ಬೆಳ್ತಂಗಡಿಯಲ್ಲಿ ನೀರು ನಾಯಿಗಳ ಗುಂಪು ಪ್ರತ್ಯಕ್ಷ!

ಗರ್ಡಾಡಿ ಪ್ರದೇಶದಲ್ಲಿ ನೀರು ನಾಯಿಗಳ ಗುಂಪು ಪ್ರತ್ಯಕ್ಷ ಗರ್ಡಾಡಿ ಸಮೀದ ಕುಬಳಬೆಟ್ಟುಗುತ್ತು ಎಂಬಲ್ಲಿನ ತೋಡಿನಲ್ಲಿ ಪತ್ತೆ  25ಕ್ಕೂ ಹೆಚ್ಚು ನೀರು ನಾಯಿಗಳು ಹರಿದಾಡಿಕೊಂಡು ಬಂದಿರುವ ವಿಡಿಯೋ ವೈರಲ್‌

 ಬೆಳ್ತಂಗಡಿ (ಮೇ.17): ತಾಲೂಕಿನ ಗರ್ಡಾಡಿ ಪ್ರದೇಶದಲ್ಲಿ ನೀರು ನಾಯಿಗಳ ಗುಂಪು ಶನಿವಾರ ಸಂಜೆ ಕಂಡು ಬಂದಿದ್ದು ಸ್ಥಳಿಯರಲ್ಲಿ ಆತಂಕ ಮೂಡಿಸಿದೆ. ಗರ್ಡಾಡಿ ಸಮೀದ ಕುಬಳಬೆಟ್ಟುಗುತ್ತು ಎಂಬಲ್ಲಿನ ತೋಡಿನಲ್ಲಿ ಸುಮಾರು 25ಕ್ಕೂ ಹೆಚ್ಚು ನೀರು ನಾಯಿಗಳು ಹರಿದಾಡಿಕೊಂಡು ಬಂದಿರುವ ವಿಡಿಯೋ ವೈರಲ್‌ ಆಗಿದೆ.

"

ಒಟರ್‌ ಎಂದು ಕರೆಯಲಾಗುತ್ತಿರುವ ಈ ಪ್ರಾಣಿಗಳು ಮಾಂಸಾಹಾರಿಗಳಾಗಿದ್ದು ಮೀನು, ಏಡಿ ಇತ್ಯಾದಿಗಳನ್ನು ಹಿಡಿದು ತಿನ್ನುತ್ತವೆ. ಡಾರ್ಬಮನ್‌ ನಾಯಿಯಂತೆ ಕಾಣುವ ಇವುಗಳು ನಾಯಿಮರಿಗಳನ್ನು ಕ್ಷಣಾರ್ಧದಲ್ಲಿ ಹಿಡಿದು ತಿನ್ನಬಲ್ಲುದು. ಎಳೆಯ ಮಕ್ಕಳು ಈ ಪ್ರಾಣಿಗಳ ಸನಿಹ ಹೋದರೆ ಅಪಾಯಕಾರಿ ಎಂದು ಹೇಳಲಾಗುತ್ತಿದೆ.

ಗುತ್ತು ಮನೆಯ ಸಂಪತ್‌ ಕುಮಾರ್‌ ಎಂಬವರ ಮನೆ ಸಮೀ​ಪದ ತೋಡಿ​ನಲ್ಲಿ ಶನಿವಾರ ಸಂಜೆ ಇವು ಕಂಡು ಬಂದಿದ್ದು, ಭಾನುವಾರ ವನ್ಯಜೀವಿ, ಅರಣ್ಯ ಇಲಾಖಾ ಸಿಬ್ಬಂದಿಗಳು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಕಳೆದ ವರ್ಷ ಬಂದ ಪ್ರವಾಹದಲ್ಲಿ ಇವುಗಳು ಕಾಡಿನಿಂದ ಬಂದಿರಬಹುದು ಎಂದು ಹೇಳಲಾಗುತ್ತಿದೆ.