News Hour: ಬೆಂಗಳೂರು ಜನರಿಗೆ ಕಳಪೆ ಮಟನ್, ಅಬ್ದುಲ್ ರಜಾಕ್ಗೆ ಕಮಿಷನ್..?
ಬೆಂಗಳೂರು ಮಟನ್ ಮಾಫಿಯಾ ಸೀಕ್ರೆಟ್ ಬಯಲಾಗಿದೆ. ಪ್ರತಿ ಬಾಕ್ಸ್ಗೂ ಅಬ್ದುಲ್ ರಜಾಕ್ಗೆ ಕಮೀಷನ್‌ ಸಿಗಲಿದೆ ಎನ್ನುವ ಆರೋಪವೂ ಇದೆ. ಮಾಂಸ ದಂಧೆ ವಿರುದ್ಧ ದೂರು ಕೊಟ್ಟವರೇ ಟಾರ್ಗೆಟ್ ಈಗ ಟಾರ್ಗೆಟ್ ಆಗಿದ್ದಾರೆ.
ಬೆಂಗಳೂರು (ಜು.27): ಬೆಂಗಳೂರು ಮಟನ್ ಮಾಫಿಯಾ ಸದ್ದು ಮಾಡುತ್ತಿದೆ. ರಾಜಸ್ಥಾನದಿಂದ ಬೆಂಗಳೂರಿಗೆ ವಾರದಲ್ಲಿ ಮೂರು ದಿನ ಸಾಗಾಟ ಮಾಡುತ್ತಿದ್ದರು ಎನ್ನುವುದು ಗೊತ್ತಾಗಿದೆ. ರಾಜಸ್ಥಾನದ ಶಿಖರ್ ಜಿಲ್ಲೆಯಿಂದ ಬೆಂಗಳೂರಿಗೆ ಮಾಂಸ ರವಾನೆ ಆಗುತ್ತಿತ್ತು.
ರಾಜಸ್ಥಾನದ ಶಿಖರ್ ಜಿಲ್ಲೆಯಲ್ಲಿರುವ ಗೋಡೌನ್ನಿಂದ ಜೈಪುರ ರೈಲ್ವೆ ನಿಲ್ದಾಣಕ್ಕೆ ಕನಿಷ್ಠ 2 ಗಂಟೆ ಪ್ರಯಾಣದ ಬಳಿಕ ರೈಲಿಗೆ ಲೋಡ್‌ ಆಗುತ್ತಿತ್ತು. ಜೈಪುರ ರೈಲ್ವೆ ನಿಲ್ದಾಣದಿಂದ ಗೂಡ್ಸ್ ಅಥವಾ ಪ್ಯಾಸೆಂಜರ್‌ ರೈಲ್ವೆ ಮೂಲಕ ಬೆಂಗಳೂರಿಗೆ ಬರುತ್ತಿತ್ತು ಎನ್ನಲಾಗಿದೆ. ಜೈಪುರದಿಂದ ಬೆಂಗಳೂರಿಗೆ ಟ್ರೈನ್ ಬರಲು 40-45 ಗಂಟೆ ಬೇಕಿದೆ. ಆ ಬಳಿಕ ಬೆಂಗಳೂರು ರೈಲು ನಿಲ್ದಾಣದಿಂದ ಶಿವಾಜಿನಗರಕ್ಕೆ ಮಾಂಸ ಶಿಫ್ಟ್ ಆಗುತ್ತಿತ್ತು.
ಬೆಂಗಳೂರಲ್ಲಿ ಪ್ರತಿ ಕೆ.ಜಿ ಮಟನ್‌ಗೆ 750 ರೂ., ಆದರೆ ರಾಜಸ್ಥಾನದಿಂದ ತರಿಸಿಕೊಳ್ಳೋ 450 ರೂ. ಮಾಂಸ ಯಾವುದು?
ಈ ಮಾಂಸ ದಂಧೆಯಲ್ಲಿ ಅಬ್ದುಲ್ ರಜಾಕ್ಗೆ ಒಂದು ಬಾಕ್ಸ್ಗೆ 500 ರೂಪಾಯಿಯಂತೆ ಕಮೀಷನ್‌ ಸಿಗುತ್ತಿತ್ತು. ಒಂದು ಬಾಕ್ಸ್ನಲ್ಲಿ 50 ರಿಂದ 60 ಕೆಜಿ ಕುರಿ ಮಾಂಸ ಸಾಗಿಸಲಾಗುತ್ತದೆ. ಜೈಪುರದಿಂದ ತಂದು ಬೆಂಗಳೂರಲ್ಲಿ ಮಾರಿದರೆ, 30 ಸಾವಿರ ವ್ಯವಹಾರ ಆಗತ್ತಿತ್ತು.
