ವಾಷಿಂಗ್ ಮಷಿನ್ ಬಳಸುವಾಗ ಈ 5 ದೊಡ್ಡ ತಪ್ಪುಗಳನ್ನು ಮಾಡಬೇಡಿ!

ನಿಗದಿತ ಮಿತಿಗಿಂತ ಹೆಚ್ಚು ಬಟ್ಟೆಗಳನ್ನು ವಾಷಿಂಗ್ ಮಷಿನ್ನಲ್ಲಿ ಹಾಕುತ್ತೇವೆ. ಇದರಿಂದ ಡ್ರಮ್ ಮೇಲೆ ಒತ್ತಡ ಬೀಳುತ್ತದೆ ಮತ್ತು ಮೋಟಾರ್ ಹೆಚ್ಚು ಕೆಲಸ ಮಾಡಬೇಕಾಗುತ್ತದೆ. ಇದರಿಂದ ಮೋಟಾರ್ ಸುಟ್ಟು ಹೋಗಬಹುದು.

ಫಿಲ್ಟರ್‌ನಲ್ಲಿ ಸಂಗ್ರಹವಾದ ಕೊಳಕು ಮತ್ತು ಪೈಪ್‌ನಲ್ಲಿನ ತಡೆ ನೀರಿನ ಹರಿವಿಗೆ ಅಡ್ಡಿಯಾಗಬಹುದು, ಇದರಿಂದಾಗಿ ಮಷಿನ್ ಹೆಚ್ಚಿನ ಒತ್ತಡವನ್ನು ಬೀರಬೇಕಾಗುತ್ತದೆ. 

ನಾವು ವಾಷಿಂಗ್ ಮಷಿನ್ ಚಾಲನೆ ಮಾಡುವಾಗ ನೀರಿನ ತಾಪಮಾನವನ್ನು ಸಾಮಾನ್ಯಕ್ಕಿಂತ ಹೆಚ್ಚು ಇಡುತ್ತೇವೆ. ಇದರಿಂದ ಮೋಟಾರ್ ಮೇಲೆ ಒತ್ತಡ ಬೀಳುತ್ತದೆ. ಇದು ಮೋಟಾರ್‌ನ ಜೀವಿತಾವಧಿಯನ್ನು ಕಡಿಮೆ ಮಾಡುತ್ತದೆ. 

ಕಡಿಮೆ ಅಥವಾ ಹೆಚ್ಚಿನ ವೋಲ್ಟೇಜ್‌ನಲ್ಲಿ ಮಷಿನ್ ಚಾಲನೆ ಮಾಡುವುದು ಮೋಟಾರ್‌ಗೆ ಅಪಾಯಕಾರಿ. ಇದರಿಂದ ಮೋಟಾರ್ ಸುಟ್ಟು ಹೋಗಬಹುದು. ಮೆಷಿನ್ ಅನ್ನು ರಕ್ಷಿಸಲು ವೋಲ್ಟೇಜ್ ಸ್ಟೆಬಿಲೈಸರ್ ಬಳಸಿ.

ಕೆಲವರು ಮಷಿನ್ ಆಫ್ ಮಾಡದೆಯೇ ಬಟ್ಟೆಗಳನ್ನು ತೆಗೆಯುತ್ತಾರೆ. ಇದರಿಂದ ಸೆನ್ಸರ್ ಮತ್ತು ಮೋಟಾರ್‌ಗೆ ಹಾನಿಯಾಗಬಹುದು.

ಮಷಿನ್ನಿನ ಒಳಗೆ ಸಂಗ್ರಹವಾದ ಡಿಟರ್ಜೆಂಟ್, ಮಣ್ಣು ಅಥವಾ ಬ್ಯಾಕ್ಟೀರಿಯಾವನ್ನು ತೆಗೆದುಹಾಕಲು ತಿಂಗಳಿಗೊಮ್ಮೆ ಡ್ರಮ್‌ಗೆ ವಿನೆಗರ್ ಅಥವಾ ಅಡಿಗೆ ಸೋಡಾ, ನಿಂಬೆ ಹಾಕಿ ಚಾಲನೆ ಮಾಡಿ.

ಬಟ್ಟೆಗಳನ್ನು ತೊಳೆದ ನಂತರ ಡ್ರಮ್‌ನಲ್ಲಿ ತೇವಾಂಶ ಮತ್ತು ಡಿಟರ್ಜೆಂಟ್ ಉಳಿಯುತ್ತದೆ. ಇದರಿಂದ ದುರ್ವಾಸನೆ ಮತ್ತು ಫಂಗಸ್ ಬೆಳೆಯಬಹುದು. ಪ್ರತಿ ಬಾರಿ ತೊಳೆದ ನಂತರ ಡ್ರಮ್ ಅನ್ನು ಒಣ ಬಟ್ಟೆಯಿಂದ ಒರೆಸಿ.

ವಾಷಿಂಗ್ ಮಷಿನ್ನಿನ ಲಿಂಟ್ ಫಿಲ್ಟರ್ ಬಟ್ಟೆಗಳಿಂದ ಬರುವ ನಾರು ಅಥವಾ ಕಸವನ್ನು ಸಂಗ್ರಹಿಸುತ್ತದೆ. ಇದನ್ನು ಸ್ವಚ್ಛಗೊಳಿಸದಿದ್ದರೆ ನೀರಿನ ಹರಿವು ನಿಲ್ಲಬಹುದು.