ಸಾಮಾಜಿಕ ಜಾಲತಾಣದಲ್ಲಿ ವೈರಲ್

ಕನ್ನಡದ ಜನಪ್ರಿಯ ಧಾರಾವಾಹಿ 'ಕರ್ಣ' ತೆರೆಯ ಹಿಂದಿನ ಒಂದು ಸುಂದರ ದೃಶ್ಯ ಈಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ.

ಧಾರಾವಾಹಿಯ ಕಥೆಯ ಪ್ರಕಾರ, ಅತ್ತೆ ಮಾಲತಿ ನಿಧಿ ಜೊತೆ ಹೆಚ್ಚು ಕ್ಲೋಸ್ ಆಗಿರುತ್ತಾರೆ. ಆದರೆ ಇದೀಗ ಶೂಟಿಂಗ್ ಸೆಟ್‌ನಲ್ಲಿ ನಿತ್ಯಾ ಮತ್ತು ಮಾಲತಿ ಹೆಚ್ಚು ಆಪ್ತರಾಗಿರುವುದನ್ನು ಕಂಡು ಫ್ಯಾನ್ಸ್ ಫುಲ್ ಖುಷ್ ಆಗಿದ್ದಾರೆ.

ನಮ್ರತಾ ಪಿಂಕ್ ಕಲರ್ ಸೀರೆ ಧರಿಸಿರುವ ಫೋಟೋಗಳು ಸಿಕ್ಕಾಪಟ್ಟೆ ವೈರಲ್ ಆಗಿವೆ. ಈ ಫೋಟೋದಲ್ಲಿ ಸೀರಿಯಲ್‌ನಲ್ಲಿ ನಿತ್ಯಾ ಅತ್ತೆಯಾಗಿರುವ ಮಾಲತಿ ಪಾತ್ರಧಾರಿ ವರಲಕ್ಷ್ಮೀ ಅವರು ಸೀರೆ ಸರಿಪಡಿಸುತ್ತಿರುವುದು ಕಂಡುಬಂದಿದೆ.

ತೆರೆಯ ಮೇಲೆ ಏನೇ ಇದ್ದರೂ, ಶೂಟಿಂಗ್ ಮುಗಿದ ಮೇಲೆ ಅವರಿಬ್ಬರೂ ತಾಯಿ-ಮಗಳಂತೆ ಇರುವುದನ್ನು ಕಂಡು ಅಭಿಮಾನಿಗಳು ಪ್ರಶಂಸೆ ವ್ಯಕ್ತಪಪಡಿಸುತ್ತಿದ್ದಾರೆ.

"ಬೊಂಬೆಯಂತೆ ಕಾಣುತ್ತಿದ್ದೀರಿ", "ಅತ್ತೆ-ಸೊಸೆ ಅಂದರೆ ಹೀಗಿರಬೇಕು", "ಬ್ಯುಟಿಫುಲ್ ಬಾಂಡಿಂಗ್" ಎಂದೆಲ್ಲಾ ನೆಟ್ಟಿಗರು ಕಾಮೆಂಟ್ ಮಾಡಿರುವುದನ್ನು ನಾವಿಲ್ಲಿ ನೋಡಬಹುದು.

ಒಟ್ಟಿನಲ್ಲಿ 'ಕರ್ಣ' ಸೀರಿಯಲ್‌ನಲ್ಲಿ ಅತ್ತೆ-ಸೊಸೆಯಾಗಿರುವ ಇವರಿಬ್ಬರೂ ಆಫ್‌ಸ್ಕ್ರೀನ್‌ನಲ್ಲಿ ಈ ರೀತಿ ಕಾಣಿಸಿಕೊಂಡಿರುವುದು ಈಗ ಎಲ್ಲರ ಗಮನ ಸೆಳೆಯುತ್ತಿದೆ.