ಅಪ್ರಾಪ್ತೆ ಈಜುಪಟು ಮೇಲೆ ಅತ್ಯಾಚಾರವೆಸಗಿದೆ ಆರೋಪದಡಿ ಸ್ವಿಮ್ಮಿಂಗ್ ಕೋಚ್ ಬಂಧನವಾಗಿದೆ. ರಾಷ್ಟ್ರೀಯ ಸ್ವಿಮ್ಮರ್ ಮೇಲಿನ ಅತ್ಯಾಚಾರ ಪ್ರಕರಣ ಗಂಭೀರ ಸ್ವರೂಪ ಪಡೆದುಕೊಂಡಿದ್ದು, ಕೇಂದ್ರ ಕ್ರೀಡಾ ಸಚಿವ ಕಿರಣ್ ರಿಜಿಜು, ತನಿಖೆ ಮೇಲೆ ಸಂಪೂರ್ಣ ನಿಗಾವಹಿಸಿದ್ದಾರೆ.
ಗೋವಾ(ಸೆ.05): ರಾಷ್ಟ್ರೀಯ ಈಜುಪಟು ಮೇಲೆ ಅತ್ಯಾಚಾರ ಮಾಡಿದ ಆರೋಪದಡಿ ಗೋವಾ ರಾಜ್ಯ ಸ್ವಿಮ್ಮಿಂಗ್ ಕೋಚ್ ಸುರಜಿತ್ ಗಂಗೂಲಿಯನ್ನು ಬಂಧಿಸಲಾಗಿದೆ. ಹೆಚ್ಚಿನ ಅವಕಾಶ ಕೊಡಿಸುವ ನಿಟ್ಟಿನಲ್ಲಿ ಅಪ್ರಾಪ್ತ ಈಜುಪಟು ಮೇಲೆ ಅತ್ಯಾಚಾರಾ ಹಾಗೂ ದೈಹಿಕ ಹಿಂಸೆ ನೀಡಲಾಗಿದೆ. ಈ ಕುರಿತು ವಿಡಿಯೋ ಆಧರಿಸಿ ಗೋವಾ ಪೊಲೀಸರು ಕೋಚ್ ಸುರಜಿತ್‌ನನ್ನು ಬಂಧಿಸಿದ್ದಾರೆ.
ಇದನ್ನೂ ಓದಿ: ರಾಷ್ಟ್ರೀಯ ಈಜು: ಕರ್ನಾಟಕ ಚಾಂಪಿಯನ್‌
undefined
ಸುರಜಿತ್ ವಿರುದ್ಧ ಅತ್ಯಾಚಾರ ಆರೋಪ ಕೇಳಿ ಬಂದ ಬೆನ್ನಲ್ಲೇ ಗೋವಾ ಸ್ವಿಮ್ಮಿಂಗ್ ಫೆಡರೇಶನ್‌ ಮುಖ್ಯಸ್ಥ ಸ್ಥಾನದಿಂದ ವಜಾ ಮಾಡಲಾಯಿತು. ಸುರಜಿತ್ ವಿರುದ್ಧ 461, 354 ಹಾಗೂ 506(ii) ಹಾಗೂ ಗೋವಾ ಚಿಲ್ಡ್ರನ್ ಆ್ಯಕ್ಟ್ ಸೆಕ್ಷನ್ 6 ಮತ್ತು 8ರ ಪೋಸ್ಕೋ ಕಾಯ್ದೆ ಅಡಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ.
I've taken a strong view of the incident. The Goa Swimming Association has terminated the contract of coach Surajit Ganguly. I'm asking the Swimming Federation of India to ensure that this coach is not employed anywhere in India. This applies to all Federations & disciplines. https://t.co/q6H1ixZVsi
— Kiren Rijiju (@KirenRijiju)ಇದನ್ನೂ ಓದಿ: ಏಷ್ಯನ್ ಸ್ವಿಮ್ಮಿಂಗ್ ಚಾಂಪಿಯನ್‌ಶಿಪ್; ಬೆಂಗಳೂರಲ್ಲಿ ಲೋಗೋ ಅನಾವರಣ!
ಅಪ್ರಾಪ್ತ ಈಜುಪಟು ಮೇಲೆ ಕೋಲ್ಕತಾದಲ್ಲಿ ಅತ್ಯಾಚಾರ ಮಾಡಿ ವಿಡಿಯೋ ಮಾಡಲಾಗಿದೆ ಎಂದು ಪೊಲೀಸರು ತನಿಖೆಯಿಂದ ಬಹಿರಂಗ ಪಡಿಸಿದ್ದಾರೆ. ಹೀಗಾಗಿ ಕೋಲ್ಕತಾ ಪೊಲೀಸರು ಕೂಡ ವಿಚಾರಣೆ ಆರಂಭಿಸಿದ್ದಾರೆ. ಈ ಕುರಿತು ಕೇಂದ್ರ ಕ್ರೀಡಾ ಸಚಿವ ಕಿರಣ್ ರಿಜಿಜು, ಶೀಘ್ರದಲ್ಲೇ ತನಿಖೆ ಪೂರ್ಣಗೊಳಿಸಿ ಕಠಿಣ ಶಿಕ್ಷೆ ನೀಡಲು ಸೂಚಿಸಿದ್ದಾರೆ. ಇಷ್ಟೇ ಅಲ್ಲ ಗೋವಾ ಸ್ವಿಮ್ಮಿಂಗ್ ಫೆಡರೇಶೆನ್‌ನಿಂದ ವಜಾಗೊಂಡಿರುವ ಕೋಚ್ ಸುರಜಿತ್ ಬೇರೆ ಯಾವುದೇ ಈಜು ಸಂಸ್ಛೆಗಳಲ್ಲಿ ನೇಮಕ ಮಾಡದಂತೆ ಕಟ್ಟು ನಿಟ್ಟಾಗಿ ಸೂಚಿಸಿದ್ದಾರೆ.