ಕೋರೊನಾ ತಪ್ಪು ಮಾಹಿತಿ: ಲಕ್ಷಾಂತರ ವಿಡಿಯೋ ಡಿಲಿಟ್ ಮಾಡಿದ ಯುಟ್ಯೂಬ್

ಕೋರೊನಾ ವೈರಸ್‌ ಬಗ್ಗೆ ತಪ್ಪು ಮಾಹಿತಿಯನ್ನು ಒಳಗೊಂಡಿದ್ದ ಲಕ್ಷಾಂತರ ವಿಡಿಯೋಗಳನ್ನು ಯುಟ್ಯೂಬ್ ಡಿಲಿಟ್ ಮಾಡಿದೆ. ಸೋಂಕು ನಿಯಂತ್ರಣಕ್ಕೆ ಸಂಬಂಧಿಸಿದಂತೆ ಲಕ್ಷಾಂತರ ನಕಲಿ ವಿಡಿಯೋಗಳಿದ್ದವು. ಈ ಬಗ್ಗೆ ತೀವ್ರ ಆಕ್ಷೇಪ ವ್ಯಕ್ತವಾದ ಹಿನ್ನೆಲೆಯಲ್ಲಿ ಯುಟ್ಯೂಬ್ ಈ ಕ್ರಮ ಕೈಗೊಂಡಿದೆ. 

ಕಳೆದ ವರ್ಷ ಕೋವಿಡ್ -19 ಸಾಂಕ್ರಾಮಿಕ ರೋಗವು ಆರಂಭವಾದಾಗಿನಿಂದ "ಕೋರೊನಾ ವೈರಸ್ ಬಗ್ಗೆ ಅಪಾಯಕಾರಿ ಮಾಹಿತಿ" ಹೊಂದಿರುವ ಒಂದು ಮಿಲಿಯನ್ ವೀಡಿಯೊಗಳನ್ನು ಅಳಿಸಿರುವುದಾಗಿ ಗೂಗಲ್ ಒಡೆತನದ ವೀಡಿಯೊ ಸ್ಟ್ರೀಮಿಂಗ್ ವೆಬ್ಸೈಟ್ ಯೂಟ್ಯೂಬ್ ಹೇಳಿದೆ. 

ಕೋರೊನಾ ವೈರಸ್ ಬಗ್ಗೆ ತಪ್ಪು ಮಾಹಿತಿ ಮತ್ತು ವಂಚನೆ ಮಾಡುವುದನ್ತನು ತಡೆಯಲು ಸಾಮಾಜಿಕ ಮಾಧ್ಯಮಗಳು ಮತ್ತು ಆನ್ಲೈನ್ ವೇದಿಕೆಗಳು ವಿಫಲವಾಗುತ್ತಿವೆ ಎಂದು ರಾಜಕೀಯ ನಾಯಕರು ಟೀಕಿಸುತ್ತಿರುವ ಬೆನ್ನಲ್ಲೇ ಯುಟ್ಯೂಬ್ನಿಂದ ಈ ಹೇಳಿಕೆ ಹೊರ ಬಿದ್ದಿದೆ. 

ಈ  ಬಗ್ಗೆ ತನ್ನ ಬ್ಲಾಗ್ನಲ್ಲಿ ಮಾ ಹಿತಿ ನೀಡಿರುವ ಯುಟ್ಯೂಬ್,  ಕೋರೋನಾ ವೈರಸ್ಗೆ ಸಂಂಬಧಿಸಿದಂತೆ ಕಂಪನಿಯು ಯುಎಸ್ ಸೆಂಟರ್ಸ್ ಫಾರ್ ಡಿಸೀಸ್ ಕಂಟ್ರೋಲ್ ಅಂಡ್ ಪ್ರಿವೆನ್ಷನ್ ಮತ್ತು ವಿಶ್ವ ಆರೋಗ್ಯ ಸಂಸ್ಥೆಯಂತಹ ಆರೋಗ್ಯ ಸಂಸ್ಥೆಗಳ ತಜ್ಞರ ಒಮ್ಮತವನ್ನು ಅನುಮೋದಿಸುತ್ತದೆ ಎಂದು ಹೇಳಿಕೊಂಡಿದೆ. ಆದಾಗ್ಯೂ, ಕೆಲವು ಸಂದರ್ಭಗಳಲ್ಲಿ, "ತಪ್ಪು ಮಾಹಿತಿ" ಸ್ಪಷ್ಟವಾಗಿರುವುದಿಲ್ಲ. ಏಕೆಂದರೆ, ಅವುಗಳ ಬಗ್ಗೆ ನಂತರ ತಿಳಿದು ಬರುವ ಸಂಗತಿಗಳಿಂದ ಗೊತ್ತಾಗುತ್ತದೆ. 

ತನ್ನ ಬ್ಲಾಗ್ ಪೋಸ್ಟ್‌ನಲ್ಲಿ ಈ ಬಗ್ಗೆ ಇನ್ನೂ ಹೆಚ್ಚಿನ ಮಾಹಿತಿಯನ್ನು ನೀಡಿರುವ ಯುಟ್ಯೂಬ್‌ನ ಮುಖ್ಯ ಉತ್ಪನ್ನ ಅಧಿಕಾರಿ ನೀಲ್ ಮೋಹನ್, "ನಮ್ಮ ಮಾನದಂಡಗಳ ಕೇಂದ್ರವು ನೇರವಾಗಿ ನೈಜ-ಪ್ರಪಂಚದ ಹಾನಿಗೆ ನೇರವಾಗಿ ಕಾರಣವಾಗುವ ಯಾವುದೇ ವಿಷಯವನ್ನು ತೆಗೆದುಹಾಕುವ ಕ್ರಮವನ್ನು ಅನುಸರಿಸುತ್ತದೆ" ಎಂದು ಹೇಳಿಕೊಂಡಿದ್ದಾರೆ.

ಫೆಬ್ರವರಿ 2020 ರಿಂದ, ಕಂಪನಿಯು ಒಂದು ಮಿಲಿಯನ್ ವೀಡಿಯೊಗಳನ್ನು ಡಿಲಿಟ್ ಮಾಡಿದೆ.  ಅಳಿಸಿ ಹಾಕಲಾದ ವಿಡಿಯೋಗಳಲ್ಲಿ ನಕಲಿ ಚಿಕಿತ್ಸೆಗಳು ಅಥವಾ ನಕಲಿ ಹಕ್ಕುಗಳಂತಹ ಅಪಾಯಕಾರಿ ಕೊರೋನಾ ವೈರಸ್ ವಸ್ತುಗಳ ಮಾಹಿತಿಯನ್ನು ಒಳಗೊಂಡ ವಿಡಿಯೋಗಳಿವೆ. ನಕಲಿ ವಿಡಿಯೋಗಳನ್ನು ತ್ವರಿತವಾಗಿ ತೆಗೆದು ಹಾಕುವುದು ಯಾವಾಗಲೂ ಅಗತ್ಯವಾಗಿರುತ್ತದೆ ಮತ್ತು ಅವು ಬಹುತೇಕ ಸಮರ್ಪಕವಾಗಿಲ್ಲ ಎಂದು ಅವರಿಗೆ ತಿಳಿದಿದೆ ಎಂದು ಅವರು ಹೇಳಿದರು. ಆದಾಗ್ಯೂ, ನಾವು ಮಾಡಬಹುದಾದ ಪ್ರಮುಖ ವಿಷಯವೆಂದರೆ ಧನಾತ್ಮಕತೆಯನ್ನು ಹೆಚ್ಚಿಸುವುದು ಮತ್ತು ಋಣಾತ್ಮಕತೆಯನ್ನು ಕಡಿಮೆ ಮಾಡುವುದು.

ಯೂಟ್ಯೂಬ್ ಕೂಡ ತಪ್ಪಾದ ಮಾಹಿತಿಯನ್ನು ಒಳಗೊಂಡಿರುವ ವೀಡಿಯೊಗಳನ್ನು ಅಳಿಸಿ ಹಾಕುವ ಪ್ರಕ್ರಿಯೆಯನ್ನು ಹೆಚ್ಚಿಸಲು ಶ್ರಮಿಸುತ್ತಿದೆ ಮತ್ತು ಅದೇ ಸಮಯದಲ್ಲಿ ವಿಶ್ವಾಸಾರ್ಹ ಮೂಲಗಳಿಂದ ಮಾಹಿತಿಯನ್ನು ಒದಗಿಸುಲು ಶ್ರಮಿಸುತ್ತಿದೆ ಎಂದು ಹೇಳಿಕೊಂಡಿದೆ.

ಸೆ.3ಕ್ಕೆ ರೆಡ್‌ಮಿ 10 ಪ್ರೈಮ್ ಸ್ಮಾರ್ಟ್‌ಫೋನ್ ಲಾಂಚ್ ಫಿಕ್ಸ್
​​​​​
ಬ್ಲಾಗ್ ಪೋಸ್ಟ್ ಪ್ರಕಾರ, ಯೂಟ್ಯೂಬ್ ಪ್ರತಿ ತ್ರೈಮಾಸಿಕದಲ್ಲಿ 10 ದಶಲಕ್ಷಕ್ಕೂ ಹೆಚ್ಚು ವೀಡಿಯೊಗಳನ್ನು ತೆಗೆದುಹಾಕುತ್ತದೆ, ಅವುಗಳಲ್ಲಿ ಬಹುಭಾಗವನ್ನು ತೆಗೆದುಹಾಕುವ ಮೊದಲು ಹತ್ತು ಬಾರಿಗಿಂತಲೂ ಕಡಿಮೆ ನೋಡಲಾಗುತ್ತದೆ ಮತ್ತು ಪರೀಕ್ಷಿಸಲಾಗುತ್ತದೆ.

ಸಾಮಾಜಿಕ ಜಾಲತಾಣಗಳಲ್ಲಿ ನಕಲಿ ಸುದ್ದಿಗಳು, ತಪ್ಪಾದ ಮಾಹಿತಿಯನ್ನು ಹಂಚಿಕೊಳ್ಳುವುದು, ಷೇರ್ ಮಾಡುವುದು ನಡೆದೇ ಇರುತ್ತದೆ.ಎಷ್ಟೋ ಬಾರಿ ಇಂಥ ತಪ್ಪು ಮಾಹಿತಿಯನ್ನು ಸರಿಯಾದ ಮಾಹಿತಿ ಎಂದು ಬಳಕೆದಾರರು ನಂಬುವ ಸಾಧ್ಯತೆ ಇರುತ್ತದೆ. ಹಾಗಾಗಿ, ವೇದಿಕೆಗಳು ತಪ್ಪು ಮಾಹಿತಿಯನ್ನು ಅಳಿಸಿ ಹಾಕುವ ಕೆಲಸವನ್ನು ಮಾಡಬೇಕಾಗುತ್ತದೆ. 

ಯುಟ್ಯೂಬ್‌ ಮಾತ್ರವಲ್ಲದೇ ಇತರ ಸಾಮಾಜಿಕ ಜಾಲತಾಣಗಳಾದ ಫೇಸ್‌ಬುಕ್, ವಾಟ್ಸಾಪ್, ಟ್ವಿಟರ್‌ನಂಥ ವೇದಿಕೆಗಳಲ್ಲೂ ಈ ರೀತಿಯ ನಕಲಿ ಸುದ್ದಿಗಳು, ತಪ್ಪು ಮಾಹಿತಿಗಳು ಹರಿದಾಡುತ್ತವೆ.  ಈ ವೇದಿಕೆಗಳು ಆಗಾಗ, ಇಂಥ ತಪ್ಪು ಮತ್ತು ನಕಲಿ ಸುದ್ದಿಯನ್ನು ತೆಗೆದು ಹಾಕುವ ಕ್ರಮವನ್ನು ಅನುರಿಸುತ್ತಿವೆ.

ಧನಾತ್ಮಕವಾಗಿ ಬಳಸಿಕೊಂಡು ಹಲವು ಸಾಧ್ಯತೆಗಳನ್ನು ತೆರೆದಿಡುವ ಈ ಸೋಷಿಯಲ್ ಮೀಡಿಯಾಗಳು, ವಿಡಿಯೋ ತಾಣಗಳು ಬಹಳಷ್ಟು ಉಪಯೋಗಕಾರಿಯಾಗಿವೆ. ಆದರೆ, ಸ್ವಾರ್ಥ  ಸಾಧನೆಗಾಗಿ ತಪ್ಪು ಮಾಹಿತಿಯನ್ನು ಪಸರಿಸಲು ಈ ಸಾಮಾಜಿಕ ಜಾಲತಾಣಗಳನ್ನು ಬಳಸಿಕೊಳ್ಳುತ್ತಿರುವುದಿರಂದ ಅನೇಕ ದುಷ್ಪರಿಣಾಮಗಳಿಗೆ ಕಾರಣವಾಗುತ್ತಿದೆ.