ಚಾಣಕ್ಯ ನೀತಿ

ಆಚಾರ್ಯ ಚಾಣಕ್ಯರ ಸೂತ್ರಗಳು ಇಂದಿಗೂ ನಮಗೆ ಬಹಳ ಉಪಯುಕ್ತವಾಗಿವೆ. ಇವರ ಪ್ರಕಾರ ಅದೃಷ್ಟವಂತರಿಗೆ ಮಾತ್ರ ದೊರಕುವ ಕೆಲವು ಸುಖಗಳಾವುವೆಂದು ತಿಳಿದುಕೊಳ್ಳೋಣ.

ಏನೇ ಇದ್ದರೂ ಇಲ್ಲದಿದ್ದರೂ ಆರೋಗ್ಯ ಮಾತ್ರ ಖಂಡಿತ ಇರಬೇಕು. ಏಕೆಂದರೆ ಆರೋಗ್ಯವಿಲ್ಲದಿದ್ದರೆ ನೀವು ಏನೂ ಮಾಡಲಾಗುವುದಿಲ್ಲ. ಏನನ್ನೂ ಸಾಧಿಸಲಾಗುವುದಿಲ್ಲ. ಆದರೆ ಈ ಆರೋಗ್ಯ ಎಲ್ಲರಿಗೂ ಇರುವುದಿಲ್ಲ,

ಆರೋಗ್ಯದ ನಂತರ ಪ್ರತಿಯೊಬ್ಬರಿಗೂ ಸಾಕಷ್ಟು ಸಂಪತ್ತು ಅಗತ್ಯ. ಸಂಪತ್ತು ಇದ್ದರೆ ಮಾತ್ರ ನಮ್ಮ ಅವಶ್ಯಕತೆಗಳನ್ನು ಪೂರೈಸಿಕೊಳ್ಳಬಹುದು. ಆದರೆ ಈ ಸಂಪತ್ತು ಎಲ್ಲರ ಬಳಿ ಇರುವುದಿಲ್ಲ.

ನಿಜವಾಗಿಯೂ ಗಂಡನನ್ನು ಪ್ರೀತಿಸುವ ಪತ್ನಿ ಸಿಗುವುದು ಬಹಳ ಅದೃಷ್ಟ. ಗಂಡನನ್ನು ಪ್ರೀತಿಸುವವರು, ಮಾತು ಕೇಳುವವರು ಬಹಳ ಕಡಿಮೆ ಜನ ಇರುತ್ತಾರೆ. ಇಂತಹ ಪತ್ನಿ ಸಿಕ್ಕ ಗಂಡಂದಿರು ಬಹಳ ಅದೃಷ್ಟವಂತರು.

ಈ ಕಾಲದ ಮಕ್ಕಳಿಗೆ ತಾಳ್ಮೆಯೇ ಇಲ್ಲ. ಆದರೆ ಈ ಪೀಳಿಗೆಯಲ್ಲೂ ನಿಮ್ಮ ಮಕ್ಕಳು ವಿಧೇಯರಾಗಿದ್ದು, ತಂದೆ-ತಾಯಿಯನ್ನು ಗೌರವಿಸಿದರೆ ನೀವು ಬಹಳ ಅದೃಷ್ಟವಂತರು ಇಂತಹ ಮಕ್ಕಳಿರುವುದು ಇಂದು ಬಹಳ ಅಪರೂಪ.

ಮೇಲೆ ಹೇಳಿದವುಗಳ ಜೊತೆಗೆ ನಿಮ್ಮ ಮನೆಯಲ್ಲಿ, ಸಮಾಜದಲ್ಲಿ, ದೇಶದಲ್ಲಿ ನಿಮಗೊಂದು ಗೌರವ, ಗುರುತಿಸುವಿಕೆ ಇದ್ದರೆ ನೀವು ಬಹಳ ಅದೃಷ್ಟವಂತರು.