ಮಂಗಳೂರಿಗೆ ಹೋದ್ರೆ ಈ 10 ಸ್ನ್ಯಾಕ್ಸ್ ಮಿಸ್ ಮಾಡ್ಬೇಡಿ!

ಅಕ್ಕಿ ಹಿಟ್ಟು, ಮೊಸರು ಮತ್ತು ಮಸಾಲೆಗಳಿಂದ ಮಾಡುವ ಗೋಳಿ ಬಜೆ, ಮಂಗಳೂರಿನ ಫೇಮಸ್ ಸ್ನ್ಯಾಕ್. ಹೊರಗಡೆ ಗರಿಗರಿ, ಒಳಗಡೆ ಮೃದುವಾಗಿರುವ ಇದು ಕಾಯಿ ಚಟ್ನಿ ಜೊತೆ ಸಖತ್ ಟೇಸ್ಟಿ.

ಮಾಗಿದ ಬಾಳೆಹಣ್ಣು ಮತ್ತು ಮೈದಾ ಹಿಟ್ಟಿನಿಂದ ಮಾಡುವ ಮಂಗಳೂರು ಬನ್ಸ್ ಸಿಹಿಯಾಗಿ, ಮೃದುವಾಗಿರುತ್ತದೆ. ಖಾರ ಚಟ್ನಿ ಜೊತೆ ಇದು ಬೆಸ್ಟ್ ಟೀ-ಟೈಮ್ ಸ್ನ್ಯಾಕ್.

ಹಲಸಿನ ಎಲೆಯಲ್ಲಿ ಬೇಯಿಸಿದ ಕಡುಬು ಈ ಕೊಟ್ಟಿಗೆ. ಇದು ಮಂಗಳೂರಿನ ಸಾಂಪ್ರದಾಯಿಕ ಹಾಗೂ ಆರೋಗ್ಯಕರ ತಿಂಡಿ. ಕಾಯಿ ಚಟ್ನಿ ಜೊತೆ ತಿಂದರೆ ಮಸ್ತ್ ಇರುತ್ತೆ.

ಕೇಸುವಿನ ಎಲೆ, ಅಕ್ಕಿ ಹಿಟ್ಟು ಮತ್ತು ಕಾಯಿತುರಿಯಿಂದ ಮಾಡುವ ಪತ್ರೊಡೆ ಖಾರ ಮತ್ತು ರುಚಿಯಾಗಿರುತ್ತದೆ. ಇದು ಮಂಗಳೂರಿನ ಫೇಮಸ್ ಡಿಶ್.

ಮಂಡಕ್ಕಿ, ತರಕಾರಿ ಮತ್ತು ಮಸಾಲೆಗಳಿಂದ ಮಾಡುವ ಚುರುಮುರಿ, ಮಂಗಳೂರಿನ ಸ್ಟ್ರೀಟ್ ಫುಡ್‌ಗಳಲ್ಲಿ ಫೇಮಸ್. ಸಂಜೆ ಟೈಮ್‌ಗೆ ಹೇಳಿ ಮಾಡಿಸಿದ ಸ್ನ್ಯಾಕ್.

ದೀವಿ ಹಲಸಿನ (ಬ್ರೆಡ್ ಫ್ರೂಟ್) ಸ್ಲೈಸ್‌ಗಳಿಗೆ ಮಸಾಲೆ ಸವರಿ, ಎಣ್ಣೆಯಲ್ಲಿ ಕರಿಯುವ ಈ ಗುಜ್ಜೆ ಪೋಡಿ ಗರಿಗರಿಯಾಗಿ, ರುಚಿಯಾಗಿರುತ್ತದೆ.

ಮೈದಾ ಹಿಟ್ಟಿನ ಪೂರಿ ಒಳಗೆ ಮಸಾಲೆಯುಕ್ತ ರವೆ ತುಂಬಿ ಮಾಡುವ ಬಿಸ್ಕತ್ ರೊಟ್ಟಿ, ಹೊರಗಡೆ ಗರಿಗರಿ ಮತ್ತು ಒಳಗಡೆ ಮೃದುವಾಗಿರುತ್ತದೆ. ಚಟ್ನಿ ಜೊತೆ ಮಸ್ತ್ ಟೇಸ್ಟ್.

ಬಿಸ್ಕತ್ ರೊಟ್ಟಿ ತರಾನೇ ಇರುವ ಸಂಜೀರ ಒಂದು ಸಿಹಿ ಪೂರಿ. ಮೈದಾ ಹಿಟ್ಟಿನಿಂದ ಮಾಡಿ, ಒಳಗೆ ಸಿಹಿ ಹೂರಣ ತುಂಬಿ ಎಣ್ಣೆಯಲ್ಲಿ ಕರಿಯುತ್ತಾರೆ.

ಮಂಗಳೂರು ವಡೆ ಎಂದೇ ಕರೆಯುವ ಚಟ್ಟಂಬಡೆ ಕಡ್ಲೆಬೇಳೆ ಮತ್ತು ಮಸಾಲೆಗಳಿಂದ ಮಾಡುತ್ತಾರೆ. ಸಂಜೆ ಟೀ ಜೊತೆ ತಿನ್ನಲು ಇದು ಬೆಸ್ಟ್ ಆಪ್ಷನ್.

ಈರುಳ್ಳಿಯನ್ನು ಕಡಲೆ ಹಿಟ್ಟಿನ ಬ್ಯಾಟರ್‌ನಲ್ಲಿ ಅದ್ದಿ ಕರಿಯುವ ನೀರುಳ್ಳಿ ಬಜೆ ಮಳೆಗಾಲದಲ್ಲಿ ಟೀ ಜೊತೆ ತಿನ್ನಲು ಸೂಪರ್.