಯ ಕ್ಯಾನನ್ನು ಬೆನ್ನಿನ ಮೇಲೆ ಕಟ್ಟಿಕೊಂಡಂತೆ ಕಂಡರೆ ಅದನ್ನು ಹಗುರವಾಗಿ ಪರಿಗಣಿಸಬಾರದು. 

ಜ್ಯೋತಿಷ್ಯದಲ್ಲಿ ಕಾಗೆಗಳನ್ನು ಯಮನಿಗೆ ಹೋಲಿಸಲಾಗುತ್ತದೆ. ಯಾವುದೇ ವ್ಯಕ್ತಿಗೆ ಕಾಗೆಯು ಕನಸಿನಲ್ಲಿ ಪದೇ ಪದೇ ಕಾಣಿಸುತ್ತಿದ್ದರೆ, ಆತನಿಗೆ ಅಪಾಯ ಕಾದಿದೆ ಎಂದರ್ಥ. 

ಯಾರಿಗಾದರೂ ತಾವು ಕಪ್ಪು ಬಟ್ಟೆ ಹಾಕಿಕೊಂಡು ಮಟ ಮಟ ಬಿಸಿಲಲ್ಲಿ ಕಪ್ಪು ಕುದುರೆ ಓಡಿಸುವುದು ಕಂಡುಬಂದರೆ ಅವರು ಯಾವುದೋ ಅಪಾಯಕಾರಿ ಕಾಯಿಲೆಗೆ ಹತ್ತಿರದಲ್ಲಿದ್ದಾರೆ ಎಂದರ್ಥ.
 

ಪದೇ ಪದೆ ಕೆಟ್ಟ ಕನಸುಗಳು ಬೀಳುತ್ತಿದ್ದರೆ, ಕನಸಿನಲ್ಲಿ ದೆವ್ವ, ಅಪಘಾತ ಇತ್ಯಾದಿ ಪದೇ ಪದೇ ಘಟಿಸುತ್ತಿದ್ದರೆ ಅದು ಕೂಡಾ ರೆಡ್ ಸಿಗ್ನಲ್.
 

ಸ್ಮಶಾನ ಭೂಮಿಯಲ್ಲಿ ಸ್ವತಃ ಕುಳಿತು ಯಾರದೋ ಅಂತ್ಯಸಂಸ್ಕಾರ ನೋಡುವಂತೆ ಅಥವಾ ಸತ್ತವರ ಪಕ್ಕ ಕುಳಿತು ಹೆಂಡ ಕುಡಿಯುತ್ತಿರುವಂತೆ ಕಂಡರೆ  ಅದು ರೆಡ್ ಸಿಗ್ನಲ್.