ಪ್ರೇಯಸಿ ಕೊಂದು ಎರಡು ದಿನ ಪಕ್ಕದಲ್ಲೇ ಮಲಗಿದ್ದ: ಅಸ್ಸಾಮಿ ಸುಂದರಿಯನ್ನ ಬರ್ಬರವಾಗಿ ಹತ್ಯೆಗೈದಿದ್ದೇಕೆ?

ಬೆಂಗಳೂರು(ಡಿ.01):  ಅವಳು ದೂರದ ಅಸ್ಸಾಂನವಳು.. ವರ್ಷಗಳ ಹಿಂದೆ ಬೆಂಗಳೂರಿಗೆ ಬಂದು ಇಲ್ಲೇ ಕೆಲಸ ಗಿಟ್ಟಿಸಿಕೊಂಡು ತನ್ನ ಪಾಡಿಗೆ ತಾನು ಇದ್ದಳು.. ಆದರೆ ಆವತ್ತು ಅದೇ ಯುವತಿ ಇಂದಿರಾನಗರದ ಸರ್ವೀಸ್​​ ಅಪಾರ್ಟ್​ಮೆಂಟ್​​ವೊಂದರಲ್ಲಿ ಹೆಣವಾಗಿ ಸಿಕ್ಕಿದ್ದಳು.. ಆಕೆಯನ್ನ ಹಂತಕ ಬರ್ಬರವಾಗಿ ಕೊಂದು ಎಸ್ಕೇಪ್​ ಆಗಿದ್ದ.. ಇನ್ನೂ ಇದೇ ಸುಂದರಿಯ ಕೊಲೆ ಕೇಸ್​ನ ತನಿಖೆ ನಡೆಸಿದ ಪೊಲೀಸರು ಕೊನೆಗೂ ಹಂತಕನ ಹೆಡೆಮುರಿ ಕಟ್ಟಿದ್ದಾರೆ.. ಆತ ಹೇಳಿದ ಒಂದೊಂದು ಮಾತು ಪೊಲೀಸರನ್ನೇ ಥಂಡಾ ಹೊಡೆಸಿದೆ.. ಅಷ್ಟಕ್ಕೂ ಅಲ್ಲಿ ಕೊಲೆಯಾದವಳು ಯಾರು..? ಕೊಲೆಗಾರ ಯಾರು..? ಯಾಕಾಗಿ ಕೊಲೆ ಮಾಡಿದ..? ಒಬ್ಬ ಸುಂದರ ಯುವತಿಯ ಮರ್ಡರ್​​ ಮಿಸ್ಟರಿಯೇ ಇವತ್ತಿನ ಎಫ್​​.ಐ.ಆರ್

ಯಸ್​​.. ಸರ್ವೀಸ್​​ ಅಪಾರ್ಟ್​ಮೆಂಟ್​​ಗೆ ಬಾಯ್​ಫ್ರೆಂಡ್​​ ಜೊತೆ ಖುಷಿ ಖುಷಿಯಾಗಿ ಬಂದ ಮಾಯಾ ಆತನಿಂದಲೇ ಹೆಣವಾಗಿಬಿಟ್ಟಿದ್ದಳು.. ಇನ್ನೂ ಆಕೆಯನ್ನ ಕೊಲೆ ಮಾಡಿ ಎಸ್ಕೇಪ್​ ಆಗಿದ್ದ ಆರವ್​​​​​ ನಾಲಕ್ಕು ದಿನಗಳ ನಂತರ ಅರೆಸ್ಟ್​ ಆದ.. ಆತನನ್ನ ವಿಚಾರಣೆ ಮಾಡಿದಾಗ ಆತನ ಕಥೆ ಕೇಳಿ ಪೊಲೀಸರು ಒಂದು ಕ್ಷಣ ಶಾಕ್​​ ಆಗಿದ್ರು.. ಹಾಗಾದ್ರೆ ಆರವ್​ ಪ್ರೀತಿಸಿದವಳನ್ನೇ ಕೊಂದಿದ್ದೇಕೆ..?. 

20 ವರ್ಷದವಳಿಗೆ 45 ವರ್ಷದ ಅಂಕಲ್​ ಮೇಲೆ ಲವ್: ಬಲವಂತಕ್ಕೆ ಮದುವೆಯಾದವನಿಗೆ ಸಾವಿನ ಗಿಫ್ಟ್​​​!

ಆತ 5 ತಿಂಗಳಿಗೇ ತಂದೆಯನ್ನ ಕಳೆದುಕೊಂಡ.. ತಾಯಿ ಗಂಡ ಸತ್ತ ಒಂದೇ ವರ್ಷದಲ್ಲಿ ಎರಡನೇ ಮದುವೆಯಾದಳು... ಪ್ರೀತಿಯ ಹುಡುಕಾಟದಲ್ಲೇ ಆರವ್​​ ಬೆಳೆದಿದ್ದ.. ಪರಿಸ್ಥಿತಿ ಹೀಗಿರುವಾಗ್ಲೇ ವರ್ಷಗಳ ಹಿಂದೆ ತಾಯಿ ಎರಡನೇ ಗಂಡನಿಗೂ ಸೋಡ ಚೀಟಿ ಕೊಟ್ಟು ಮೂರನೇ ಮದುವೆಯಾದಳು.. ಅಷ್ಟೇ ಅಲ್ಲ ಎದೆ ಎತ್ತರಕ್ಕೆ ಬೆಳೆದ ಮಗನ್ನಿದ್ರೂ ಮತ್ತೊಂದು ಮಗು ಮಾಡಿಕೊಂಡಳು.. ಇದು ಆರವ್​​ನ ಕುಗ್ಗಿಸಿಬಿಟ್ಟಿತ್ತು.. ಹೀಗಿರುವಾಗ್ಲೇ ಈತನಿಗೆ ಸಿಕ್ಕಿದ್ದು ಮಾಯಾ.. ಅವಳು ಇವನ ಲೈಫ್​​ಗೆ ಬಂದ ಮೇಲೆ ಈತ ಖುಷಿ ಖುಷಿಯಾಗಿದ್ದ.. ಆದ್ರೆ ಮೊನ್ನೆ ಸರ್ವೀಸ್​​ ಅಪಾರ್ಟ್​ಮೆಂಟ್​​ಗೆ ಹೋದಾಗ ಅವಳ ಮೊಬೈಲ್​ಗೆ ಬಂದಿದ್ದ ಮೆಸೆಜ್​ಗಳು ಆರವ್​ನ ತಲೆಕಡಸುವಂತೆ ಮಾಡಿತ್ತು.. ತಾನು ಪ್ರೀತಿಸಿದವರೆಲ್ಲಾ ನನಗೆ ಮೋಸ ಮಅಡಿದ್ರಲ್ಲಾ ಅನ್ನೋ ಸಿಟ್ಟಿನಲ್ಲಿ  ಅವಳನ್ನೇ ಮುಗಿಸೋದಕ್ಕೇ ನಿರ್ಧರಿಸಿಬಿಟ್ಟ.

ಕಷ್ಟದಿಂದಲೇ ಬದುಕು ಕಟ್ಟಿಕೊಂಡು ಬಂದಿದ್ದ ಆರವ್​​​ಗೆ ಮಾಯಾ ಪ್ರೀತಿ ಹೊಸ ಹುರುಪನ್ನು ಕೊಟ್ಟಿತ್ತು. ಆದ್ರೆ ಆಕೆ ದೂರವಾಗ್ತಾಳೆ ಅನ್ನೋ ನೋವನ್ನು ಈತನಿಂದ ಅರಗಿಸಿಕೊಳ್ಳಲು ಸಾಧ್ಯವಾಗಲೇ ಇಲ್ಲ. ಇದೇ ಕಾರಣಕ್ಕೆ ಮಾಯಾಳನ್ನು ಕೊಂದು ಮುಗಿಸಿದ. ಬಾಳಿ ಬದುಕಬೇಕಿದ್ದ ಎರಡು ಜೀವಗಳು ಅವು. ಆದ್ರೆ ಮಾಯ ಹೆಣವಾದ್ರೆ ಆತ ಜೈಲು ಸೇರಿದ್ದಾನೆ.