ಗುಜರಾತ್ ಟೈಟಾನ್ಸ್‌ನ ಹೊರದಬ್ಬಿದ ಮಳೆರಾಯ; ಕ್ವಾಲಿಫೈಯರ್‌-1ರಲ್ಲಿ ಸ್ಥಾನ ಪಡೆದ ಕೆಕೆಆರ್..!
ಸೋಮವಾರ ಸಂಜೆಯಿಂದಲೇ ಸುರಿಯಲು ಆರಂಭಿಸಿದ ಧಾರಾಕಾರ ಮಳೆ ರಾತ್ರಿ 10 ಗಂಟೆ ವರೆಗೂ ನಿಲ್ಲಲಿಲ್ಲ. ಇದರಿಂದಾಗಿ ಟಾಸ್ ಕೂಡಾ ಸಾಧ್ಯವಾಗಲಿಲ್ಲ. ತಲಾ ಕನಿಷ್ಠ 5 ಓವರ್‌ ಪಂದ್ಯಕ್ಕೆ 10.56ರ ಗಡುವು ವಿಧಿಸಲಾಗಿತ್ತಾದರೂ, ಎಡೆಬಿಡದೆ ಸುರಿಯ ಮಳೆಯಿಂದಾಗಿ ಮೈದಾನದಲ್ಲಿ ನೀರು ನಿಂತಿತ್ತು. ಹೀಗಾಗಿ 10.45ರ ವೇಳೆ ರೆಫ್ರಿಗಳು ಪರಿಶೀಲನೆ ನಡೆಸಿ ಪಂದ್ಯ ರದ್ದುಗೊಳಿಸಲು ನಿರ್ಧರಿಸಿದರು.
 )
Followಅಹಮದಾಬಾದ್‌: ಕೋಲ್ಕತಾ ನೈಟ್‌ ರೈಡರ್ಸ್‌ ಹಾಗೂ ಗುಜರಾತ್ ಟೈಟಾನ್ಸ್ ನಡುವೆ ಇಲ್ಲಿನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಿಗದಿಯಾಗಿದ್ದ ಪಂದ್ಯ ಭಾರಿ ಮಳೆಯಿಂದ ರದ್ದುಗೊಂಡಿದೆ. ಇದರಿಂದಾಗಿ ಇತ್ತಂಡಗಳು ತಲಾ 1 ಅಂಕ ಹಂಚಿಕೊಂಡಿದ್ದು, ಗುಜರಾತ್ 17ನೇ ಆವೃತ್ತಿ ಐಪಿಎಲ್‌ನ ಪ್ಲೇ-ಆಫ್ ರೇಸ್‌ನಿಂದ ಅಧಿಕೃತವಾಗಿ ಹೊರಬಿತ್ತು.
ಸೋಮವಾರ ಸಂಜೆಯಿಂದಲೇ ಸುರಿಯಲು ಆರಂಭಿಸಿದ ಧಾರಾಕಾರ ಮಳೆ ರಾತ್ರಿ 10 ಗಂಟೆ ವರೆಗೂ ನಿಲ್ಲಲಿಲ್ಲ. ಇದರಿಂದಾಗಿ ಟಾಸ್ ಕೂಡಾ ಸಾಧ್ಯವಾಗಲಿಲ್ಲ. ತಲಾ ಕನಿಷ್ಠ 5 ಓವರ್‌ ಪಂದ್ಯಕ್ಕೆ 10.56ರ ಗಡುವು ವಿಧಿಸಲಾಗಿತ್ತಾದರೂ, ಎಡೆಬಿಡದೆ ಸುರಿಯ ಮಳೆಯಿಂದಾಗಿ ಮೈದಾನದಲ್ಲಿ ನೀರು ನಿಂತಿತ್ತು. ಹೀಗಾಗಿ 10.45ರ ವೇಳೆ ರೆಫ್ರಿಗಳು ಪರಿಶೀಲನೆ ನಡೆಸಿ ಪಂದ್ಯ ರದ್ದುಗೊಳಿಸಲು ನಿರ್ಧರಿಸಿದರು.
Rain affects @gujarat_titans' last home game this season 🌧️
— IndianPremierLeague (@IPL) May 13, 2024
They thank their fans at the Narendra Modi International Stadium, Ahmedabad 🏟️ 🙌#TATAIPL | #GTvKKR pic.twitter.com/28Z11tjxQ4
ಪ್ಲೇ ಆಫ್ ಲೆಕ್ಕಾಚಾರ ಬೆನ್ನಲ್ಲೇ ಆರ್‌ಸಿಬಿಗೆ ಶಾಕ್, ಇನ್ನುಳಿದ ಪಂದ್ಯಕ್ಕೆ ವಿಲ್ ಜ್ಯಾಕ್ಸ್, ಟಾಪ್ಲೆ ಅಲಭ್ಯ!
ಟೈಟಾನ್ಸ್ ಔಟ್‌: ಪಂದ್ಯ ರದ್ದುಗೊಂಡ ಕಾರಣ ಇತ್ತಂಡಕ್ಕೂ ತಲಾ 1 ಅಂಕ ಲಭಿಸಿತು. ಹೀಗಾಗಿ ಮಾಜಿ ಚಾಂಪಿಯನ್ ಗುಜರಾತ್‌ನ ಅಂಕ 11ಕ್ಕೆ ಹೆಚ್ಚಳವಾಯಿತು. ಕೊನೆ ಪಂದ್ಯ ಗೆದ್ದರೂ ತಂಡದ ಅಂಕ ಕೇವಲ 13 ಆಗಲಿದ್ದು, ಪ್ಲೇ-ಆಫ್‌ಗೇರುವ ಅವಕಾಶ ಕಳೆದುಕೊಂಡಿತು. ಗುಜರಾತ್ ಲೀಗ್‌ ಹಂತದ ಕೊನೆ ಪಂದ್ಯದಲ್ಲಿ ಮೇ 16ಕ್ಕೆ ಪಂಜಾಬ್‌ ಸವಾಲು ಎದುರಾಗಲಿದೆ.
ಕ್ವಾಲಿಫೈಯರ್‌-1ರಲ್ಲಿ ಸ್ಥಾನ ಪಡೆದ ಕೆಕೆಆರ್
ಪಂದ್ಯ ಮಳೆಯಿಂದ ರದ್ದುಗೊಂಡ ಕಾರಣ ಕೋಲ್ಕತಾ 13 ಪಂದ್ಯಗಳಲ್ಲಿ 19 ಅಂಕಗಳನ್ನು ಸಂಪಾದಿಸಿದ್ದು, ಅಂಕಪಟ್ಟಿಯಲ್ಲಿ ಅಗ್ರ-2 ಸ್ಥಾನ ಖಚಿತಪಡಿಸಿಕೊಂಡಿದೆ. ತಂಡ ಕ್ವಾಲಿಫೈಯರ್‌-1ರಲ್ಲಿ ಆಡಲಿದ್ದು, ಗೆದ್ದರೆ ನೇರವಾಗಿ ಫೈನಲ್‌ ಪ್ರವೇಶಿಸಲಿದೆ. ಕೆಕೆಆರ್ ಲೀಗ್‌ ಹಂತದ ಕೊನೆ ಪಂದ್ಯದಲ್ಲಿ ಮೇ 19ರಂದು ರಾಜಸ್ಥಾನ ವಿರುದ್ಧ ಆಡಲಿದೆ.
01ನೇ ಪಂದ್ಯ: ಈ ಬಾರಿ ಐಪಿಎಲ್‌ನಲ್ಲಿ ಮಳೆಯಿಂದಾಗಿ ಮೊದಲ ಬಾರಿ ಪಂದ್ಯ ರದ್ದುಗೊಂಡಿತು.
