ಮಾಜಿ ಪ್ರೇಮಿಯ ಕನಸು ಬೀಳೋದು ಯಾಕೆ?

ಸಂಬಂಧ ಮುರಿದುಬಿದ್ದ ನಂತರ ಹಳೆ ಪ್ರೇಮಿಯ ಕನಸುಗಳು ಬರುವುದು ಸಾಮಾನ್ಯ. ಈ ಕನಸುಗಳು ಅನೇಕ ವಿಷಯಗಳನ್ನು ತಿಳಿಸುತ್ತೆ. ಅದರ ಬಗ್ಗೆ ತಿಳಿದುಕೊಳ್ಳೋಣ. 
 

ಮಾಜಿ ಪ್ರೇಮಿ ಮತ್ತೆ ಮತ್ತೆ ಕನಸಿನಲ್ಲಿ ಬರ್ತಿದ್ದಾನೆ ಅಂದ್ರೆ, ಅವರಿಗಾಗಿ ನಿಮ್ಮ ಮನಸಿನಲ್ಲಿ ಇನ್ನೂ ಫೀಲಿಂಗ್ ಉಳಿದಿದೆ ಎಂದು ಅರ್ಥ. 
 

ನಿಮ್ಮ ಈಗಿನ ಸಂಬಂಧದಲ್ಲಿ ನೀವು ಸಂಪೂರ್ಣವಾಗಿ ತೃಪ್ತರಾಗಿಲ್ಲದೇ ಇದ್ದರೂ ಕೂಡ ಮಾಜಿ ಪ್ರೇಮಿಯ ಕನಸು ಬೀಳುವ ಸಾಧ್ಯತೆ ಇದೆ. 
 

ಸಂಬಂಧವು ಮುರಿದುಹೋದ ನಂತರ, ಅಪೂರ್ಣ ಸಂಬಂಧದ ನೆನಪು ಸುಪ್ತ ಮನಸ್ಸಿನ ಉಳಿಯುತ್ತೆ, ಈ ಮೂಲಕ ಅದು ಕನಸಾಗಿ ಬದಲಾಗಬಹುದು. 
 

ನೀವು ಬ್ರೇಕ್ ಅಪ್ ಮಾಡಿಕೊಳ್ಳಲು ತಯಾರಿಲ್ಲದ ಸಂದರ್ಭದಲ್ಲಿ ಪ್ರೇಮಿ ನಿಮ್ಮಿಂದ ದೂರ ಹೋಗಿರುವ ಸಂದರ್ಭದಲ್ಲಿ ದುಃಖದಿಂದಾಗಿ ಸಹ ಮಾಜಿ ಪ್ರೇಮಿಯ ಕನಸು ಬೀಳುತ್ತೆ. 
 

ಮೋಸದಿಂದಾಗಿ ಹಳೆಯ ಸಂಬಂಧವು ಹಾಳಾಗಿದ್ದರೆ, ಇದೀಗ ನೀವು ಹೊಸ ಸಂಬಂಧದಲ್ಲಿ ಇದ್ದರೂ ಸಹ, ಇದು ಕೂಡ ಹಳೆಯ ಪ್ರೇಮಿಯಂತೆ ಮೋಸ ಮಾಡಬಹುದುದೇ ಎನ್ನುವ ಭಯದಿಂದ ಕನಸು ಬೀಳುತ್ತೆ. 

ನಿಮ್ಮ ಮಾಜಿ ಪ್ರೇಮಿಯಲ್ಲಿ ಕೇಳದೇ ಉಳಿದಿರುವ ಹಲವಾರು ಪ್ರಶ್ನೆಗಳು ಇರಬಹುದು. ಅದು ಇನ್ನೂ ಸಹ ನಿಮ್ಮ ಮನಸಿನಲ್ಲಿ ಇದ್ದರೆ, ಆವಾಗ ಕೂಡ ಕನಸು ಬೀಳುತ್ತೆ. 
 

ನಿಮಗೂ ಮಾಜಿ ಪ್ರೇಮಿಯ ಕನಸು ಬೀಳುತ್ತಿದ್ದರೆ, ಸಾಧ್ಯವಾದಷ್ಟು ನೀವು ಅದರಿಂದ ಹೊರಗೆ ಬರೋದಕ್ಕೆ ಪ್ರಯತ್ನಿಸಿ, ಹೊಸ ಹೊಸ ವಿಷ್ಯಗಳ ಬಗ್ಗೆ ಗಮನ ಹರಿಸಿ, ಇದರಿಂದ ನಿಮ್ಮ ಮನಸು ಎಂಗೇಜ್ ಆಗಿರುತ್ತೆ.