ಇರಾನ್‌ನಲ್ಲಿ ಮಹಿಳೆಯರಿಗೆ ಗಲ್ಲು

ಇರಾನ್  2024ರಲ್ಲಿ ಕನಿಷ್ಠ 31 ಮಹಿಳೆಯರನ್ನು ಗಲ್ಲಿಗೇರಿಸಿದೆ. ಈ ಮೂಲಕ 2008ರ ನಂತರ ಅತೀ ಹೆಚ್ಚು ಹೆಚ್ಚು ಮಹಿಳೆಯರು ಗಲ್ಲು ಶಿಕ್ಷೆಗೊಳಗಾದ ವರ್ಷ 2024 ಎನಿಸಿದೆ.

ನಾರ್ವೆಯ ಎನ್‌ಜಿಒ ಐಎಚ್‌ಆರ್ ಪ್ರಕಾರ, ಇರಾನ್‌ನಲ್ಲಿ ಮಹಿಳೆಯರ ಗಲ್ಲಿಗೇರಿಸುವಿಕೆ 2024 ರಲ್ಲಿ ದಾಖಲೆಯ ಗರಿಷ್ಠ ಮಟ್ಟ ತಲುಪಿದೆ 2010 ಮತ್ತು 2024ರ ನಡುವೆ ಒಟ್ಟು 241 ಮಹಿಳೆಯರನ್ನು ಗಲ್ಲಿಗೇರಿಸಲಾಗಿದೆ

ಇದು ಸಾಮಾಜಿಕ ನಿಯಂತ್ರಣ ಮತ್ತು ನ್ಯಾಯಾಂಗ ವ್ಯವಸ್ಥೆಯಲ್ಲಿ ಲಿಂಗ ಅಸಮಾನತೆಯನ್ನು ಜಾರಿಗೊಳಿಸಲು ಮರಣದಂಡನೆಯ ಬಳಕೆ ಸೇರಿದಂತೆ ವ್ಯವಸ್ಥಿತ ಸಮಸ್ಯೆಗಳ ಉಲ್ಬಣವನ್ನು ಎತ್ತಿ ತೋರಿಸಿದೆ.

ಈ ಪ್ರಕರಣಗಳಲ್ಲಿ ಶೇಕಡಾ 70 ರಷ್ಟು ಮಹಿಳೆಯರು  ಕೌಟುಂಬಿಕ ಹಿಂಸಾಚಾರದ ಪ್ರಕರಣಗಳಲ್ಲಿ ಹಿಂಸೆ ತಾಳಲಾರದೇ ತಮ್ಮ ಸಂಗಾತಿಗಳನ್ನು ಕೊಂದಿದ್ದಕ್ಕಾಗಿ ಶಿಕ್ಷೆಗೊಳಗಾಗಿದ್ದಾರೆ.

ಕೊಲೆಯ ಅಪರಾಧಿಗಳು ಹಿಂಸಾತ್ಮಕ ಸಂಬಂಧಗಳಲ್ಲಿ ಹತಾಶೆಯಿಂದ ವರ್ತಿಸಿದ್ದಾರೆ, ನ್ಯಾಯಾಲಯದಲ್ಲಿ ಪರಿಹಾರಕ ಅಂಶಗಳನ್ನು ಹೆಚ್ಚಾಗಿ ನಿರ್ಲಕ್ಷಿಸಲಾಗುತ್ತದೆ ಎಂದು ಐಎಚ್‌ಆರ್ ಎತ್ತಿ ತೋರಿಸಿದೆ

ವಿಶೇಷವಾಗಿ 2022-23ರಲ್ಲಿ ನಡೆದ ಪ್ರತಿಭಟನೆಗಳ ನಂತರ, ಭಯವನ್ನು ಹುಟ್ಟುಹಾಕಲು ಇರಾನ್ ಆಡಳಿತ ಗಲ್ಲಿಗೇರಿಸುವಿಕೆಯನ್ನು ಬಳಸುತ್ತಿದೆ ಎಂದು ಕಾರ್ಯಕರ್ತರು ಆರೋಪಿಸಿದ್ದಾರೆ

14 ವರ್ಷಗಳ ಅವಧಿಯಲ್ಲಿ ಗಲ್ಲಿಗೇರಿಸಲ್ಪಟ್ಟ ಮಹಿಳೆಯರಲ್ಲಿ, 114 ಮಂದಿಗೆ ಕೊಲೆಗಾಗಿ ಮತ್ತು 107 ಮಂದಿಗೆ ಮಾದಕವಸ್ತು ಸಂಬಂಧಿತ ಅಪರಾಧಗಳಿಗಾಗಿ ಶಿಕ್ಷೆ ವಿಧಿಸಲಾಗಿದೆ

ಗಲ್ಲಿಗೇರಿಸುವ ಮೊದಲು ಹೃದಯಾಘಾತದಿಂದ ಕುಸಿದಿದ್ದರೂ ಗಲ್ಲಿಗೇರಿಸಲ್ಪಟ್ಟ ಜಹ್ರಾ ಎಸ್ಮೈಲಿ ಅವರಂತಹ ಪ್ರಕರಣಗಳನ್ನು ಐಎಚ್‌ಆರ್ ಉಲ್ಲೇಖಿಸಿದೆ

2014ರಲ್ಲಿ ರೆಹಾನೆ ಜಬ್ಬರಿಯ  ಗಲ್ಲಿಗೇರಿಸುವಿಕೆಯು  ಆತ್ಮರಕ್ಷಣೆಯ ವೇಳೆ ಹಲ್ಲೆಗೆ ಪ್ರಯತ್ನಿಸಿದ್ದಕ್ಕಾಗಿ ನಡೆದಿತ್ತು. ಇದು ಅಂತಾರಾಷ್ಟ್ರೀಯ ಗಮನವನ್ನು ಸೆಳೆದಿತ್ತು. 

ಈ ಪ್ರಕರಣಗಳು ಇರಾನ್‌ನ ನ್ಯಾಯಾಂಗ ವ್ಯವಸ್ಥೆಯಲ್ಲಿ ಆಳವಾಗಿ ಬೇರೂರಿರುವ ತಾರತಮ್ಯವನ್ನು ಬಹಿರಂಗಪಡಿಸುತ್ತವೆ ಎಂದು ಐಎಚ್‌ಆರ್‌ನ ನಿರ್ದೇಶಕರು ಹೇಳಿದ್ದಾರೆ.