ಸಚಿನ್ ಜತೆ ಫೋಟೋಗೆ ಮುಂಬೈ ಆಟಗಾರರ ಸಾಲು!
ಐಪಿಎಲ್ ಟೂರ್ನಿಯಲ್ಲಿ ಅತ್ಯಂತ ಬಲಿಷ್ಠ ಸಪೋರ್ಟ್ ಸ್ಟಾಫ್ ಹೊಂದಿರು ತಂಡ ಮುಂಬೈ ಇಂಡಿಯನ್ಸ್ . ಅದರಲ್ಲೂ ಪ್ರಮುಖವಾಗಿ ಸಚಿನ್ ತೆಂಡುಲ್ಕರ್, ತಂಡದ ಐಕಾನ್. ಪ್ರಶಸ್ತಿ ಗೆಲುವಿನ ಬಳಿಕ ಮುಂಬೈ ಆಟಗಾರರು ಸಚಿನ್ ಜೊತೆ ಫೋಟೋ ತೆಗೆಸಿಕೊಳ್ಳಲು ಮುಗಿ ಬಿದ್ದರು.
ಹೈದರಾಬಾದ್‌(ಮೇ.14): ಐಪಿಎಲ್ ಫೈನಲ್ ಗೆದ್ದ ಬಳಿಕ ಮುಂಬೈ ಇಂಡಿಯನ್ಸ್ ಆಟಗಾರರು, ‘ಕ್ರಿಕೆಟ್ ದೇವರು’ ಸಚಿನ್ ತೆಂಡುಲ್ಕರ್ ಜತೆ ಫೋಟೋ ತೆಗಿಸಿಕೊಳ್ಳಲು ಮುಗಿಬಿದ್ದರು. ಡ್ರೆಸ್ಸಿಂಗ್‌ ಕೊಠಡಿಯಲ್ಲಿ ತಂಡದ ‘ಐಕಾನ್’ ಆಗಿರುವ ಸಚಿನ್ ಜತೆ ಬಹುತೇಕ ಆಟಗಾರರು ಫೋಟೋ ತೆಗಿಸಿಕೊಂಡಿದ್ದಲ್ಲದೇ, ಜೆರ್ಸಿ ಮೇಲೆ ಆಟೋಗ್ರಾಫ್‌ ಹಾಕಿಸಿಕೊಂಡರು. ಈ ವಿಡಿಯೋವನ್ನು ಮುಂಬೈ ತಂಡ ತನ್ನ ಟ್ವೀಟರ್‌ ಖಾತೆಯಲ್ಲಿ ಹಾಕಿದ್ದು, ವಿಡಿಯೋ ವೈರಲ್ ಆಗಿದೆ.
📸🤳 We're all fans of the greatest 💙#OneFamily #CricketMeriJaan #MumbaiIndians #IPL2019Final #MIvCSK @sachin_rt pic.twitter.com/UW085LxuRA
— Mumbai Indians (@mipaltan) May 12, 2019
ಇದನ್ನೂ ಓದಿ: ಆರೇಂಜ್ ಕ್ಯಾಪ್ to ಫೇರ್ ಪ್ಲೇ: 2019ರ IPL ಪ್ರಶಸ್ತಿ ಗೆದ್ದ ಕ್ರಿಕೆಟರ್ಸ್!
12ನೇ ಆವೃತ್ತಿ ಐಪಿಎಲ್ ಫೈನಲ್ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್, ಬಲಿಷ್ಠ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಹೋರಾಡಿತ್ತು. ರೋಚಕ ಹೋರಾಟದಲ್ಲಿ ಮುಂಬೈ 1 ರನ್‌ಗಳ ರೋಚಕ ಗೆಲುವು ಸಾಧಿಸಿತ್ತು. ಅಂತಿಮ ಎಸೆತದಲ್ಲಿ ವಿಕೆಟ್ ಕಬಳಿಸೋ ಮೂಲಕ ಮುಂಬೈ ಇಂಡಿಯನ್ಸ್ 4ನೇ ಬಾರಿಗೆ ಐಪಿಎಲ್ ಟ್ರೋಫಿ ಗೆದ್ದುಕೊಂಡಿತು.
