ಅತೀಕ್ ಅಹ್ಮದ್ ಹತ್ಯೆ ಮಾಡಿದವರು ಸಹ ಕುಟುಂಬಗಳು ಮತ್ತು ಪ್ರೀತಿಪಾತ್ರರನ್ನು ಹೊಂದಿರುವ ಮನುಷ್ಯರು ಎಂಬುದನ್ನು ಮುಸ್ಲಿಂ ಸಮುದಾಯ ನೆನಪಿಸಿಕೊಳ್ಳಬೇಕು. ಅವರಲ್ಲಿ ಹಲವರು ಮುಸ್ಲಿಮರೂ ಆಗಿರಬಹುದು. ಅಸಂಖ್ಯಾತ ಜನರಿಗೆ ಅಪಾರ ನೋವು, ಸಂಕಟವನ್ನು ಉಂಟುಮಾಡಿದ ವ್ಯಕ್ತಿಯ ನಷ್ಟಕ್ಕೆ ದುಃಖಿಸುವ ಮೂಲಕ, ನಾವು ಮೂಲಭೂತವಾಗಿ, ಅವನ ಬಲಿಪಶುಗಳ ದುಃಸ್ಥಿತಿಯನ್ನು ನಿರ್ಲಕ್ಷಿಸುತ್ತಿದ್ದೇವೆ.
ದೆಹಲಿ (ಏಪ್ರಿಲ್ 18, 2023): ಗ್ಯಾಂಗ್ಸ್ಟರ್-ರಾಜಕಾರಣಿ ಅತೀಕ್ ಅಹ್ಮದ್ ಮತ್ತು ಸಹೋದರ ಅಶ್ರಫ್ ಅಹ್ಮದ್ ಅವರನ್ನು ಉತ್ತರ ಪ್ರದೇಶದ ಪ್ರಯಾಗರಾಜ್‌ನಲ್ಲಿ ವೈದ್ಯಕೀಯ ತಪಾಸಣೆಗಾಗಿ ಪೊಲೀಸರು ಕರೆದೊಯ್ಯುತ್ತಿದ್ದಾಗ ದುಷ್ಕರ್ಮಿಗಳು ಏಪ್ರಿಲ್ 16 ರಂದು ಗುಂಡಿಕ್ಕಿ ಕೊಂದರು. ಅತೀಕ್ ಅಹ್ಮದ್ 2005ರ ಬಿಎಸ್‌ಪಿ ಶಾಸಕ ರಾಜು ಪಾಲ್ ಕೊಲೆ ಪ್ರಕರಣದಲ್ಲಿ ಮತ್ತು ಈ ವರ್ಷದ ಫೆಬ್ರವರಿಯಲ್ಲಿ ನಡೆದ ಉಮೇಶ್ ಪಾಲ್ ಕೊಲೆ ಪ್ರಕರಣದಲ್ಲಿ ಆರೋಪಿಯಾಗಿದ್ದರು.
ಮಾಧ್ಯಮಗಳು ಲೈವ್‌ ವರದಿ ಮಾಡುತ್ತಿದ್ದಾಗಲೇ ಈ ಶೂಟೌಟ್‌ ಆಗಿದ್ದು, ಈ ಘಟನೆ ನಂತರ ಉತ್ತರ ಪ್ರದೇಶದ ಮುಸಲ್ಮಾನರಲ್ಲಿ ಆಕ್ರೋಶ ಹೆಚ್ಚಾಗುತ್ತಿದೆ ಎಂದು ಹೇಳಲಾಗುತ್ತಿದೆ. ಅನೇಕ ಜನರು ವಿಶೇಷವಾಗಿ ಸಾಮಾಜಿಕ ಮಾಧ್ಯಮದಲ್ಲಿ ಈ ಘಟನೆಯನ್ನು ಕಾನೂನುಬಾಹಿರ ಕೊಲೆ ಎಂದಿದ್ದು, ಇದು ಕಾನೂನಿನ ಅನುಪಸ್ಥಿತಿಯ ಉದಾಹರಣೆ ಎಂದೂ ಕರೆಯುತ್ತಾರೆ. ಆದರೆ, ಅತೀಕ್ ಅಹ್ಮದ್ ಅವರ ಸಾವನ್ನು ಧಾರ್ಮಿಕ ಗುರುತಿನಿಂದ ನೋಡುವ ಬದಲು ವಸ್ತುನಿಷ್ಠವಾಗಿ ನೋಡುವುದು ಅತ್ಯಗತ್ಯ.
ಇದನ್ನು ಓದಿ: ಯುಪಿಯಲ್ಲಿ ಗುಂಡಿನ ದಾಳಿಗೆ ಯುವತಿ ಬಲಿ: ಅತೀಕ್ ಹತ್ಯೆಯಂತೆ ಈ ಸಾವನ್ನೂ ಸಂಭ್ರಮಿಸುತ್ತೀರಾ ಎಂದು ಟೀಕೆ
ಅತೀಕ್ ಅಹ್ಮದ್ ಜೀವನವು ನಾಟಕೀಯ ತಿರುವುಗಳ ಕಥೆಯಾಗಿದೆ. 17ನೇ ವಯಸ್ಸಿನಲ್ಲಿ, ಕೊಲೆಯ ಆರೋಪ ಹೊರಿಸಲಾಯಿತು. ಸುಲಿಗೆ, ಅಪಹರಣ, ಕೊಲೆ ಸೇರಿದಂತೆ 100ಕ್ಕೂ ಹೆಚ್ಚು ಪ್ರಕರಣಗಳಲ್ಲಿ ಸಿಲುಕಿಕೊಂಡಿದ್ದರು. ಅಲ್ಲದೆ, ಮಾಫಿಯಾ ಸಂಪರ್ಕ ಹಾಗೂ ಹಣ ಬಲದಿಂದ ಸಂಸತ್ತಿನ ಸದಸ್ಯರಾದರು. ಅಲಹಾಬಾದ್ ಪಶ್ಚಿಮ ಕ್ಷೇತ್ರವನ್ನು ಸತತ 5 ಬಾರಿ ಪ್ರತಿನಿಧಿಸಿದ್ದರು. 14ನೇ ಲೋಕಸಭೆಗೂ ಆಯ್ಕೆಯಾಗಿದ್ದರು. ನಂತರ, 2004ರ ಉಪಚುನಾವಣೆಯಲ್ಲಿ ಎಲ್ಲಾ ನಿರೀಕ್ಷೆಗಳ ವಿರುದ್ಧ ಅತೀಕ್ ಸಹೋದರ ಖಾಲಿದ್ ಅಜೀಮ್ ಅಲಿಯಾಸ್ ಅಶ್ರಫ್ ರನ್ನು ಬಿಎಸ್‌ಪಿಯ ರಾಜು ಪಾಲ್ ಸೋಲಿಸಿದರು.
ಆದರೆ, ಕೆಲವೇ ತಿಂಗಳುಗಳಲ್ಲಿ ರಾಜು ಪಾಲ್‌ನನ್ನು ಕೊಲ್ಲಲಾಯಿತು. ಜನವರಿ 25, 2005 ರಂದು ಈ ಕೊಲೆ ನಡೆದಿದ್ದು, ಪತ್ನಿ ಪೂಜಾ ಪಾಲ್ ನೀಡಿದ ದೂರಿನ ಆಧಾರದ ಮೇಲೆ ಪೊಲೀಸರು ಅತೀಕ್ ಮತ್ತು ಇತರರ ಮೇಲೆ ಎಫ್‌ಐಆರ್‌ ದಾಖಲಿಸಲಾಗಿದೆ. ರಾಜು ಪಾಲ್ ಕೊಲೆ ಬಳಿಕ ಮತ್ತೊಂದು ಉಪಚುನಾವಣೆ ನಡೆದಿದ್ದು ಆ ವೇಳೆ ಅಶ್ರಫ್ ಅಲಹಾಬಾದ್ ಪಶ್ಚಿಮ ಕ್ಷೇತ್ರವನ್ನು ಗೆದ್ದಿದ್ದು ರಾಜು ಪಾಲ್ ಪತ್ನಿ ಪೂಜಾ ಪಾಲ್ ಸೋತಿದ್ದರು.
ಇದನ್ನೂ ಓದಿ: ದೊಡ್ಡ ಡಾನ್‌ ಆಗಲು ದೊಡ್ಡ ತಲೆಯನ್ನೇ ತೆಗೆಯಬೇಕೆಂದು ಯುಪಿ ಗ್ಯಾಂಗ್ಸ್ಟರ್ ಅತೀಕ್ ಅಹ್ಮದ್ ಹತ್ಯೆ!
ಧರ್ಮ ದೃಷ್ಟಿಯಿಂದ ನೋಡ್ಬೇಡಿ!
ಇನ್ನು, ಅತೀಕ್ ಅಹ್ಮದ್ ಗ್ಯಾಂಗ್ಸ್ಟರ್ ಆಗೋದನ್ನು ಆಯ್ಕೆ ಮಾಡಿಕೊಂಡರೇ ಹೊರತು ಮುಸ್ಲಿಮರಾಗಿ ಹುಟ್ಟಿದ್ದು ಆಕಸ್ಮಿಕವಾಗಿ. ಭಾರತೀಯ ಸಂವಿಧಾನ ಧರ್ಮ, ಜಾತಿ ಅಥವಾ ಲಿಂಗವನ್ನು ಲೆಕ್ಕಿಸದೆ ಎಲ್ಲರನ್ನೂ ಸಮಾನವಾಗಿ ಕಾಣುವ ಹಕ್ಕನ್ನು ಖಾತರಿಪಡಿಸುತ್ತದೆ. ಕೆಲವು ಸಮುದಾಯಗಳು ಅಂಚಿನಲ್ಲಿಡಲು ಭಯಪಡಬಹುದು ಎಂಬುದು ನಿಜವಾಗಿದ್ದರೂ, ಕಾನೂನು ಸಿದ್ಧಾಂತದಲ್ಲಿ ಪಕ್ಷಪಾತವಿಲ್ಲದೆ ಉಳಿದಿದೆ ಎಂಬುದನ್ನು ನೆನಪಿಟ್ಟುಕೊಳ್ಳುವುದು ಬಹಳ ಮುಖ್ಯ.
ಅತೀಕ್ ಅಹ್ಮದ್ ಕುಖ್ಯಾತ ಕ್ರಿಮಿನಲ್ ಆಗಿದ್ದು, ಆತನ ಹತ್ಯೆಯನ್ನು ಒಬ್ಬ ಮುಸಲ್ಮಾನನನ್ನು ಗುರಿಯಾಗಿಸುವ ಬದಲು ಗ್ಯಾಂಗ್‌ಸ್ಟರ್‌ಗೆ ಸಂಬಂಧಿಸಿದ ಘಟನೆಯಾಗಿ ನೋಡಬೇಕು. 2021ರಲ್ಲಿ, ಗ್ಯಾಂಗ್ಸ್ಟರ್ ವಿಕಾಸ್ ದುಬೆಯನ್ನು ಯುಪಿ ಎಸ್‌ಟಿಎಫ್ ಕೊಂದ ಸಮಯದಲ್ಲಿ ಯಾರೂ ಅವನ ಧರ್ಮವನ್ನು ನೋಡಲಿಲ್ಲ. ಇನ್ನು, ಯುಪಿ ಸರ್ಕಾರವು ಕಾನೂನಿನ ಆಳ್ವಿಕೆಯನ್ನು ಸ್ಥಾಪಿಸಲು ಮಾಫಿಯಾ ವಿರುದ್ಧ ಸಂಪೂರ್ಣ ಅಭಿಯಾನ ನಡೆಸುತ್ತಿದೆ ಮತ್ತು ಯುಪಿ ಪೊಲೀಸರು ಆಕ್ರಮಣವನ್ನು ಮುಂದುವರೆಸುತ್ತಿರುವುದರಿಂದ ಆಗಾಗ್ಗೆ ಎನ್‌ಕೌಂಟರ್‌ಗಳು ವರದಿಯಾಗುತ್ತಿದೆ. ಈ ಹಿನ್ನೆಲೆ ಅತೀಕ್ ಅಹ್ಮದ್‌ರನ್ನು ಧಾರ್ಮಿಕ ಗುರುತಿನ ಮೇಲೆ ಕೇಂದ್ರೀಕರಿಸಿದರೆ, ನಾವು ಅನಗತ್ಯವಾದ ವಿಭಜನೆಯನ್ನು ಸೃಷ್ಟಿಸುವ ಅಪಾಯವನ್ನು ಎದುರಿಸುತ್ತೇವೆ. ಇದು ಸಮುದಾಯಗಳ ನಡುವೆ ಉದ್ವಿಗ್ನತೆ ಮತ್ತು ಅಪನಂಬಿಕೆಯನ್ನು ಇನ್ನಷ್ಟು ಶಾಶ್ವತಗೊಳಿಸಬಹುದು.
ಇದನ್ನೂ ಓದಿ: ಅತೀಕ್ ಅಹ್ಮದ್ ಹತ್ಯೆ ಕೇಸ್‌: ತನಿಖೆಗೆ 3 ಸದಸ್ಯರ ನ್ಯಾಯಾಂಗ ಆಯೋಗ ರಚನೆಗೆ ಸಿಎಂ ಯೋಗಿ ಆದಿತ್ಯನಾಥ್ ಆದೇಶ
ಇನ್ನು, ಉತ್ತರ ಪ್ರದೇಶ ಸರ್ಕಾರ ಈ ಘಟನೆಯ ನಂತರ ಬಹಳ ಎಚ್ಚರಿಕೆಯಿಂದ ವ್ಯವಹರಿಸಿದೆ. ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರು ಈ ಹತ್ಯೆ ಬಗ್ಗೆ ತನಿಖೆ ನಡೆಸಲು ನ್ಯಾಯಾಂಗ ಆಯೋಗವನ್ನು ರಚಿಸುವಂತೆ ಆದೇಶಿಸಿದ್ದರು. ಅಲ್ಲದೆ, ಎಲ್ಲಾ ಜಿಲ್ಲೆಗಳಲ್ಲಿ ಸೆಕ್ಷನ್ 144 ಅನ್ನು ವಿಧಿಸಿತು. ಅಲಹಾಬಾದ್ ಹೈಕೋರ್ಟ್‌ನ ನಿವೃತ್ತ ನ್ಯಾಯಮೂರ್ತಿ ಅರವಿಂದ್ ಕುಮಾರ್ ತ್ರಿಪಾಠಿ ನೇತೃತ್ವದಲ್ಲಿ ಮೂವರು ಸದಸ್ಯರ ನ್ಯಾಯಾಂಗ ತನಿಖಾ ಸಮಿತಿಯನ್ನು ಹತ್ಯೆಯ ತನಿಖೆಗಾಗಿ ರಚಿಸಲಾಗಿದೆ. ಸಮಿತಿಯು ತನ್ನ ವರದಿಯನ್ನು ಎರಡು ತಿಂಗಳಲ್ಲಿ ಸಲ್ಲಿಸಬೇಕಾಗಿದ್ದು, ನಿವೃತ್ತ ಐಪಿಎಸ್ ಅಧಿಕಾರಿ ಸುಭೇಶ್ ಕುಮಾರ್ ಸಿಂಗ್ ಮತ್ತು ಮಾಜಿ ಜಿಲ್ಲಾ ನ್ಯಾಯಾಧೀಶ ಬ್ರಿಜೇಶ್ ಕುಮಾರ್ ಸೋನಿ ಸಮಿತಿಯ ಇತರ ಸದಸ್ಯರಾಗಿದ್ದಾರೆ.
ಇನ್ನು, ಅತೀಕ್ ಅಹ್ಮದ್ ಹತ್ಯೆ ಮಾಡಿದವರು ಸಹ ಕುಟುಂಬಗಳು ಮತ್ತು ಪ್ರೀತಿಪಾತ್ರರನ್ನು ಹೊಂದಿರುವ ಮನುಷ್ಯರು ಎಂಬುದನ್ನು ಮುಸ್ಲಿಂ ಸಮುದಾಯ ನೆನಪಿಸಿಕೊಳ್ಳಬೇಕು. ಅವರಲ್ಲಿ ಹಲವರು ಮುಸ್ಲಿಮರೂ ಆಗಿರಬಹುದು. ಅಸಂಖ್ಯಾತ ಜನರಿಗೆ ಅಪಾರ ನೋವು, ಸಂಕಟವನ್ನು ಉಂಟುಮಾಡಿದ ವ್ಯಕ್ತಿಯ ನಷ್ಟಕ್ಕೆ ದುಃಖಿಸುವ ಮೂಲಕ, ನಾವು ಮೂಲಭೂತವಾಗಿ, ಅವನ ಬಲಿಪಶುಗಳ ದುಃಸ್ಥಿತಿಯನ್ನು ನಿರ್ಲಕ್ಷಿಸುತ್ತಿದ್ದೇವೆ.
ಇದನ್ನೂ ಓದಿ: ಕಸದ ವಿಚಾರಕ್ಕೆ ಜಗಳ: ಪಿಸ್ತೂಲು ಹಿಡಿದು ಬೆದರಿಸಿ ಗಾಳಿಯಲ್ಲಿ ಗುಂಡು ಹಾರಿಸಿದ ಉದ್ಯಮಿ!
ಅತೀಕ್ ಅಹ್ಮದ್ ಆಯ್ಕೆಮಾಡಿಕೊಂಡ ಅಪರಾಧ ಜೀವನಶೈಲಿಯು ಇಸ್ಲಾಂನ ಮೌಲ್ಯಗಳು ಮತ್ತು ಬೋಧನೆಗಳನ್ನು ಪ್ರತಿನಿಧಿಸುವುದಿಲ್ಲ ಎಂಬುದನ್ನು ಭಾರತೀಯ ಮುಸ್ಲಿಮರು ಅರಿತುಕೊಳ್ಳುವುದು ಅತ್ಯಗತ್ಯ. ಬದಲಾಗಿ, ಮುಸ್ಲಿಂ ಸಮುದಾಯವು ಅತೀಕ್ ಅಹ್ಮದ್ ಅವರಂತಹ ಅಪರಾಧಿಗಳ ಗುಣಗಳನ್ನು ನೋಡದೆ ಶಾಂತಿ, ತಿಳುವಳಿಕೆ ಹಾಗೂ ಸಾಮರಸ್ಯವನ್ನು ಉತ್ತೇಜಿಸಲು ಇತರ ಸಮುದಾಯಗಳೊಂದಿಗೆ ಒಟ್ಟಾಗಿ ಕೆಲಸ ಮಾಡುವುದು ನಿರ್ಣಾಯಕವಾಗಿದೆ.