ಮಹಾ ಕುಂಭಮೇಳಾ ೨೦೨೫ ಮೋನಾಲಿಸಾ

ಮಹಾಕುಂಭಮೇಳ ಜಗತ್ತಿನಾದ್ಯಂತ ಸುದ್ದಿಯಲ್ಲಿದೆ. ಇದೇ ವೇಳೆ ಕುಂಭಮೇಳದಲ್ಲಿ ರುದ್ರಾಕ್ಷಿ ಮಾಲೆ ಮಾರಾಟ ಮಾಡುವ ಸುಂದರ ಕಣ್ಣಿನ ಚೆಲುವೆಯ ನೋಟ, ಸರಳತೆ ಸಕತ್ ವೈರಲ್ ಆಗಿದೆ. ಅಂದಹಾಗೆ ಸುಂದರಿ ಯಾರು ಗೊತ್ತೆ?

ಪ್ರಯಾಗ್‌ರಾಜ್‌ನಲ್ಲಿ ನಡೆಯುತ್ತಿರುವ ಮಹಾ ಕುಂಭಮೇಳಾ 2025 - ಸಾಧುಗಳು ಮತ್ತು ಕೋಟ್ಯಂತರ ಭಕ್ತರಿಂದ ತುಂಬಿದೆ. ಈ ಉತ್ಸವದಲ್ಲಿ, ಓರ್ವ ಸಾಮಾನ್ಯ ಮಹಿಳೆ ತನ್ನ ಸೌಂದರ್ಯದಿಂದ ಎಲ್ಲರ ಗಮನ ಸೆಳೆದಿದ್ದಾರೆ.

ಇಂದೋರ್‌ನವರಾದ ಈಕೆ ಕಪ್ಪು ಮೈಬಣ್ಣ, ಅಂದವಾದ ಕಣ್ಣುಗಳಿಂದ ಜನರನ್ನು ಆಕರ್ಷಿಸುತ್ತಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಜನರು ಅವರನ್ನು "ಮಹಾ ಕುಂಭ ಮೋನಾಲಿಸಾ" ಎಂದು ಕರೆಯುತ್ತಿದ್ದಾರೆ.
 

ಸಾಂಪ್ರದಾಯಿಕ ಉಡುಗೆ ಮತ್ತು ಕಡಿಮೆ ಮೇಕಪ್‌ನಲ್ಲಿ ಮಹಿಳೆಯ ಫೋಟೋಗಳು ಮತ್ತು ವೀಡಿಯೊಗಳು ವೈರಲ್ ಆಗುತ್ತಿವೆ. ಅನೇಕರು ಅವರನ್ನು ವಿಶ್ವಪ್ರಸಿದ್ಧ ಮೋನಾಲಿಸಾಳೊಂದಿಗೆ ಹೋಲಿಸಿದ್ದಾರೆ. 

ಮೊನಾಲಿಸಾ ಕಣ್ಣುಗಳು ಎಲ್ಲರ ಕಣ್ಮನ ಸೆಳೆದಿದೆ.  ಮಹಾ ಕುಂಭಮೇಳಾದಲ್ಲಿ ಮಾಲೆ ಮಾರಾಟ ಮಾಡಿ ತನ್ನ ಕುಟುಂಬಕ್ಕೆ ಆದಾಯ ಗಳಿಸುತ್ತಿದ್ದಾರೆ. ತನ್ನ ಕುಟುಂಬಕ್ಕೆ ಆಸರೆಯಾಗಲು ಇಲ್ಲಿಗೆ ಬಂದಿದ್ದಾಗಿ ಹೇಳುತ್ತಾಳೆ ಮೊನಾಲಿಸಾ.

ಈ ಕೃಷ್ಣ ಸುಂದರಿ ಹರ್ಷಾ ರಿಚಾರಿಯಾ ಅವರಂತೆ ತನ್ನ ಸುಂದರ ಕಣ್ಣುಗಳು ಮತ್ತು ಸಾಂಪ್ರದಾಯಿಕ ಲುಕ್‌ಗಾಗಿ ವೈರಲ್ ಆಗುತ್ತಿದ್ದಾರೆ. ಇಬ್ಬರ ಕಣ್ಣುಗಳನ್ನು ಜನರು ಹೋಲಿಸುತ್ತಿದ್ದಾರೆ.

ಮೋನಾಲಿಸಾ ಅವರ ಸರಳತೆ, ಸೌಂದರ್ಯ ಮಹಾ ಕುಂಭಮೇಳಾ 2025 ರಲ್ಲಿ ಚರ್ಚೆಯ ವಿಷಯವಾಗಿದೆ. ಮಾಲೆ ಮಾರಾಟ ಮಾಡಿ ಜೀವನ ನಡೆಸುವುದು ಮಾತ್ರವಲ್ಲದೆ, ತನ್ನ ಸೌಂದರ್ಯದಿಂದ ಹೊಸ ಬೆಳಕನ್ನು ಹರಡುತ್ತಿದ್ದಾರೆ