ಉಡುಗೊರೆ

ಖ್ಯಾತ ನಟಿ ಸುಧಾ ಬೆಳವಾಡಿ ಜನ್ಮದಿನಕ್ಕೆ ಮಗಳು ಸಂಯುಕ್ತಾ ಹೊರನಾಡ್‌ ಮರೆಯಲಾರದ ಗಿಫ್ಟ್‌ ನೀಡಿದ್ದಾರೆ.
 

ನಟಿ ಭಾರ್ಗವಿ ಹಾಗೂ ಬೆಳವಾಡಿ ನಂಜುಂಡಯ್ಯ ನಾರಾಯಣನ್‌ ಅವರ ಪುತ್ರಿ ಸುಧಾ ಈಗಾಗಲೇ ಎಪ್ಪತ್ತಕ್ಕೂ ಅಧಿಕ ಸಿನಿಮಾಗಳು, ಧಾರಾವಾಹಿಗಳಲ್ಲಿ ನಟಿಸಿದ್ದಾರೆ. 
 

ಸುಧಾ ಬೆಳವಾಡಿ ಅವರು ಎಂಜಿ ಸತ್ಯ ರಾವ್‌ ಅವರನ್ನು ಮದುವೆಯಾಗಿದ್ದಾರೆ. ಈ ಜೋಡಿಗೆ ಶಂತನು, ಸಂಯುಕ್ತಾ ಎಂಬ ಮಕ್ಕಳಿದ್ದಾರೆ.   

ಸಂಯುಕ್ತಾ ಹೊರನಾಡ್‌ ಅವರು ಸಿನಿ ರಂಗದಲ್ಲಿ ತಾಯಿ ಜೊತೆಗೆ ಕೆಲಸ ಮಾಡಿದ ಗಣ್ಯರ ಕಾಂಟ್ಯಾಕ್ಟ್‌ ಮಾಡಿ ವಿಶೇಷ ವಿಡಿಯೋ ಮಾಡಿ ತಾಯಿಗೆ ಜನ್ಮದಿನದ ಶುಭಾಶಯ ತಿಳಿಸಿದ್ದಾರೆ. 
 

ಅಂದಹಾಗೆ‌ ಮಾಜಿ ಕ್ರಿಕೆಟಿಗ ಕಪಿಲ್‌ದೇವ್‌ ಅವರು ಸುಧಾ ಬೆಳವಾಡಿಗೆ ಶುಭಾಶಯ ತಿಳಿಸಿದ್ದಾರೆ. ಅಷ್ಟೇ ಅಲ್ಲದೆ ಈ ಸಂದರ್ಭದಲ್ಲಿ ದಕ್ಷಿಣ ಭಾರತದ ಕಾಫಿ, ಇಡ್ಲಿ, ದೋಸೆಯನ್ನು ಕೂಡ ನೆನಪು ಮಾಡಿಕೊಂಡಿದ್ದಾರೆ. 

ನಿರ್ದೇಶಕ ಆಶುತೋಷ್‌ ಗೋವಾರಿಕರ್‌, ನಿರ್ದೇಶಕ ಯೋಗರಾಜ್‌ ಭಟ್‌, ಗೋಲ್ಡನ್‌ಸ್ಟಾರ್‌ ಗಣೇಶ್‌, ತೇಜಸ್ವಿ ಸೂರ್ಯ, ಪ್ರಿಯಾ ಸುದೀಪ್‌, ಡಾರ್ಲಿಂಗ್‌ ಕೃಷ್ಣ, ಪ್ರಕಾಶ್‌ ರಾಜ್ ಶುಭಾಶಯ ತಿಳಿಸಿದ್ದಾರೆ. 
 

ನಟ ಕಿಚ್ಚ ಸುದೀಪ್‌ ಅವರು ಮಾತನಾಡಿ, "ಈ ವಿಡಿಯೋ ಮಾಡಲು ನಿಮ್ಮ ಮಗಳ ಪ್ರಯತ್ನವೇ ಕಾರಣ. ನೀವು ಯಾವಾಗಲೂ ಚೆಂದದ ನಗು ಇಟ್ಟುಕೊಂಡಿರ್ತೀರಿ. ಇದು ನಮಗೆ ಸ್ಫೂರ್ತಿ ಕೊಡುತ್ತದೆ" ಎಂದಿದ್ದಾರೆ.