ಮದ್ವೆಯಾದ್ರೂ ಎಕ್ಸ್ ಬಾಯ್ಫ್ರೆಂಡ್ ಜತೆಗಿನ ಸವಿಸವಿ ನೆನಪು ಮೆಲುಕು ಹಾಕಿದ್ರು ಈ ಬಾಲಿವುಡ್ ನಟಿಯರು!
ನಟಿಯರಾದ ಆಲಿಯಾ ಭಟ್ ಮತ್ತು ಅನುಷ್ಕಾ ಶರ್ಮಾ ಅವರು ತಮ್ಮ ಮಾಜಿ ಬಾಯ್ಫ್ರೆಂಡ್ಗಳ ಜೊತೆಗಿನ ಸವಿಸವಿ ನೆನಪುಗಳನ್ನು ಮೆಲುಕು ಹಾಕಿದ್ದಾರೆ. ಅವರು ಹೇಳಿದ್ದೇನು?
![Alia Bhatt and Anushka Sharma have relived the sweet memories with their ex boyfriends suc Alia Bhatt and Anushka Sharma have relived the sweet memories with their ex boyfriends suc](https://static-ai.asianetnews.com/images/01hfxkardn9r3b31k7p4mheg7y/alia-bhatt-and-anushka-sharma_363x203xt.jpg)
ಮೊದಲ ಪ್ರೀತಿ ಮರೆಯಲು ಸಾಧ್ಯವಿಲ್ಲ ಎನ್ನುವ ಮಾತಿದೆ. ಇನ್ನು ನಟ-ನಟಿಯರ ವಿಷಯಕ್ಕೆ ಬರುವುದಾದರೆ ಇವರ ಪೈಕಿ ಹಲವರಿಗೆ ತಮ್ಮ ಮೊದಲ ಪ್ರೀತಿ ಯಾವುದು ಎಂದು ತಿಳಿಯುವುದು ಕಷ್ಟವೇ. ಏಕೆಂದರೆ ಡೇಟಿಂಗ್, ಸಂಬಂಧ, ಲಿವ್-ಇನ್, ಬ್ರೇಕಪ್ ಎಲ್ಲವೂ ಇಲ್ಲಿ ಮಾಮೂಲು. ಇದರ ಹೊರತಾಗಿಯೂ ಆಗಾಗ್ಗೆ ನಟರು ತಮ್ಮ ಹಳೆಯ ಬಾಯ್ಫ್ರೆಂಡ್, ಗರ್ಲ್ಫ್ರೆಂಡ್ಸ್ಗಳನ್ನು ನೆನಪು ಮಾಡಿಕೊಳ್ಳುವುದು ಇದೆ. ಅದೇ ರೀತಿ ಇದೀಗ ನಟಿಯರಾದ ಅನುಷ್ಕಾ ಶರ್ಮಾ ಮತ್ತು ಕಾಫಿ ವಿತ್ ಕರಣ್ ಷೋನಲ್ಲಿ ಎಕ್ಸ್ಗಳ ನೆನಪು ಮೆಲುಕು ಹಾಕಿದ್ದಾರೆ.
ಅನುಷ್ಕಾ ಶರ್ಮಾ ಅವರ ವಿಷಯಕ್ಕೆ ಬರುವುದಾದರೆ, ಕ್ರಿಕೆಟಿಗ ವಿರಾಟ್ ಕೊಹ್ಲಿ ಅವರನ್ನು ಮದುವೆಯಾಗುವ ಮುನ್ನ ಇವರ ಹೆಸರು ಕೆಲವರ ಜೊತೆ ಥಳಕು ಹಾಕಿಕೊಂಡಿದ್ದರೂ, ಹೆಚ್ಚಾಗಿ ಕೇಳಿಬಂದದ್ದು, ನಟ ರಣವೀರ್ ಸಿಂಗ್ ಜೊತೆ. ಇದೀಗ ರಣವೀರ್ ದೀಪಿಕಾ ಪಡುಕೋಣೆ ಜೊತೆ ಮದುವೆಯಾಗಿ ಸುಖ ಸಂಸಾರ ನಡೆಸುತ್ತಿದ್ದರೂ, ಅನುಷ್ಕಾ ಆ ದಿನಗಳನ್ನು ಕರಣ್ ಷೋನಲ್ಲಿ ಮೆಲುಕು ಹಾಕಿದ್ದಾರೆ. ಈ ಷೋ ಸಮಯದಲ್ಲಿ ಅನುಷ್ಕಾ ಅವರ ಹಳೆಯ ವಿಡಿಯೋ ಒಂದನ್ನು ಪ್ರದರ್ಶಿಸಲಾಯಿತು. ಅದರಲ್ಲಿ ಅವರು ತಮ್ಮ ಮತ್ತು ರಣವೀರ್ ಸಿಂಗ್ ಅವರ ಸಂಬಂಧದ ಕುರಿತು ಮಾತನಾಡಿದ್ದಾರೆ. ಇವರಿಬ್ಬರೂ 2010 ರ ಚಲನಚಿತ್ರ ಬ್ಯಾಂಡ್ ಬಾಜಾ ಬಾರಾತ್ನಲ್ಲಿ ನಟಿಸಿದ್ದರು. ಇದಾದ ಬಳಿಕ ತಾವು ರಣವೀರ್ ಸಿಂಗ್ ಜೊತೆ ಎಂದಿಗೂ ಡೇಟಿಂಗ್ ಮಾಡದಿರಲು ನಿರ್ಧರಿಸಿರುವುದಾಗಿ ಅನುಷ್ಕಾ ಹೇಳಿದ್ದರು. ರಣವೀರ್ ಬಾಯ್ ಫ್ರೆಂಡ್ ಆಗಲು ಸಾಧ್ಯವಿಲ್ಲ. ಅವರು 'ಕಠಿಣ ಪರಿಶ್ರಮಿ ಮತ್ತು 'ಉತ್ತಮ' ವ್ಯಕ್ತಿಯಾಗಿದ್ದರೂ, ಬಾಯ್ಫ್ರೆಂಡ್ ಆಗಲು ಸಾಧ್ಯವಿಲ್ಲ ಎಂದಿದ್ದರು. ಉದ್ಯಮದಲ್ಲಿ ಅವರು ದೊಡ್ಡ ಹೆಸರು ಮಾಡಬೇಕು, ಆದ್ದರಿಂದ ಅವರ ಜೊತೆ ಡೇಟಿಂಗ್ ಮಾಡಲ್ಲ ಎಂದಿದ್ದರು. ಅವರು ಉದ್ಯಮದಲ್ಲಿ ಬಹುದೊಡ್ಡ ವ್ಯಕ್ತಿಯಾಗಲು ನನ್ನ ಸಹಕಾರ ಅಗತ್ಯವಿದೆ. ಆದ್ದರಿಂದ ಈಗಲೇ ಅವರಿಗೆ ಡೇಟಿಂಗ್ ಎಂದೆಲ್ಲಾ ತಲೆಕೆಡಿಸುವುದಿಲ್ಲ ಎಂದಿದ್ದರು.
ಕರೀನಾ ಮನೆಯಲ್ಲಿ ದೀಪಿಕಾ ಪಡುಕೋಣೆ, ಪ್ರಿಯಾಂಕಾ ಚೋಪ್ರಾ ಗಂಡಂದಿರ ಫೋಟೋ! ಬಯಲಾಯ್ತು ಗುಟ್ಟು...
ಆದರೆ ಇದಕ್ಕೆ ತದ್ವಿರುದ್ಧ ಹೇಳಿಕೆ ಕೊಟ್ಟವರು ನಟಿ ಆಲಿಯಾ ಭಟ್. ಕಾಫಿ ವಿತ್ ಕರಣ್ನಲ್ಲಿ ಸಿದ್ಧಾರ್ಥ್ ಮಲ್ಹೋತ್ರಾ ಮತ್ತು ವರುಣ್ ಧವನ್ ಹೊಸ ಅತಿಥಿಗಳಾಗಿದ್ದರು. ಆ ಸಮಯದಲ್ಲಿ ಆಲಿಯಾ ಭಟ್ ಮಾತನಾಡಿದ ವಿಡಿಯೋ ಒಂದನ್ನು ಪ್ಲೇ ಮಾಡಲಾಯಿತು. ಅದರಲ್ಲಿ ಆಲಿಯಾ ವರುಣ್ ಮತ್ತು ಸಿದ್ಧಾರ್ಥ್ ಬಗ್ಗೆ ಸುದೀರ್ಘವಾಗಿ ಮಾತನಾಡಿದ್ದರು. ಸಿದ್ಧಾರ್ಥ್ ನನ್ನ ಜೀವನದ ಮೊದಲ ಪ್ರೀತಿಯಾಗಿದ್ದು, ಈ ಪ್ರೀತಿಯನ್ನು ನೀಡಿದ್ದಕ್ಕಾಗಿ ಧನ್ಯವಾದ ಎಂದರು. ಅವನು ತುಂಬಾ ಉಲ್ಲಾಸಭರಿತನಾಗಿದ್ದ, ಧೈರ್ಯಶಾಲಿಯಾಗಿದ್ದ ಎಂದು ಸಿದ್ಧಾರ್ಥ್ ಅವರನ್ನು ಆಲಿಯಾ ಹಾಡಿ ಹೊಗಳಿದರು. "ಸಿದ್ ನಿಜವಾಗಿಯೂ ಒಳ್ಳೆಯ ಗಾಯಕ. ಅವನು ತುಂಬಾ ಆರೋಗ್ಯವಂತ ವ್ಯಕ್ತಿ, ಆದ್ದರಿಂದ ಅವನು ಪಾರ್ಟಿಯನ್ನು ಮಾಡುವುದಿಲ್ಲ. ಅವನು ಅಂತರ್ಗತವಾಗಿರುವ ಪಂಜಾಬಿ. ಅದು ಹೇಗೆ ಎಂದು ಅವನಿಗೆ ತಿಳಿದಿದೆ. ತುಂಬಾ ಒಳ್ಳೆಯ ಮನುಷ್ಯ ಎಂದರು.
ಮತ್ತಷ್ಟು ಸಿದ್ಧಾರ್ಥ್ ಬಗ್ಗೆ ಹೊಗಳಿದ ಆಲಿಯಾ, ಆತ ತುಂಬಾ ಧೈರ್ಯಶಾಲಿ, ತುಂಬಾ ಒಳ್ಳೆಯ ನಡತೆ, ಕರುಣಾಮಯಿ. ಅದಕ್ಕಾಗಿಯೇ ಆತ ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾನೆ. ನಾನು ಸಿಧ್ಗೆ ತುಂಬಾ ಕೃತಜ್ಞನಾಗಿದ್ದೇನೆ, ಏಕೆಂದರೆ ಅವನು ನನ್ನ ಜೀವನದ ಮೊದಲ ಪ್ರೀತಿಯನ್ನು ಕೊಟ್ಟಿದ್ದಾನೆ ಎಂದರು.
Wedding Anniversary: ವಿವಾಹಿತ ರಾಜ್ ಕುಂದ್ರಾ ಮೇಲೆ ಶಿಲ್ಪಾಗೆ ಹುಟ್ಟಿತ್ತು ಮೋಹ: ಆ ಭೇಟಿ ಕಾಮಕ್ಕೆ ತಿರುಗಿತ್ತು ಎಂದ ನಟಿ!