ಕಡಿಮೆ ಬೆಲೆಗೆ ಗರಿಷ್ಠ ಮೈಲೇಜ್ ರೇಂಜ್ ನೀಡಬಲ್ಲ ಎಲೆಕ್ಟ್ರಿಕ್ ಸ್ಕೂಟರ್ ಲಿಸ್ಟ್

ಹೊಸ ಎಲೆಕ್ಟ್ರಿಕ್ ಸ್ಕೂಟರ್ ತಗೊಳ್ಳೋ ಪ್ಲಾನ್ ಇದೆಯಾ? ದೇಶದಲ್ಲಿ ವಿವಿಧ ರೇಂಜ್‌ನ ಹಲವು ಎಲೆಕ್ಟ್ರಿಕ್ ಸ್ಕೂಟರ್‌ಗಳು ಲಭ್ಯವಿದೆ. ಇವುಗಳಲ್ಲಿ ಅತ್ಯುತ್ತಮವಾದದ್ದನ್ನು ಆಯ್ಕೆ ಮಾಡುವುದು ಸುಲಭವಲ್ಲ. ಹಾಗಾಗಿ ನಿಮಗಾಗಿ 5 ಅತ್ಯುತ್ತಮ ಎಲೆಕ್ಟ್ರಿಕ್ ಸ್ಕೂಟರ್‌ಗಳ ಪಟ್ಟಿಯನ್ನು ತಂದಿದ್ದೇವೆ. 

ಅಥರ್ 450x ಜೆನ್ 3

ಅಥರ್ ಎನರ್ಜಿ ತನ್ನ ಪ್ರಮುಖ ಎಲೆಕ್ಟ್ರಿಕ್ ಸ್ಕೂಟರ್‌ನ ಮೂರನೇ ತಲೆಮಾರಿನ ಮಾದರಿಯನ್ನು ಜುಲೈ 2022 ರಲ್ಲಿ ಮಾರುಕಟ್ಟೆಗೆ ಬಿಡುಗಡೆ ಮಾಡಿತು. ಇದರ ಹೆಸರು ಅಥರ್ 450x ಜೆನ್ 3. ಇದರ ಎಲೆಕ್ಟ್ರಿಕ್ ಮೋಟಾರ್ 8.7 ಬಿಎಚ್‌ಪಿ ಪವರ್ ಉತ್ಪಾದಿಸುತ್ತದೆ. ಇದರ ರೇಂಜ್ 146 ಕಿ.ಮೀ. ಈ ಸ್ಕೂಟರ್ ಅನ್ನು ಆಲ್-ಅಲ್ಯೂಮಿನಿಯಂ ಫ್ರೇಮ್‌ನಿಂದ ತಯಾರಿಸಲಾಗಿದೆ. ಹೊಸ ಟೈರ್ ಪ್ರೆಶರ್ ಮಾನಿಟರಿಂಗ್ ಸಿಸ್ಟಮ್ ಇದರಲ್ಲಿದೆ. ಈ ಎಲೆಕ್ಟ್ರಿಕ್ ಸ್ಕೂಟರ್‌ನ ಎಕ್ಸ್ ಶೋ ರೂಂ ಬೆಲೆ 1,39,000 ರೂ.

ಹೀರೋ ಎಲೆಕ್ಟ್ರಿಕ್ ಆಪ್ಟಿಮಾ CX

ಹೀರೋ ಎಲೆಕ್ಟ್ರಿಕ್‌ನ ಆಪ್ಟಿಮಾ ಸಿಎಕ್ಸ್ ಅತ್ಯುತ್ತಮ ಎಲೆಕ್ಟ್ರಿಕ್ ಸ್ಕೂಟರ್‌ಗಳಲ್ಲಿ ಒಂದು. ಇದು ಡ್ಯುಯಲ್-ಬ್ಯಾಟರಿ ಮಾದರಿಯನ್ನು ಬಳಸುತ್ತದೆ. ಒಮ್ಮೆ ಪೂರ್ಣ ಚಾರ್ಜ್‌ನಲ್ಲಿ ಈ ಸ್ಕೂಟರ್ 140 ಕಿ.ಮೀ. ರೇಂಜ್ ನೀಡುತ್ತದೆ. ಇದರ ಟಾಪ್ ಸ್ಪೀಡ್ 45 ಕಿ.ಮೀ. ಇದರಲ್ಲಿ ಡಿಟ್ಯಾಚೇಬಲ್ ಬ್ಯಾಟರಿ ಇದೆ. ಇದರ ಎಕ್ಸ್ ಶೋ ರೂಂ ಬೆಲೆ 85,190 ರೂ.

ಬಜಾಜ್ ಚೇತಕ್

ಬಜಾಜ್ ಚೇತಕ್ ಎಲೆಕ್ಟ್ರಿಕ್ ಮಾದರಿ ಸ್ಕೂಟರ್‌ನ ವಿನ್ಯಾಸ ಅದ್ಭುತ ಮತ್ತು ಆಧುನಿಕ. ಈ ಸ್ಕೂಟರ್‌ನ ರೇಂಜ್ 108 ಕಿ.ಮೀ. ಒಂದು ಗಂಟೆಯಲ್ಲಿ ಈ ಸ್ಕೂಟರ್‌ನ ಬ್ಯಾಟರಿ 25 ಪ್ರತಿಶತದಷ್ಟು ಚಾರ್ಜ್ ಆಗಬಹುದು. ಪೂರ್ಣ ಚಾರ್ಜ್ ಆಗಲು 5 ಗಂಟೆ ಬೇಕು. ಬಜಾಜ್ ಚೇತಕ್‌ನ ಆರಂಭಿಕ ಎಕ್ಸ್ ಶೋ ರೂಂ ಬೆಲೆ 1,21,000 ರೂ.

ಓಲಾ S1 ಪ್ರೊ ಜೆನ್2

ಓಲಾ S1 ಪ್ರೊ ಜೆನ್2 ಪ್ರೀಮಿಯಂ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ. ಒಮ್ಮೆ ಪೂರ್ಣ ಚಾರ್ಜ್ ಮಾಡಿದರೆ 195 ಕಿ.ಮೀ.ವರೆಗೆ ಹೋಗಬಹುದು. ಈ ಸ್ಕೂಟರ್‌ನ ಟಾಪ್ ಸ್ಪೀಡ್ 120 ಕಿ.ಮೀ. ಓಲಾ S1 ಪ್ರೊ ಕೇವಲ 2.6 ಸೆಕೆಂಡುಗಳಲ್ಲಿ 0 ರಿಂದ 40 ಕಿ.ಮೀ. ವೇಗವನ್ನು ತಲುಪಬಹುದು. ಓಲಾ S1 ಪ್ರೊ ಜೆನ್2 ಎಕ್ಸ್ ಶೋ ರೂಂ ಬೆಲೆ 1,47,499 ರೂ.

ಹೀರೋ ವಿಡಾ V1

ಹೀರೋ ಮೋಟೋಕಾರ್ಪ್‌ನ ಉಪ-ಬ್ರ್ಯಾಂಡ್ ವಿಡಾ 2022 ರಲ್ಲಿ ವಿಡಾ V1 ಎಂಬ ತನ್ನ ಮೊದಲ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿತು. ಎರಡು ರೂಪಾಂತರಗಳಲ್ಲಿ ವಿಡಾ V1 ಪ್ಲಸ್ ಮತ್ತು ವಿಡಾ V1 ಪ್ರೊ ಈ ಸ್ಕೂಟರ್ ಬರುತ್ತದೆ. ಎರಡೂ ರೂಪಾಂತರಗಳ ಟಾಪ್ ಸ್ಪೀಡ್ 80 ಕಿ.ಮೀ. ಈ ಸ್ಕೂಟರ್‌ನ ಎಕ್ಸ್-ಶೋ ರೂಂ ಬೆಲೆ 1,28,000 ರೂ.