ಕರ್ನಾಟಕದ ಕಾಲೇಜನ್ನು ಆಯ್ಕೆ ಮಾಡದ ಸಿಇಟಿ ಟಾಪರ್ಸ್‌!
ಸಿಇಟಿಯಲ್ಲಿ ಟಾಪರ್ ಆಗಿದ್ದರೂ ಕಳೆದ ಮೂರು ವರ್ಷದಲ್ಲಿ ಯಾವುದೇ ವಿದ್ಯಾರ್ಥಿ ಕರ್ನಾಟಕದ ಕಾಲೇಜನ್ನು ವಿದ್ಯಾಭ್ಯಾಸಕ್ಕೆ ಆಯ್ಕೆ ಮಾಡಿಕೊಂಡಿಲ್ಲ. 2019ರಲ್ಲಿ ಕೊನೆಯ ಬಾರಿಗೆ ಟಾಪರ್ ವಿದ್ಯಾರ್ಥಿ ಕರ್ನಾಟಕದ ಕಾಲೇಜನ್ನು ವಿದ್ಯಾಭ್ಯಾಸಕ್ಕಾಗಿ ಆಯ್ಕೆ ಮಾಡಿಕೊಂಡಿದ್ದ.
ಬೆಂಗಳೂರು (ಜ.14): ಕಳೆದ ಮೂರು ವರ್ಷಗಳಲ್ಲಿ ಒಂದೇ ಒಂದು ಸಾಮಾನ್ಯ ಪ್ರವೇಶ ಪರೀಕ್ಷೆ (ಸಿಇಟಿ) ಟಾಪರ್ ಕರ್ನಾಟಕದಲ್ಲಿ ಸಿಇಟಿ ಮೂಲಕ ಸೀಟು ಪಡೆದಿಲ್ಲ. ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದ (ಕೆಇಎ) ಮಾಹಿತಿಯ ಪ್ರಕಾರ, 2019 ರಲ್ಲಿ ವಿದ್ಯಾರ್ಥಿಯೊಬ್ಬರು ಬಿಎಂಎಸ್ ಎಂಜಿನಿಯರಿಂಗ್ ಕಾಲೇಜಿನಲ್ಲಿ ಕಂಪ್ಯೂಟರ್ ಸೈನ್ಸ್ ಸೀಟ್ ಪಡೆದರು. ಅಂದಿನಿಂದ ಇಂದಿನವರೆಗೆ ರಾಜ್ಯದ ಯಾವುದೇ ಕಾಲೇಜಿನಲ್ಲಿ ಟಾಪರ್‌ಗಳು ಸೀಟಿಗಾಗಿ ಮುಂದೆ ಬಂದಿಲ್ಲ. "2019 ರ ನಂತರ ವಿವಿಧ ಸಿಇಟಿ ಸ್ಟ್ರೀಮ್‌ಗಳಲ್ಲಿ ಟಾಪ್ 10 ರಿಂದ ಯಾರೂ ರಾಜ್ಯದ ಯಾವುದೇ ಕಾಲೇಜಿನಲ್ಲಿ ಸೀಟು ಪಡೆದಿಲ್ಲ" ಎಂದು ಸಿಇಟಿ ನಡೆಸುವ ಕೆಇಎ ಕಾರ್ಯನಿರ್ವಾಹಕ ನಿರ್ದೇಶಕಿ ರಮ್ಯಾ ಎಸ್ ಖಚಿತಪಡಿಸಿದ್ದಾರೆ.
2022ರ ಸಿಇಟಿ ಇಂಜಿನಿಯರಿಂಗ್ ವಿಭಾಗದ ಟಾಪರ್‌ಗಳು ಎಲ್ಲಿದ್ದಾರೆ ಎನ್ನುವುದನ್ನು ಟ್ರ್ಯಾಕ್‌ ಮಾಡುವುದಾದರೆ, ಕೆಇಎ ಕಳೆದ ವರ್ಷ ಅಗ್ರ 9 ಶ್ರೇಯಾಂಕ ಹೊಂದಿದ್ದವರನ್ನು ಪ್ರಕಟಿಸಿತ್ತು. 1ನೇ ಶ್ರೇಯಾಂಕ ಹೊಂದಿದ್ದ ವ್ಯಕ್ತಿ ಐಐಟಿ ಕಾನ್ಪುರದಲ್ಲಿ ಕಂಪ್ಯೂಟರ್ ಸೈನ್ಸ್ ತೆಗೆದುಕೊಂಡಿದ್ದರೆ, 2ನೇ ಶ್ರೇಯಾಂಕ ಪಡೆದವರು ಐಐಟಿ ದೆಹಲಿಯಲ್ಲಿ ಸಿಎಸ್‌ಇ ಆಯ್ಕೆ ಮಾಡಿಕೊಂಡಿದ್ದಾರೆ. ಇನ್ನು 3ನೇ ಸ್ಥಾನ ಪಡೆದ ವಿದ್ಯಾರ್ಥಿ ಐಐಟಿ ಬಾಂಬೆಯಲ್ಲಿ ಎಲೆಕ್ಟ್ರಿಕಲ್ ಇಂಜಿನಿಯರಿಂಗ್ ಆಯ್ಕೆ ಮಾಡಿಕೊಂಡಿದ್ದಾರೆ. ಕ್ರಮವಾಗಿ 4 ಹಾಗೂ 5ನೇ ಸ್ಥಾನ ಪಡೆದ ವ್ಯಕ್ತಿಗಳು, ಐಐಎಸ್‌ಸಿ ಹಾಗೂ ಐಐಟಿ ಬಾಂಬೆ ಆಯ್ಕೆ ಮಾಡಿದ್ದರೆ, 6ನೇ ಸ್ಥಾನ ಪಡೆದ ವ್ಯಕ್ತಿ ಐಐಟಿ ಬಾಂಬೆಯಲ್ಲಿ ಸಿಎಸ್‌, 7ನೇ ಸ್ಥಾನ ಪಡೆದ ವ್ಯಕ್ತಿ ಐಐಟಿ ಕಾನ್ಪುರದಲ್ಲಿ ಎಲೆಕ್ಟ್ರಿಕಲ್ ಇಂಜಿನಿಯರಿಂಗ್, 8ನೇ ಸ್ಥಾನ ಪಡೆದ ವ್ಯಕ್ತಿ ಐಐಟಿ ದೆಹಲಿಯಲ್ಲಿ ಸಿಎಸ್‌ಇ ಹಾಗೂ 9ನೇ ಸ್ಥಾನ ಪಡೆದ ವ್ಯಕ್ತಿ ಐಐಟಿ ಮದ್ರಾಸ್‌ನಲ್ಲಿ ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್ ಆಯ್ಕೆ ಮಾಡಿಕೊಂಡಿದ್ದಾರೆ.
ಕೃಷಿ, ಪಶುವೈದ್ಯಕೀಯ ಮತ್ತು ಫಾರ್ಮಸಿಯಂತಹ ಇತರ ವಿಭಾಗಗಳ ಟಾಪರ್‌ಗಳಲ್ಲಿ, ಹೆಚ್ಚಿನ ವಿದ್ಯಾರ್ಥಿಗಳು ನೀಟ್‌ನಲ್ಲಿ ತೇರ್ಗಡೆ ಹೊಂದಿದ್ದಾರೆ ಮತ್ತು ಆಲ್ ಇಂಡಿಯಾ ಇನ್‌ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸಸ್ ಅಥವಾ ಜವಾಹರಲಾಲ್ ಇನ್‌ಸ್ಟಿಟ್ಯೂಟ್ ಆಫ್ ಸ್ನಾತಕೋತ್ತರ ವೈದ್ಯಕೀಯ ಶಿಕ್ಷಣ ಮತ್ತು ಸಂಶೋಧನೆ, ಪುದುಚೇರಿಯಂತಹ ರಾಷ್ಟ್ರೀಯ ಸಂಸ್ಥೆಗಳಲ್ಲಿ ಅಥವಾ ಐಐಟಿಗಳಲ್ಲಿ ತಮ್ಮ ಸೀಟು ಪಡೆದಿದ್ದಾರೆ. ಎ ಜಿನಿಯರಿಂಗ್ ಅಲ್ಲದ ವಿಭಾಗದಿಂದ ಸಿಇಟಿ 2022 ರ ಟಾಪರ್ ಒಬ್ಬರು ಜಂಟಿ ಪ್ರವೇಶ ಪರೀಕ್ಷೆಯ ಮಾರ್ಗದ ಮೂಲಕ ಕರ್ನಾಟಕದ ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ ಸೀಟು ಪಡೆದಿದ್ದಾರೆ ಎಂದು ಹೇಳಲಾಗಿದೆ.
ಜಂಟಿ ಪ್ರವೇಶ ಪರೀಕ್ಷೆ (ಜೆಇಇ) ಮತ್ತು ನೀಟ್‌ನಂತಹ ರಾಷ್ಟ್ರೀಯ ಪ್ರಮುಖ ಸಂಸ್ಥೆಗಳ ಪರೀಕ್ಷೆಯನ್ನು ಭೇದಿಸುವುದೇ ತಮ್ಮ ಮೊದಲ ಆಯ್ಕೆಯಾಗಿದೆ ಎಂದು ವಿದ್ಯಾರ್ಥಿಗಳು ಹೇಳುತ್ತಾರೆ. ಜೆಇಇಯಲ್ಲಿ ಉತ್ತಮ ಸಾಧನೆ ಮಾಡುವ ವಿದ್ಯಾರ್ಥಿಗಳು ಸಾಮಾನ್ಯವಾಗಿ ಸಿಇಟಿ ಟಾಪರ್‌ಗಳೇ ಆಗಿರುತ್ತಾರೆ. ಜೆಇಇ ಇನ್ನಷ್ಟು ಕಠಿಣ ಮಾದರಿಯ ಪರೀಕ್ಷೆಯಾಗಿರುವ ಕಾರಣ, ಸಾಮಾನ್ಯವಾಗಿ ವಿದ್ಯಾರ್ಥಿಗಳು ಪ್ರಮುಖ ಸಂಸ್ಥೆಗಳನ್ನೇ ಸ್ವಾಭಾವಿಕವಾಗಿ ಆಯ್ಕೆ ಮಾಡುತ್ತಾರೆ.
Karnataka Diploma CET 2022: ಡಿಪ್ಲೊಮಾ ಸಿಇಟಿ ಅಂತಿಮ ಕೀ ಉತ್ತರ ಬಿಡುಗಡೆ
ಶ್ರೇಯಾಂಕ ಪಡೆದವರು ಕರ್ನಾಟಕ ಸಂಸ್ಥೆಗಳಲ್ಲಿ ಸೀಟುಗಳಿಗೆ ಆದ್ಯತೆ ನೀಡದ ಕಾರಣ, ರಾಜ್ಯದಲ್ಲಿ ವೃತ್ತಿಪರ ಕೋರ್ಸ್‌ಗಳಿಗೆ ಸೇರುವ ಸಿಇಟಿ ಟಾಪರ್‌ಗಳ ಶುಲ್ಕವನ್ನು ಭರಿಸುವ ಯೋಜನೆ ಕೂಡ ಮೌನವಾಗಿ ಸಾವನ್ನಪ್ಪಿದೆ.
ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ ಎಡವಟ್ಟು, 9 ಸಾವಿರ ವಿದ್ಯಾರ್ಥಿಗಳಿಗೆ ಅನ್ಯಾಯ
2013ರಲ್ಲಿ ರಾಜ್ಯ ಸರ್ಕಾರ ಸಿಇಟಿಯಲ್ಲಿ ಮೊದಲ ಐದು ರ್‍ಯಾಂಕ್‌ಗಳನ್ನು ಪಡೆದ ವಿದ್ಯಾರ್ಥಿಗಳಿಗೆ ಧನಸಹಾಯ ನೀಡುವ ಯೋಜನೆಯನ್ನು ಪ್ರಕಟಿಸಿತ್ತು. ನಂತರ ಅದನ್ನು ಟಾಪ್ 10ಕ್ಕೆ ವಿಸ್ತರಿಸಲಾಯಿತು. ರಾಜ್ಯದಲ್ಲಿಯೇ ಉನ್ನತ ವಿದ್ಯಾರ್ಥಿಗಳನ್ನು ಉಳಿಸಿಕೊಳ್ಳುವ ಆಲೋಚನೆ ಇದರಾಗಿತ್ತು. ಆದರೆ, ನೀಟ್‌ ಅನ್ನು ಪರಿಚಯಿಸಿದ ನಂತರ ಸರ್ಕಾರವು ಯೋಜನೆಯನ್ನು ಸ್ಥಗಿತಗೊಳಿಸಿತು. "ಪ್ರತಿ ವರ್ಷ, ನಾವು ಟಾಪ್ 5 ಅಥವಾ 10 ಸಿಇಟಿ ವಿದ್ಯಾರ್ಥಿಗಳಿಗೆ ಸರ್ಕಾರದ ಮರುಪಾವತಿ ಶುಲ್ಕದ ಕುರಿತು ಆದೇಶಗಳನ್ನು ಪಡೆಯುತ್ತಿದ್ದೆವು. ಆದರೆ, ರಾಷ್ಟ್ರೀಯ ಅರ್ಹತೆ-ಕಮ್-ಪ್ರವೇಶ ಪರೀಕ್ಷೆ (NEET) ಅನ್ನು ಪರಿಚಯಿಸಿದ ನಂತರ, ಕೆಇಎ ಅದರ ಬಗ್ಗೆ ಯಾವುದೇ ಸರ್ಕಾರಿ ಆದೇಶಗಳನ್ನು ಪಡೆದಿಲ್ಲ. ಯೋಜನೆಯು ಪ್ರಸ್ತುತ ಚಾಲನೆಯಲ್ಲಿಲ್ಲ, ”ಎಂದು ಕೆಇಎಯ ಹಿರಿಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ. 2017-18 ರಿಂದ ಕರ್ನಾಟಕದಲ್ಲಿ ನೀಟ್‌ ಅನ್ನು ಜಾರಿಗೊಳಿಸಲಾಗಿದೆ.
