ಉಗಾಂಡದಲ್ಲಿ ವಸುಂಧರಾ ಒಸ್ವಾಲ್ ಬಂಧನ: ಕುಟುಂಬದ ಆತಂಕ

ಭಾರತೀಯ ಮೂಲದ ಬಿಲಿಯನೇರ್ ಉದ್ಯಮಿ ಪಂಕಜ್ ಒಸ್ವಾಲ್ ಪುತ್ರಿ ವಸುಂಧರಾ ಒಸ್ವಾಲ್  ಬಿಡುಗಡೆ ಯಾವಾಗವೆಂಬುದು ತಿಳಿದಿಲ್ಲ. ಇಡೀ ಕುಟುಂಬ ಚಿಂತೆಯಲ್ಲಿದೆ. ಮಗಳಿಗಾಗಿ ತಂದೆ ಎಲ್ಲೆಡೆ ಸಹಾಯಕ್ಕಾಗಿ ಮನವಿ ಮಾಡುತ್ತಿದ್ದಾರೆ.  

ಭಾರತೀಯ ಮೂಲದ ಸ್ವಿಸ್ ಉದ್ಯಮಿ ಪಂಕಜ್ ಒಸ್ವಾಲ್ ಅವರ 26 ವರ್ಷದ ಪುತ್ರಿ ವಸುಂಧರಾ ಒಸ್ವಾಲ್ ಅವರನ್ನು ಉಗಾಂಡದಲ್ಲಿ ಅಕ್ರಮವಾಗಿ ಬಂಧಿಸಲಾಗಿದೆ. ಇಲ್ಲಿಯವರೆಗೆ ಅವರ ಬಿಡುಗಡೆಯ ಭರವಸೆ ಇಲ್ಲ.

ವಸುಂಧರಾ ಒಸ್ವಾಲ್ PRO ಇಂಡಸ್ಟ್ರೀಸ್‌ನ ಕಾರ್ಯನಿರ್ವಾಹಕ ನಿರ್ದೇಶಕಿ. ಅ.1ರಿಂದ ಯಾವುದೇ ವಿಚಾರಣೆ ಇಲ್ಲದೆ ಅವರನ್ನು ಬಂಧಿಸಲಾಗಿದೆ ಎಂಬ ಆರೋಪವಿದೆ. ಅಲ್ಲಿ ಅವರೊಂದಿಗೆ ದುರ್ವರ್ತನೆ ನಡೆಯುತ್ತಿದೆ, ಜೀವನ ನರಕವಾಗಿದೆ

ವಸುಂಧರಾರನ್ನು ಉಗಾಂಡದಲ್ಲಿರುವ ಕಾರ್ಖಾನೆಯಿಂದಲೇ ಬಂಧಿಸಲಾಗಿದೆ.  ಸುಮಾರು 20 ಸಶಸ್ತ್ರ ವ್ಯಕ್ತಿಗಳು ಅವರನ್ನು ಹಿಡಿದುಕೊಂಡು ಹೋಗಿದ್ದಾರೆ. ಕಾರ್ಪೊರೇಟ್ ಮತ್ತು ರಾಜಕೀಯ ಹಸ್ತಕ್ಷೇಪದಿಂದ ಮಗಳ ಬಂಧನ ತಂದೆ ಹೇಳಿದ್ದಾರೆ.

ಪಂಕಜ್ ಒಸ್ವಾಲ್ ಹೇಳುವಂತೆ ಅವರ ಮಾಜಿ ಉದ್ಯೋಗಿಗೆ ಸಾಲಕ್ಕಾಗಿ ಅವರ ಕುಟುಂಬವು ಖಾತರಿ ನೀಡದಿದ್ದಾಗ ಅವರು ವಸುಂಧರಾ ವಿರುದ್ಧ ಸುಳ್ಳು ಆರೋಪಗಳನ್ನು ಮಾಡಿದರು. ಈಗ ಆ ವ್ಯಕ್ತಿ ಉಗಾಂಡದಿಂದ ಪರಾರಿಯಾಗಿದ್ದಾನೆ.

ಪಂಕಜ್ ಒಸ್ವಾಲ್ ಉಗಾಂಡದ ವಿರುದ್ಧ ವಿಶ್ವಸಂಸ್ಥೆಯಲ್ಲಿ (UN) ಮನವಿ ಸಲ್ಲಿಸಿದ್ದಾರೆ. ವಸುಂಧರಾ ಅವರೊಂದಿಗೆ ಯಾವುದೇ ಸಂಪರ್ಕವಿಲ್ಲ ಮತ್ತು ಕಾನೂನು ನೆರವು ಸಿಗುತ್ತಿಲ್ಲ ಎಂದು ಹೇಳಿದ್ದಾರೆ.

ಮಾಧ್ಯಮ ವರದಿಗಳ ಪ್ರಕಾರ, ಪಂಕಜ್ ಒಸ್ವಾಲ್ ಅವರ ಮನವಿಯ ಮೇರೆಗೆ ಭಾರತ ಸರ್ಕಾರ ಅಥವಾ UN ನ ಯಾವುದೇ ಅಧಿಕಾರಿ ಇದುವರೆಗೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಕುಟುಂಬವು ಎಲ್ಲೆಡೆ ಮನವಿ ಮಾಡುತ್ತಿದೆ.