Budget 2023: ಕ್ರೀಡಾ ಕ್ಷೇತ್ರಕ್ಕೆ ಬಂಪರ್ ನೀಡಿದ ಕೇಂದ್ರ ಬಜೆಟ್, ದಾಖಲೆಯ ಮೊತ್ತ ಮೀಸಲು..!
ಕ್ರೀಡಾ ಕ್ಷೇತ್ರಕ್ಕೆ ಟಾನಿಕ್ ನೀಡಿದ ಕೇಂದ್ರ ಬಜೆಟ್
ಕೇಂದ್ರ ಸರ್ಕಾರವು ದಾಖಲೆಯ 3397.32 ಕೋಟಿ ರುಪಾಯಿ ಅನುದಾನ
ಏಷ್ಯನ್ ಗೇಮ್ಸ್‌ ಹಾಗೂ ಒಲಿಂಪಿಕ್ಸ್‌ ಗೇಮ್ಸ್‌ ಗಮನದಲ್ಲಿಟ್ಟುಕೊಂಡು ಹೆಚ್ಚುವರಿ ಅನುದಾನ ಮೀಸಲು
ನವದೆಹಲಿ(ಫೆ.01): ಕೇಂದ್ರ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಇಂದು ಲೋಕಸಭೆಯಲ್ಲಿ ಬಹುನಿರೀಕ್ಷಿತ ಬಜೆಟ್ ಮಂಡಿಸಿದ್ದು, ದೇಶದ ಅಥ್ಲಿಟ್‌ಗಳಿಗೆ ಸಿಹಿ ಸುದ್ದಿ ನೀಡಿದ್ದಾರೆ. ಮುಂಬರುವ ಏಷ್ಯನ್ ಗೇಮ್ಸ್‌ ಹಾಗೂ ಒಲಿಂಪಿಕ್ಸ್‌ ಗೇಮ್ಸ್‌ಗಳನ್ನು ಗಮನದಲ್ಲಿಟ್ಟುಕೊಂಡು ಕೇಂದ್ರ ಸರ್ಕಾರವು ದಾಖಲೆಯ 3397.32 ಕೋಟಿ ರುಪಾಯಿಗಳನ್ನು 2023-24ರ ಅವಧಿಗೆ ಮೀಸಲಿಟ್ಟಿದೆ.
ಹೌದು, ಕಳೆದ ವರ್ಷದ ಬಜೆಟ್‌ನಲ್ಲಿ ಕ್ರೀಡಾಕ್ಷೇತ್ರದಲ್ಲಿ ಮೀಸಲಿಟ್ಟ ಹಣಕ್ಕಿಂತ ಈ ಬಾರಿ 300 ಕೋಟಿ ರುಪಾಯಿ ಹೆಚ್ಚುವರಿ ಹಣವನ್ನು ಮೀಸಲಿಟ್ಟಿದೆ. 2022-23ನೇ ಸಾಲಿನ ಬಜೆಟ್‌ನಲ್ಲಿ ಕೇಂದ್ರ ಸರ್ಕಾರವು, ಕ್ರೀಡಾ ಕ್ಷೇತ್ರಕ್ಕೆ 3062.60 ಕೋಟಿ ರುಪಾಯಿಗಳನ್ನು ಮೀಸಲಿಟ್ಟಿತ್ತು. 2023ರಲ್ಲಿ ಏಷ್ಯನ್ ಗೇಮ್ಸ್‌ ನಡೆಯಲಿದ್ದು, 2024ರಲ್ಲಿ ಪ್ಯಾರಿಸ್ ಒಲಿಂಪಿಕ್ಸ್‌ ನಡೆಯಲಿದ್ದು, ಈ ಮಹತ್ತರ ಕ್ರೀಡಾಕೂಟಗಳನ್ನು ಗಮನದಲ್ಲಿಟ್ಟುಕೊಂಡು ಕೇಂದ್ರ ಸರ್ಕಾರವು ಈ ಬಾರಿ 334.72 ಕೋಟಿ ರುಪಾಯಿಗಳನ್ನು ಹೆಚ್ಚುವರಿಯಾಗಿ ಕ್ರೀಡಾಕ್ಷೇತ್ರಕ್ಕೆ ಮೀಸಲಿಟ್ಟಿದೆ.
ಈ ವರ್ಷದ ಕ್ರೀಡಾಕ್ಷೇತ್ರದ ಬಜೆಟ್‌ನ್ನು ಈ ರೀತಿ ಹಂಚಿಕೆ ಮಾಡಲಾಗಿದೆ:
ರಾಷ್ಟ್ರೀಯ ಕ್ರೀಡಾ ಕ್ಷೇತ್ರಗಳಿಗೆ ಅನುದಾನ:
2023- 325 ಕೋಟಿ ರುಪಾಯಿ
2022- 280 ಕೋಟಿ ರುಪಾಯಿ
ಖೇಲೋ ಇಂಡಿಯಾ ಕ್ರೀಡಾಕೂಟಕ್ಕೆ
2023- 1000 ಕೋಟಿ ರುಪಾಯಿ
2022 - 974 ಕೋಟಿ ರುಪಾಯಿ
ಒಟ್ಟಾರೆ ಕೇಂದ್ರ ವಲಯದ ಯೋಜನೆಗಳಿಗೆ
2023- 1913.51 ಕೋಟಿ ರುಪಾಯಿ
2022- 1832.50 ಕೋಟಿ ರುಪಾಯಿ
Union Budget 2023 ಸೀತಾರಾಮನ್ ಮಂಡಿಸಿದ ಬಜೆಟ್‌ನಲ್ಲಿನ ಅತೀ ದೊಡ್ಡ ಘೋಷಣೆ ಪಟ್ಟಿ!
ಕ್ರೀಡಾಪಟುಗಳಿಗೆ ಪ್ರೋತ್ಸಾಹದಾಯಕ ಬಹುಮಾನಳಿಗೆ: ಕ್ರೀಡಾಪಟುಗಳಿಗೆ ಇನ್ಸೆಟಿವ್ಸ್, ನ್ಯಾಷನಲ್ ಸ್ಪೋರ್ಟ್ಸ್ ಡೆವಲ್ಪಮೆಂಟ್‌ ಫಂಡ್ ಮತ್ತು ಕ್ರೀಡಾಪಟುಗಳಿಗೆ ನ್ಯಾಷನಲ್ ವೆಲ್ಫೇರ್ ಫಂಡ್
2023- 62 ಕೋಟಿ ರುಪಾಯಿ
2022- 73 ಕೋಟಿ ರುಪಾಯಿ
SAI ಗೆ ಬಂಪರ್ ಬಜೆಟ್:
ರಾಷ್ಟ್ರೀಯ ಕ್ರೀಡಾ ಪ್ರಾಧಿಕಾರ(The Sports Authority of India)ಕ್ಕೆ ಬಂಪರ್ ಬಜೆಟ್ ಎನಿಸಿಕೊಂಡಿದ್ದು, ಏಷ್ಯನ್ ಗೇಮ್ಸ್‌ ಹಾಗೂ ಒಲಿಂಪಿಕ್ಸ್‌ ಗೇಮ್ಸ್‌ಗೆ ಅರ್ಹತೆ ಪಡೆದವರಿಗೆ ಈ ಬಜೆಟ್‌ನಲ್ಲಿ ಮೀಸಲಿಟ್ಟ ಅನುದಾನ ನೆರವಾಗಲಿದೆ.ಈ ವರ್ಷ ಸಾಯ್‌ಗೆ ಕೇಂದ್ರ ಬಜೆಟ್‌ನಲ್ಲಿ 785.52 ಕೋಟಿ ರುಪಾಯಿ ಮೀಸಲಿಡಲಾಗಿದೆ. ಕಳೆದ ವರ್ಷದ ಬಜೆಟ್‌ನಲ್ಲಿ ಸಾಯ್‌ಗೆ ನೀಡಲಾಗುವ ಅನುದಾನದಲ್ಲಿ 7.41 ಕೋಟಿ ರುಪಾಯಿಗಳನ್ನು ಕಡಿತಗೊಳಿಸಲಾಗಿತ್ತು. ಆದರೆ ಈ ಬಾರಿ ಬರೋಬ್ಬರಿ 132.52 ಕೋಟಿ ರುಪಾಯಿಗಳನ್ನು ಹೆಚ್ಚುವರಿಯಾಗಿ ಬಜೆಟ್‌ಗೆ ಮೀಸಲಿಡಲಾಗಿದೆ
ಕ್ರೀಡಾಪರಿಕರಗಳ ಮೇಲೆ ಜಿಎಸ್‌ಟಿ:
ಕೆಲವು ಆಯ್ದ ಕ್ರೀಡಾಪರಿಕರಗಳ ಮೇಲೆ ಕೇಂದ್ರ ಸರ್ಕಾರವು ಅತಿಹೆಚ್ಚು ಜಿಎಸ್‌ಟಿಯನ್ನು ವಿಧಿಸಿರುವುದು ಕ್ರೀಡಾಪಟುಗಳ ಪಾಲಿಗೆ ಬಿಸಿ ತುಪ್ಪವಾಗಿ ಪರಿಣಮಿಸಿತ್ತು. ಈ ಕುರಿತಂತೆ ಅಂತಹ ಕ್ರೀಡಾಪರಿಕರಗಳ ಮೇಲೆ ಜಿಎಸ್‌ಟಿಯನ್ನು ಕಡಿತಗೊಳಿಸಬೇಕು ಎಂದು ಆಗ್ರಹಿಸಿದ್ದರು. ಸರ್ಕಾರ ಈ ಬಗ್ಗೆ ಯಾವ ಕ್ರಮ ತೆಗೆದುಕೊಳ್ಳಲಿದೆ ಎನ್ನುವುದನ್ನು ಕಾದು ನೋಡಬೇಕಿದೆ.
