ಅತ್ಯಾಚಾರ ನಡೆಸಿದ್ದಾಗಿ ಹೇಳಿದ ಆಡಿಯೋ ವೈರಲ್ : ಕೇಸ್‌ಗೆ ಮೇಜರ್ ಟ್ವಿಸ್ಟ್
- ಅನೇಕ ಹೆಣ್ಣು ಮಕ್ಕಳ ಮೇಲೆ ಅತ್ಯಾಚಾರ ನಡೆಸಿದ್ದಾಗಿ ವ್ಯಕ್ತಿಯೋರ್ವನ ಆಡಿಯೋ ವೈರಲ್ ಕೇಸ್
- ಆಡಿಯೋ ಪ್ರಕರಣಕ್ಕೆ ಮೇಜರ್ ಟ್ವಿಸ್ಟ್ ಕೊಟ್ಟ ಬಳ್ಳಾರಿ ಎಸ್ಪಿ
ಬಳ್ಳಾರಿ (ಸೆ.16): ಬಳ್ಳಾರಿಯಲ್ಲಿ ಅತ್ಯಾಚಾರ ಮಾಡಿದ್ದೇವೆ ಎನ್ನುವ ಸ್ಫೋಟಕ ಆಡಿಯೋ ಒಂದು ವೈರಲ್ ಆಗಿದ್ದು ಇದಕ್ಕೆ ಮತ್ತೊಂದು ಟ್ವಿಸ್ಟ್ ಸಿಕ್ಕಿದೆ.
ಮಾನಸಿಕ ಅಸ್ವಸ್ಥತನ ಹುಚ್ಚಾಟದಿಂದ ಈ ವಿಡಿಯೋ ಭಾರಿ ಸದ್ದಾಗಿದ್ದು ಬಳ್ಳಾರಿ ಪೊಲೀಸರನ್ನೇ ಹೈರಾಣಾಗಿಸಿದೆ.
ವೈರಲ್ ಆಗಿರೋ ಆಡಿಯೋ ಕುರಿತು ಬಳ್ಳಾರಿ ಪೊಲೀಸರು ಗಂಭೀರವಾಗಿ ಪರಿಗಣಿಸಿದ್ದು, ಹೀಗೆ ಮಾತನಾಡಿರುವ ವ್ಯಕ್ತಿಯನ್ನು ಪತ್ತೆ ಮಾಡಿದ್ದಾರೆ.
ಬಳ್ಳಾರಿಯಲ್ಲೊಂದು ರೇಪ್ ಗ್ಯಾಂಗ್: ಸಂಚಲನ ಹುಟ್ಟಿಸಿದ ಆಡಿಯೋ..!
ಇ ಸಂಬಂಧ ಮಾಹಿತಿ ನೀಡಿದ ಎಸ್ಪಿ ಸೈದುಲ್ ಅಡಾವತ್ ಅತ್ಯಾಚಾರ ಮಾಡಿದ್ದೇವೆ ಕೊಲೆ ಮಾಡಿದ್ದೇವೆ ಎನ್ನುವ ಆಡಿಯೋ ಭಯಾನಕ ವಾತವರಣ ಸೃಷ್ಟಿಯಾಗಿತ್ತು. ವಿಶೇಷ ತಂಡವೊಂದನ್ನು ರಚನೆ ಮಾಡಿ ಟ್ರೇಸ್ ಮಾಡಿದ್ದೇವೆ. ಮುದ್ದೇಬಿಹಾಳ ತಾಲೂಕಿನ ನಾಲತವಾಡ ಪೇಂಟರ್ ಈ ಆಡಿಯೋ ವೈರಲ್ ಮಾಡಿದ್ದರು. ಇದರ ಅಸಲಿ ಈಗ ತಿಳಿದಿದೆ ಎಂದಿದ್ದಾರೆ.
ಅವರು ಈವರೆಗೂ ಬಳ್ಳಾರಿಗೆ ಬಂದಿಲ್ಲ. ಮಾನಸಿಕ ಅಸ್ವಸ್ಥತೆಯಿಂದ ಬಳಲುತ್ತಿರುವ ವ್ಯಕ್ತಿ ಈ ರೀತಿ ಮಾತನಾಡಿದ್ದಾರೆ. ಪದೇ ಪದೇ ಈ ರೀತಿಯ ಅಸಭ್ಯವಾಗಿ ಮಾತನಾಡುವುದೇ ವ್ಯಕ್ತಿಯ ಪ್ರವೃತ್ತಿಯಾಗಿತ್ತು ಎಂದು ಹೇಳಿದ್ದಾರೆ.
ಬಿಜಾಪುರದ ವರದಿಗಾರನಿಗೆ ಕಾಲ್ ಮಾಡಿದ್ದು, ಅಲ್ಲಿಂದಲೇ ಆಡಿಯೋ ವೈರಲ್ ಆಗಿತ್ತು. ಅದರೀಗ ಮಾನಸಿಕ ಅಸ್ವಸ್ಥತೆಯಿಂದ ಬಳಲುತ್ತಿದ್ದಾನೆಂದು ತಿಳಿದು ಬಂದಿದೆ ಎಂದಿದ್ದಾರೆ.
