ವಿಮಾನದಲ್ಲಿ ನಿಮ್ಮ ಪಕ್ಕದ ಪ್ರಯಾಣಿಕ ಸತ್ತರೆ ಏನಾಗುತ್ತದೆ?

ಪ್ರಯಾಣಿಕರ ಆರೋಗ್ಯ ಹದಗೆಟ್ಟರೆ, ಫ್ಲೈಟ್ ಅಟೆಂಡೆಂಟ್ ವೈದ್ಯಕೀಯ ತುರ್ತು ಪರಿಸ್ಥಿತಿಯನ್ನು ಘೋಷಿಸುತ್ತಾರೆ. ಫ್ಲೈಟ್‌ನ ವೈದ್ಯರು ಅಥವಾ ವೈದ್ಯಕೀಯ ವೃತ್ತಿಪರರಿಂದ ಸಹಾಯ ಪಡೆದು ಸ್ಥಿತಿ ಸುಧಾರಿಸಲು ಪ್ರಯತ್ನಿಸಲಾಗುತ್ತೆ.

ವಿಮಾನಯಾನ ಸಂಸ್ಥೆಗಳು ಸಾಮಾನ್ಯವಾಗಿ ಹಾರಾಟದ ಸಮಯದಲ್ಲಿ ಸಂಭವಿಸುವ ಸಾವುಗಳಿಗೆ ಜವಾಬ್ದಾರರಾಗಿರುವುದಿಲ್ಲ, ನಿರ್ಲಕ್ಷ್ಯ ಸಾಬೀತಾಗುವವರೆಗೆ. ಆದಾಗ್ಯೂ, ಮೃತರ ಕುಟುಂಬಕ್ಕೆ ಸಂಬಂಧಿಸಿದಂತೆ ಹಲವಾರು ನಿಯಮಗಳಿವೆ.
 

ಸಾಮಾನ್ಯವಾಗಿ, ವಿಮಾನದ ಸಿಬ್ಬಂದಿ ಸದಸ್ಯರು ಯಾವುದೇ ಪ್ರಯಾಣಿಕರನ್ನು ಸತ್ತಿದ್ದಾರೆಂದು ಘೋಷಿಸಲು ಸಾಧ್ಯವಿಲ್ಲ. ಅಧಿಕೃತ ವೈದ್ಯರು ಅಥವಾ ವೈದ್ಯಕೀಯ ವೃತ್ತಿಪರರು ಮಾತ್ರ ಇದನ್ನು ಮಾಡಲು ಸಾಧ್ಯ.

ವಿಮಾನದಲ್ಲಿ ಯಾವುದೇ ವೈದ್ಯರು ಇಲ್ಲದಿದ್ದರೆ, ಯಾರಾದರೂ ಸತ್ತರೆ, ಪೈಲಟ್ ಏರ್ ಟ್ರಾಫಿಕ್ ಕಂಟ್ರೋಲ್ ಅನ್ನು ಸಂಪರ್ಕಿಸಿ ಮಾರ್ಗದರ್ಶನ ಪಡೆಯುತ್ತಾರೆ.

ಪ್ರಯಾಣಿಕರ ಸ್ಥಿತಿ ಗಂಭೀರವಾಗಿದ್ದರೆ, ಹತ್ತಿರದ ವಿಮಾನ ನಿಲ್ದಾಣದಲ್ಲಿ ತುರ್ತು ಭೂಸ್ಪರ್ಶ ಮಾಡಬಹುದು. ಪ್ರಯಾಣಿಕರು ಈಗಾಗಲೇ ಮೃತಪಟ್ಟಿದ್ದರೆ, ಭೂಸ್ಪರ್ಶವಾಗುವುದಿಲ್ಲ.

ಅನೇಕ ಹೈಟೆಕ್ ವಿಮಾನಗಳಲ್ಲಿ ಕಾರ್ಪ್ಸ್ ಲಾಕರ್ ಎಂಬ ಸ್ಥಳವಿದೆ, ಅಲ್ಲಿ ಶವವನ್ನು ಗೌರವದಿಂದ ಇರಿಸಲಾಗುತ್ತದೆ. ಅದು ಇಲ್ಲದಿದ್ದರೆ, ಶವವನ್ನು ಖಾಲಿ ಸೀಟಿನಲ್ಲಿ ಅಥವಾ ಬಿಸಿನೆಸ್ ಕ್ಲಾಸ್‌ನಲ್ಲಿ ಮಲಗಿಸಲಾಗುತ್ತದೆ.

ಇಳಿದ ನಂತರ, ವಿಮಾನ ನಿಲ್ದಾಣದ ಅಧಿಕಾರಿಗಳು,ವೈದ್ಯಕೀಯ ಸಿಬ್ಬಂದಿಗೆ ಪ್ರಯಾಣಿಕರ ಸಾವಿನ ಬಗ್ಗೆ ಮಾಹಿತಿ ನೀಡುತ್ತಾರೆ. ಕುಟುಂಬ ಆಪ್ತರಿಗೆ ತಕ್ಷಣ ತಿಳಿಸಲಾಗುತ್ತದೆ. ಕಾನೂನಿನ ಪ್ರಕಾರ ಶವವನ್ನು ನಿರ್ವಹಿಸಲಾಗುತ್ತದೆ.

ಸಾಧ್ಯವಾದರೆ, ಮೃತರ ಪಕ್ಕದಲ್ಲಿ ಕುಳಿತಿರುವ ಪ್ರಯಾಣಿಕರನ್ನು ತೆಗೆದುಹಾಕಬಹುದು, ಆದರೆ ಅನೇಕ ಸಂದರ್ಭಗಳಲ್ಲಿ ಅವರು ತಮ್ಮ ಪಕ್ಕದಲ್ಲಿ ಮುಚ್ಚಿದ ಶವದೊಂದಿಗೆ ಉಳಿದ ಪ್ರಯಾಣವನ್ನು ಮಾಡಬೇಕಾಗಬಹುದು.

ವಿಮಾನದಲ್ಲಿ ಸಾವು ಸಂಭವಿಸುವುದು ಅಪರೂಪ, ಆದರೆ ಇತ್ತೀಚೆಗೆ ಸೌದಿ ಅರೇಬಿಯಾದಿಂದ ಲಕ್ನೋ ವಿಮಾನ ನಿಲ್ದಾಣಕ್ಕೆ ಹಾರುತ್ತಿದ್ದ ಏರ್ ಇಂಡಿಯಾದಲ್ಲಿ ಪ್ರಯಾಣಿಸುತ್ತಿದ್ದ ಬಿಹಾರದ ವ್ಯಕ್ತಿಯೊಬ್ಬರು ಮೃತಪಟ್ಟಿದ್ದಾರೆ.