ದೆಹಲಿ ಪ್ರಯೋಗಾಲಯದಲ್ಲಿ ಕಪ್ಪು ಪೆಟ್ಟಿಗೆ

ಅಹಮದಾಬಾದ್‌ನಲ್ಲಿ ಪತನಗೊಂಡ ಏರ್ ಇಂಡಿಯಾ ವಿಮಾನ AI-171 ರ ಕಪ್ಪು ಪೆಟ್ಟಿಗೆಗಳಿಂದ ಪಡೆದ ದತ್ತಾಂಶವನ್ನು ಪರಿಶೀಲಿಸಲು ದೆಹಲಿಯಲ್ಲಿರುವ ವಿಮಾನ ಅಪಘಾತ ತನಿಖಾ ಬ್ಯೂರೋ (AAIB) ಪ್ರಯೋಗಾಲಯವು ಕೆಲಸಮಾಡುತ್ತಿದೆ. 

ವಿಮಾನ ಅಪಘಾತದಸಂಪೂರ್ಣ ತನಿಖೆಯನ್ನು ಭಾರತದೊಳಗೆ ಮಾಡಲಾಗುವುದು ಮತ್ತು ಯಾವುದೇ ವಿದೇಶಿ ಸಹಾಯದ ಅಗತ್ಯವಿಲ್ಲ ಎಂದು ಕೇಂದ್ರ ಸರ್ಕಾರವು ಹೇಳಿದೆ.

 ವಿಮಾನದ ಮುಂಭಾಗದ ಕಪ್ಪು ಪೆಟ್ಟಿಗೆಯಿಂದ ಕ್ರ್ಯಾಶ್ ಪ್ರೊಟೆಕ್ಷನ್ ಮಾಡ್ಯೂಲ್ (CPM) ಅನ್ನು ಸುರಕ್ಷಿತವಾಗಿ ಹೊರತೆಗೆದು, ಮೆಮೊರಿ ಮಾಡ್ಯೂಲ್‌ಗೆ ಯಶಸ್ವಿಯಾಗಿ  ಸೇರಿಸಿ  ಡೇಟಾ AAIB ಪ್ರಯೋಗಾಲಯದಲ್ಲಿ ಇಡಲಾಗಿದೆ

ಕಪ್ಪು ಪೆಟ್ಟಿಗೆಯಿಂದ ಡೇಟಾ ಸಂಪೂರ್ಣವಾಗಿ ಮರುಪಡೆಯಬಹುದೇ ಎಂಬುದನ್ನು ಖಚಿತಪಡಿಸಲು “ಗೋಲ್ಡನ್ ಚಾಸಿಸ್” ಎಂದು ಕರೆಯುವ ಒಂದೇ ಮಾದರಿಯ ಕಪ್ಪು ಪೆಟ್ಟಿಗೆಯನ್ನೂ ಬಳಸಲಾಗಿದೆ

ಜೂನ್ 13ರಂದು ಅಪಘಾತ ಸ್ಥಳದಲ್ಲಿದ್ದ ಕಟ್ಟಡದ ಮೇಲ್ಛಾವಣಿಯಿಂದ ಕಪ್ಪು ಪೆಟ್ಟಿಗೆಯನ್ನು ಪ್ರಥಮವಾಗಿ ವಶಪಡಿಸಿಕೊಳ್ಳಲಾಯಿತು. ಬಳಿಕ ಜೂನ್ 16ರಂದು ಇನ್ನೊಂದು ಪೆಟ್ಟಿಗೆ ಅವಶೇಷಗಳಲ್ಲಿ ಸಿಕ್ಕಿತು

ಭಾರತೀಯ ವಾಯುಪಡೆ, ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್ (HAL) ಮತ್ತು ಅಮೆರಿಕದ ರಾಷ್ಟ್ರೀಯ ಸಾರಿಗೆ ಸುರಕ್ಷತಾ ಮಂಡಳಿ (NTSB)ಯ ತಾಂತ್ರಿಕ ಸದಸ್ಯರ ತನಿಖಾ ತಂಡ.  

 NTSB ತಂಡ ಈಗ ದೆಹಲಿಯಲ್ಲೇ ತಂಗಿದ್ದು, AAIB ಪ್ರಯೋಗಾಲಯದಲ್ಲಿ ಭಾರತೀಯ ಅಧಿಕಾರಿಗಳೊಂದಿಗೆ ಹತ್ತಿರದಿಂದ ಕೆಲಸ ಮಾಡುತ್ತಿದೆ. 

1944ರ ಐಸಿಎಒ ಚಿಕಾಗೋ ಸಮಾವೇಶಕ್ಕೆ ಭಾರತ ಸಹಿ ಹಾಕಿದ್ದು, ಐಸಿಎಒ ಅನುಬಂಧ13& ವಿಮಾನ(ಅಪಘಾತಗಳು & ಘಟನೆಗಳ ತನಿಖೆ) ನಿಯಮಗಳು, 2017 ರ ಪ್ರಕಾರ ಎಲ್ಲಾ ಅಂತರರಾಷ್ಟ್ರೀಯ ನಿಯಮ ಮತ್ತು ಕಾರ್ಯವಿಧಾನ  ಅನುಸರಿಸುತ್ತಿದೆ.

ಭಾರತವು ತನ್ನ ಹಾನಿಗೊಳಗಾದ ವಿಮಾನಗಳ ಕಪ್ಪು ಪೆಟ್ಟಿಗೆಯ ತನಿಖೆಗೆ ವಿದೇಶಗಳಾದ ಯುಕೆ, ಯುಎಸ್, ಫ್ರಾನ್ಸ್, ಇಟಲಿ, ಕೆನಡಾ ಅಥವಾ ರಷ್ಯಾದ ಡಿಕೋಡಿಂಗ್ ಕೇಂದ್ರಗಳಿಗೆ ಕಳುಹಿಸುತ್ತಿತ್ತು.

ದೆಹಲಿಯ AAIB ಪ್ರಯೋಗಾಲಯವು ಕಾಕ್‌ಪಿಟ್ ವಾಯ್ಸ್ ರೆಕಾರ್ಡರ್ (CVR) ಮತ್ತು ಫ್ಲೈಟ್ ಡೇಟಾ ರೆಕಾರ್ಡರ್ (FDR) ಎರಡನ್ನೂ ಡಿಕೋಡ್ ಮಾಡಲು ಸಂಪೂರ್ಣವಾಗಿ ಸಜ್ಜುಗೊಂಡಿದೆ.