ಆರ್‌. ಕೇಶ​ವ​ಮೂ​ರ್ತಿ

ಹಾಸ್ಯದ ಹೆಸ​ರಿ​ನಲ್ಲಿ ಒಂದಿಷ್ಟುಕಳಪೆ ಸಂಭಾ​ಷ​ಣೆ​ಗಳು, ಪೇಲವ ಎನಿ​ಸುವ ತಾಂತ್ರಿಕತೆ, ಕತೆಗೆ ಅಗ​ತ್ಯ​ವಿ​ಲ್ಲದೆ ಬರುವ ದೃಶ್ಯ​ಗಳು, ಅಭಿ​ನಯ ಅಂದರೆ ಕ್ಯಾಮೆರಾ ಮುಂದೆ ಬಂದು ಹೋಗು​ವುದು ಎಂದು​ಕೊಂಡಿ​ರುವ ಪಾತ್ರ​ಧಾ​ರಿ​ಗಳು ಇದಿ​ಷ್ಟನ್ನು ಒಂದು ತಕ್ಕ​ಡಿ​ಯಲ್ಲಿ ಹಾಕುವ ಸಾಹಸ ಮಾಡಿ​ದ್ದಾರೆ ನಿರ್ದೇ​ಶಕ ಗೋಪಿ​ಕೆ​ರೂರ್‌. ಯಾವ ತಯಾ​ರಿ​ಗಳೂ ಇಲ್ಲದೆ ಸಿನಿಮಾ ಮಾಡಿ​ಬಿ​ಡ​ಬ​ಹುದು ಎಂಬು​ದನ್ನು ಹೇಳು​ವು​ದ​ಕ್ಕಾ​ಗಿಯೇ ಈ ಚಿತ್ರ ಮಾಡಿ​ದಂತಿ​ದೆ!

ಚಿತ್ರ ವಿಮರ್ಶೆ: ದ್ರೋಣ

ಬಹು​ತೇಕ ಸಿನಿಮಾ ಉತ್ತರ ಕರ್ನಾ​ಟ​ಕದ ಭಾಗ​ದಲ್ಲೇ ನಡೆ​ದಿದೆ. ಆದರೆ, ಚಿತ್ರದ ನಾಯಕ ಮತ್ತು ನಾಯಕಿ ಪಾತ್ರ​ಧಾ​ರಿ​ಗಳ ಮೂಲ ಆ ಭಾಗ​ವಲ್ಲ. ಹೀಗಾಗಿ ಅವರು ಅಲ್ಲಿನ ಭಾಷೆ ಮಾತ​ನಾ​ಡಲು ತುಂಬಾ ಕಷ್ಟ​ಪ​ಟ್ಟಿ​ರುವುದು ಚಿತ್ರದ ಪ್ರತಿ ದೃಶ್ಯ​ದಲ್ಲೂ ಕಾಣು​ತ್ತದೆ. ಅಪ್ಪ​ನಿ​ಲ್ಲದೆ ಅಮ್ಮ ಹಾರೈ​ಕೆ​ಯಲ್ಲಿ ಬೆಳದ ಹುಡು​ಗನ. ಊರಿ​ನಲ್ಲಿ ಭಜನೆ ಮಾಡಿ​ಕೊಂಡು ಇರು​ತ್ತಾನೆ. ಇಂಥ​ವನು ಊರಾ ಗೌಡ​ನ ಹೆಂಡತಿ ಜತೆ ಮಾತ​ನಾ​ಡಿದ ಅನ್ನುವ ಕಾರ​ಣಕ್ಕೆ ಅವ​ನಿಗೆ ಮದುವೆ ಮಾಡಲು ಊರ ಜನ ನಿರ್ಧ​ರಿ​ಸು​ತ್ತಾರೆ. ತಮ್ಮ ಮಗ​ನಿಗೆ ಮದುವೆ ಮಾಡದೆ ಹೋದರೆ ಊರು ಬಿಟ್ಟು ಹೋಗ​ಬೇ​ಕಾ​ಗು​ತ್ತದೆ ಎನ್ನುವ ಚಿಂತೆ​ಯ​ಲ್ಲಿ​ರು​ವ ನಾಯ​ಕನ ತಾಯಿ. ಮುಂದೆ ಆ ಊರಿನ ಶಾಲಾ ಶಿಕ್ಷ​ಕಿ​ಯಾಗಿ ಬರುವ ನಾಯಕಿ ಜತೆ ನಾಯ​ಕನ ಸ್ನೇಹ- ಪ್ರೀತಿ ಸಾಗು​ತ್ತದೆ. ಆದರೆ, ಆಕೆ ನಾಯ​ಕನ ಪ್ರೀತಿ ಸ್ವೀಕ​ರಿ​ಸುವ ಬದಲು ಸ್ಫೂರ್ತಿ​ದಾ​ಯಕ ಪಾಠ ಮಾಡು​ತ್ತಾಳೆ. ಪ್ರಿಯ​ತ​ಮೆಯ ಪಾಠ​ದಿಂದ ಉತ್ಸಾ​ಹ​ಗೊಂಡು ನಾಯಕ ಬೆಂಗ​ಳೂ​ರಿಗೆ ಬಂದು ಏನು ಮಾಡು​ತ್ತಾನೆ, ಆತ ಇಲ್ಲಿ ದೊಡ್ಡ ಗಾಯ​ಕ​ನಾ​ಗು​ವುದು ಹೇಗೆ, ಮುಂದೆ ಊರಿಗೆ ಹೋದರೆ ಏನಾ​ಗಿ​ರು​ತ್ತದೆ ಎಂಬುದು ಚಿತ್ರದ ಅಂಶ​ಗಳು.

ಚಿತ್ರ ವಿಮರ್ಶೆ: ಪಾಪ್‌ಕಾರ್ನ್‌ ಮಂಕಿ ಟೈಗರ್

ಚಿತ್ರದ ಹೆಸ​ರಿಗೆ ತಕ್ಕಂತೆ ಮದುವೆ ತಾಪ​ತ್ರ​ಯ​ಗಳು ಇಲ್ಲಿ ಕಾಣಲ್ಲ. ಇಡೀ ಸಿನಿಮಾ ಅತ್ಯಂತ ಸಪ್ಪೆ​ಯಾಗಿ ಸಾಗು​ತ್ತದೆ. ಸೆಂಟಿ​ಮೆಂಟ್‌ ದೃಶ್ಯ​ಗಳು ಚೆನ್ನಾ​ಗಿ​ದ್ದರೂ ಅದನ್ನು ನಿಭಾ​ಯಿ​ಸು​ವು​ದ​ರಲ್ಲಿ ನಾಯಕ ಸೋತಿ​ದ್ದಾ​ನೆ. ಒಂದು ಹಾಡು ಮಾತ್ರ ನಾಯ​ಕನ ಪಾತ್ರದ ಇರು​ವಿ​ಕೆ​ಯನ್ನು ನೆನ​ಪಿ​ಸು​ತ್ತದೆ. ನಾಯ​ಕಿಗೆ ಒಳ್ಳೆಯ ಪಾತ್ರ ಇದ್ದರೂ ಅವರು ಅದಕ್ಕೆ ಸೂಕ್ತ ನ್ಯಾಯ ಸಲ್ಲಿ​ಸಿಲ್ಲ. ರಮೇಶ್‌ ಭಟ್‌ ಹಾಗೂ ಅರುಣ ಬಾಲ​ರಾಜ್‌ ಅವ​ರಿಂದ ಚಿತ್ರಕ್ಕೆ ಕೊಂಚ ಉಸಿರು ಪ್ರಾಪ್ತಿ ಆಗಿದೆ. ಹಳ್ಳಿಗೆ ಬರುವ ಶಿಕ್ಷಕಿ, ಆಕೆ​ಯನ್ನು ಪ್ರೀತಿ​ಸುವ ಹಾಡು​ಗಾರ, ಮದು​ವೆಯ ಚಿಂತೆ, ನಗ​ರಕ್ಕೆ ಬಂದು ದೊಡ್ಡ ಗಾಯ​ಕ​ನಾ​ಗು​ವು​ದು ಹೀಗೆ ಕತೆ​ಯನ್ನು ಒಂದು ಸಾಲಿ​ನಲ್ಲಿ ಕೇಳಿ​ದರೆ ಚೆನ್ನಾ​ಗಿ​ದೆಯಲ್ಲ ಅನಿ​ಸು​ತ್ತದೆ. ಅದನ್ನು ದೃಶ್ಯ​ಗ​ಳಿಗೆ ಅಳ​ವ​ಡಿ​ಸಿ​ಕೊ​ಳ್ಳುವ ಹೊತ್ತಿಗೆ ನಿರ್ದೇ​ಶ​ಕರ ಗೈರು ಹಾಜರಿ ಎದ್ದು ಕಾಣು​ತ್ತದೆ. ಎರಡು ಹಾಡು ಕೇಳು​ವು​ದಕ್ಕೆ ಚೆನ್ನಾ​ಗಿವೆ ಎಂಬುದು ಈ ಚಿತ್ರದ ಹೈಲೈಟ್‌. ಛಾಯಾ​ಗ್ರಾ​ಹ​ಣ​ವಂತೂ ಕೇಳು​ವುದೇ ಬೇಡ.